. ශ්‍රී ලංකාව 61 - 63 ස්ථානවලට | කෙළිමඬල
2018 දෙසැම්බර් මස 10 වැනි සඳුදා
ශ්‍රී ලංකාව 61 - 63 ස්ථානවලට
2018-05-07 18:57:16 | ශානුක අරවින්ද

ස්වීඩනයේ හැම්ස්ටඞ් නුවරදී පැවැති ලෝක මේසපන්දු ශූරතාවලියට සහභාගි වූ ශ්‍රී ලංකා පිරිමි සහ කාන්තා කණ්ඩායම් පිළිවෙලින් එහි 63 වැනි සහ 61 වැනි ස්ථානවලට පත්වූහ. දින 8 ක් පුරා පැවැති මෙම තරගාවලිය සඳහා පිරිමි සහ කාන්තා කණ්ඩායම් 72 බැගින් සහභාගි වූහ.

තෙවැනි කාණ්ඩය යටතේ තරගාවලියට සහභාගි වූ ශ්‍රී ලංකා පිරිමි සහ කාන්තා කණ්ඩායම් දෙකටම ඔවුන් සහභාගි වූ මූලික වටයේ තරගවලදී ජයගත හැකි වූයේ එක් තරගය බැගින් පමණි. ශ්‍රී ලංකා පිරිමි කණ්ඩායම නවසීලන්තයට (තරග 3-2 කින්) එරෙහිවද, කාන්තා කණ්ඩායම මාලදිවයිනට (තරග 3-0 කින්) එරෙහිවද එම ජයග්‍රහණ වාර්තා කළහ. එහිදී තරගාවලියට සහභාගි නොවූ බැවින් බංග්ලාදේශය එරෙහිව පැවැත්වීමට නියමිතව තිබූ තරගයේදී ශ්‍රී ලංකා කාන්තා කණ්ඩායමට නිතරග ජයක් හිමිවිය.

මූලික වටයේ සෙසු තරගවලදී ශ්‍රී ලංකා පිරිමි කණ්ඩායම මෙක්සිකෝව හමුවේ තරග 3-0 කින්ද, දකුණු අප්‍රිකාව හමුවේ තරග 3-2 කින්ද, උස්බෙකිස්තානය හමුවේ තරග 3-1 කින්ද, කොංගෝ රාජ්‍ය හමුවේ තරග 3-2 කින්ද පරාජයට පත් විය.

ශ්‍රී ලංකා කාන්තා කණ්ඩායම සහභාගි වූ සෙසු තරගවලදී නොර්වේ රාජ්‍ය හමුවේ තරග 3-0 කින්ද, බොස්නියාව හමුවේ තරග 3-1 කින්ද පරාජයට පත් විය. එක් ක්‍රීඩිකාවක් අසනීප වීම නිසා වේල්සයට එරෙහිව පැවැති තරගයට ශ්‍රී ලංකා කාන්තා කණ්ඩායම සහභාගි නොවීය. එම තරගයේදී වේල්සයට නිතරග ජයක් අත්විය.

මූලික වටයේ තරගවලිදී ලැබූ පරාජයන්ගෙන් පසුව ශ්‍රී ලංකා පිරිමි සහ කාන්තා කණ්ඩායම් දෙකටම ශ්‍රේණිගත කිරීමේ තරග සඳහා සහභාගී වීමට සිදුවිය.

එහිදී ගුවාට්මාලා දේශයට එරෙහිව තරග 3-1 ක ජයක්ද, ජෝර්දානයට එරෙහිව තරග 3-2 ක ජයක්ද වාර්තා කළ ශ්‍රී ලංකා පිරිමි කණ්ඩායම, ටෝගෝ රාජ්‍ය හමුවේ තරග 3-2 ක් ලෙස පරාජය වීම නිසා තරගාවලියේ 63 වැනි ස්ථානයට පත් විය.

ශ්‍රේණිගත කිරීමේ වටයේදී සහභාගි වූ පළමු තරගයේදීම නිතරග ජයක් ලැබූ ශ්‍රී ලංකා කාන්තා කණ්ඩායම සෙසු තරග දෙකේදී මොරොක්කෝවට එරෙහිව තරග 3-0 ක ජයක්ද, ඇල්ජීරියාවට එරෙහිව තරග 3-2 ක ජයක්ද ලබමින් තරගාවලියේ 61 වැනි ස්ථානය හිමිකර ගත්තේය.

මෙම තරගාවලියේදී උදය රණසිංහ, ක්‍රිෂාන් වික්‍රමරත්න සහ රොහාන් සිරිසේන ශ්‍රී ලංකා පිරිමි කණ්ඩායම නියෝජනය කළ අතර හංසනී පියුමිලා, ඉෂාරා මධුරංගි සහ ජිතාරා වර්ණකුලසූරිය කාන්තා කණ්ඩායම නියෝජනය කළහ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
නවසීලන්තය කඩුලු 7 කට 229 යි...
2018-12-03 20:00:03
පාකිස්තානයට එරෙහිව ඩුබායිහි ශෙයික් සයිඞ් ක්‍රීඩාංගණයේදී පැවැත්වෙන තෙවැනි ටෙස්ට් තරගයේ පළමු දිනය වූ අද (3 වැනිදා) තරගය නතර කරන විට පන්ද...