. එංගලන්ත කොඩිය වැනීම අවදානම් | කෙළිමඬල
2018 මැයි මස 22 වැනි අගහරුවාදා
එංගලන්ත කොඩිය වැනීම අවදානම්
2018-04-27 13:54:05 | මොහාන් ප්‍රනාන්දු

ලබන ජූනි මස 14 වැනිදා සිට ජූලි මස 15 දක්වා රුසියාවේ පැවැත්වීමට නියමිත පාපන්දු ලෝක කුසලාන තරගාවලිය නැරැඹීමට බලාපොරොත්තුවෙන් පසුවන එංගලන්තයේ පාපන්දු ක්‍රීඩාලෝලීන්ට  එංගලන්ත පොලිසිය  විසින් උපදෙස් මාලාවක් නිකුත් කරනු ලැබ ඇත. 

ත්‍රස්තවාදී ප්‍රහාර අවදානමත්, රුසියානු රහස් ඔත්තු සේවයේ රාජකාරි කළ, දැනට එංගලන්තයේ සිටින රුසියානු ජාතිකයකුට වස පෙවීමට උත්සාහ දැරීමේ සිදුවීමත් හේතුවෙන් දෙරට ඇතිවී තිබෙන රාජතාන්ත්‍රික උණුසුමත් නිසා ලෝක කුසලාන පාපන්දු තරග පැවැත්වෙන ක්‍රීඩාංගණවලදී එංගලන්තයේ ජාතික ධජය ප්‍රදර්ශනය කිරිම හෝ ගී ගැයීමෙන් වළකින ලෙස එංගලන්ත පොලීසිය එරට පාපන්දු ලෝලීන්ට දැනුම් දී තිබේ. එවන් ක්‍රියාකාරකම් තුළින් අනපේක්ෂිත ගැටුම් උද්ගත වනු ඇතැයිද පොලිසිය එංගලන්ත පාපන්දු ලෝලීන්ට අනතුරු අඟවා තිබේ.

පාපන්දු ලෝක කුසලාන තරගාවලිය අතරතුර එංගලන්ත ක්‍රීඩාලෝලීන්ගේ ආරක්ෂාව භාරව කටයුතු කිරීමට නියමිත එංගලන්තයේ දකුණු යෝක්ෂයර් ප්‍රාන්ත පොලිසියේ නියෝජ්‍ය ප්‍රධානී මාක් රොබට්ස් මහතා පවසා ඇත්තේ ජාතිකත්වය පිළිබඳ දැඩි අවදානමකට සහ බරපතළ ලෙස උණුසුම් වාතාවරණයකට මුහුණදීමට එංගලන්ත ක්‍රීඩාලෝලින්ට සිදුවනු ඇති බැවින් මෙවැනි උපදෙස් මාලාවක් නිකුත් කළ බවය. 
තරග අතරතුර එංගලන්ත ජාතික ධජය ප්‍රදර්ශනය කිරීම නිසා ඉංග්‍රීසි ජාතිකයන්ට ඔවුන්ගේ ජාතිකත්වය පිළිබඳ වැඩි අභිමානයක් ඇතිවීමේ පසුබිමක් නිර්මාණය වනු ඇතැයි ද එය ඔවුන්ට අවදානමක් සහිත වාතාවරණයක් වනු ඇතැයිද මාක් රොබට්ස් මහතාගේ අදහස වී තිබේ.

මෙවර ලෝක කුසලාන තරගාවලිය නැරැඹීමට 10,000 කට අධික එංගලන්ත ක්‍රීඩාලෝලීන් පිරිසක් රුසියාව බලා යාමට සූදානමින් සිටිති. ලෝකයේ හතර සිවු දිසාවේම වෙසෙන පාපන්දු ලෝලීන් අතුරින් මහත් කළහකාරී පාපන්දු ලෝලීන් පිරිසක් ලෙසින් එංගලන්ත පාපන්දු ලෝලීන් හැඳින්වේ. 

රුසියානු රහස් ඔත්තු සේවා නිලධාරියාගේ සිදුවීම අරභයා බ්‍රිතාන්‍ය රාජතාන්ත්‍රිකයන් 23 කට මොස්කව් නුවරින් පිටවීමට පසුගියදා රුසියානු රජය බල කර සිටියේය. ඒ අතර බ්‍රිතාන්‍ය පාපන්දු නිලධාරිහුද සිටියහ.

රුසියානු ජනාධිපති ව්ලැදිමිර් පුටින් සහ බටහිර රටවල් අතර  රාජතාන්ත්‍රික වශයෙන් මෙවැනි උණුසුම් වාතාවරණයක් පැන නැගීමට පෙර එංගලන්ත ක්‍රීඩාලෝලීන් ලෝක කුසලාන පාපන්දු තරගාවලිය නැරැඹීම සඳහා ප්‍රවේශපත් 28,000 ක් මිළදී ගෙන ඇතැයි වාර්තා විය. 

මෙවර ලෝක කුසලාන පාපන්දු තරගාවලියේ දි එංගලන්ත පිල සහභාගි වන පළමු තරගය ජූනි මස 18 වැනිදා ටියුනීසියාවට එරෙහිව පැවැත්වීමට නියමිතය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...