. හේනේගම මැදි විදුහල අවසන් තරගයට | කෙළිමඬල
2019 ජනවාරි මස 21 වැනි සඳුදා
හේනේගම මැදි විදුහල අවසන් තරගයට
2018-05-09 13:12:22 | රොෂාන් ගුණරත්න

‘සිංගර් කුසලාන’ වයස 19 න් පහළ එක්දින ක්‍රිකට් තරගාවලියේ III වැනි කොටසේ පළමු අවසන් පූර්ව තරගය ජයගත් හේනේගම මැදි විදුහල අවසන් මහ තරගයට සුදුසුකම් ලබාගැනීමට පෙරේදා (7 වැනිදා) සමත්විය.

 වේයන්ගොඩ බණ්ඩාරනායක විදුහල් ක්‍රීඩාංගණයේදී පැවැති අවසන් පූර්ව තරගයේදී වත්තල ලයිසියම් ජාත්‍යන්තර පාසලට එරෙහිව කඩුලු 3 ක ජයක් හිමිකර ගැනීමට හේනේගම මැදි විදුහල සමත්විය.

කාසියේ වාසිය දිනා පළමුව පන්දුවට පහරදුන් වත්තල ලයිසියම් ජාත්‍යන්තර පාසලට ඕවර 39.5 කදී සියලුදෙනා දැවී රැස්කිරීමට හැකිවූයේ ලකුණු 100 ක් පමණි.

ලකුණු 29 ක් ලබාගත් පසිඳු සමේෂ් යිසියම් ජාත්‍යන්තර පාසල වෙනුවෙන් වැඩිම ලකුණු රැස්කළ පිතිකරුවා බවට පත්වූ අතර ප්‍රමිත් දර්ශණ ලකුණු 14 කට කඩුලු 3 ක් දවාගනිමින් හේනේගම මැදි විදුහල වෙනුවෙන් පන්දුවෙන් දස්කම් දැක්වීය. ජනිත් මදුහංස, දමිත් විජේනායක සහ විමුක්ති ලක්ෂාන් කඩුලු 2 බැගින් දවාගනිමින් වත්තල ලයිසියම් ජාත්‍යන්තර පාසල අඩු ලකුණු සංඛ්‍යාවකට සීමා කිරීමට සමත්වූහ.

ජයග්‍රහණය සදහා ලකුණු 101 ක ඉලක්කයක් හඹාගිය හේනේගම මැදි විදුහල ඕවර 20 කදී කඩුලු 7 ක් දැවී ඉලක්කය පහසුවෙන් ජයගැනීමට සමත්විය.

අර්ධ ශතකයක් ලබාගත් සසංක දුලාජ් ජයග්‍රහණය කරා හේනේගම මැදි විදුහල රැගෙන යමින් නොදැවී ලකුණු 61 ක් රැස් කළේය.
දිල්ශාන් ජයවර්ධන ලකුණු 21 කට කඩුලු 2 ක් දවාගැනීමට සමත්විය.

ලයිසියම් විද්‍යාලය - ඕවර 39.5 කදී සියලුදෙනා දැවී ලකුණු 100
(පසිඳු සමේෂ් 29, ප්‍රමිත් දර්ශණ 14/3, ජනිත් මදුහංස 19/2, දමිත් විජේනායක 23/2, විමුක්ති ලක්ෂාන් 03/2)

හේනේගම මැදි විදුහල - ඕවර 20 කදී කඩුලු 7 ක් දැවී ලකුණු 101
(සසංක දුලාජ් නොදැවී 61, දිල්ශාන් ජයවර්ධන 21/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා ‘ඒ’ පිලට 1-0 ක තරගාවලි ජයක්...
2019-01-16 12:42:19
සංචාරක අයර්ලන්ත ‘ඒ’ කණ්ඩායම සහ ශ්‍රී ලංකා ‘ඒ’ කණ්ඩායම අතර සූරියවැව මහින්ද රාජපක්‍ෂ ජාත්‍යන්තර ක්‍ර...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
පැතුම් - කමිඳු බලාපොරොත්තු රඳවාගනිති...
2019-01-15 16:13:56
සංචාරක අයර්ලන්ත ‘ඒ’ කණ්ඩායමට එරෙහිව සූරියවැව මහින්ද රාජපක්ෂ ක්‍රීඩාංගණයේදී පැවැත්වෙන නිල නොවන ටෙස්ට් ක්‍රිකට් තරගය තෙව...