. ධනංජයගේ දස්කමෙන් රිච්මන්ඩ් අවසන් සටනට | කෙළිමඬල
2019 මාර්තු මස 26 වැනි අගහරුවාදා
ධනංජයගේ දස්කමෙන් රිච්මන්ඩ් අවසන් සටනට
2018-04-24 16:05:36 | ශානුක අරවින්ද

ධනංජය ලක්ෂාන්ගේ තුන් ඉරියවු දස්කම් හමුවේ අන්තර් පාසල් වයස 19 න් පහළ ‘සිංගර් කුසලාන’ සීමිත ඕවර ක්‍රිකට් තරගාවලියේ I වැනි කොටසේ අවසන් මහා තරගයට සුදුසුකම් ලබාගැනීමට ගාල්ල රිච්මන්ඞ් විදුහල අද (24 වැනිදා) සමත් විය.

කොළඹ ශාන්ත පීතර විදුහල් ක්‍රීඩාංගණයේදී පැවැති අවසන් පූර්ව තරගයේදී ගල්කිස්ස සාන්ත තෝමස් විදුහලට එරෙහිව කඩුලු 5 ක ජයක් වාර්තා කරමින් රිච්මන්ඞ් විදුහල අවසන් මහ තරගයට සුදුසුකම් ලබාගත්තේය.

ජයග්‍රහණය සඳහා ලකුණු 22 ක ඉලක්කයක් හඹාගිය රිච්මන්ඞ් ක්‍රීඩකයෝ ඕවර 43.2 ක් අවසානයේ කඩුලු 5 ක් පමණක් දැවී එම ඉලක්කය සපුරාගත්හ. එහිදී විශිෂ්ට පිතිහරඹයක නිතර වූ ධනංජය ලක්ෂාන් නොදැවී 130 ක් රැස්කරමින් සිය කණ්ඩායම ජයග්‍රහණය කරා ගෙන ගියේය.

කාසියේ වාසිය දිනූ රිච්මන්ඞ් විදුහල් කණ්ඩායමේ නායකයාගේ ආරාධනයෙන් පළමුවෙන් පන්දුවට පහරදුන් සාන්ත තෝමස් විදුහල ඕවර 50 අවසානයේදී කඩුලු 7 ක් දැවී ලකුණු 221 ක් ලබාගත්තේය.

එහිදී ඩෙලන් පීරිස් ලකුණු 55 ක් ලබා සිටියදී ආබාධයකට ලක්ව පිටියෙන් ඉවත්ව ගිය අතර දක්ෂ පන්දු යැවීමක නිතර වූ ධනංජය ලක්ෂාන් ලකුණු 36 කට කඩුලු 5 ක් බිඳහෙළමින් සාන්ත තෝමස් පිතිකරුවන් පීඩනයට පත් කළේය.

සාන්ත තෝමස් විදුහල - ඕවර 50 කදී කඩුලු 7 දැවී 221
(ඩෙලන් පීරිස් 55, ශනිල් ද මෙල් 52, මනීෂ රූපසිංහ නොදැවී 44, ධනංජය ලක්ෂාන් 36/5)

රිච්මන්ඞ් විදුහල - ඕවර 43.2 කදී කඩුලු 5 දැවී 222
(ධනංජය ලක්ෂාන් නොදැවී 130, තවීෂ අභිෂේක් 36, එස්.ඕ. ප්‍රනාන්දු 43/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...