. මුම්බායි පිලට ලකුණු 102 ක දැවැන්ත ජයක් | කෙළිමඬල
2019 මාර්තු මස 24 වැනි ඉරිදා
මුම්බායි පිලට ලකුණු 102 ක දැවැන්ත ජයක්
2018-05-09 20:31:58 | .

ඉන්දීය ප්‍රිමියර් ලීග් තරගාවලියේ 41 වැනි තරගය ලෙස මුම්බායි ඉන්දියන්ස් කණ්ඩායම සහ කොල්කටා නයිට්රයිඩර්ස් කණ්ඩායම අතර කොල්කටාහිදී අද (9 වැනිදා) පැවැති තරගයෙන් ලකුණු 102 ක දැවැන්ත ජයක් අත්කර ගැනීමට මුම්බායි ඉන්දියන්ස් කණ්ඩායම සමත් විය.

ජයග්‍රහණය සඳහා ලකුණු 211 ක ඉලක්කයක් හඹාගිය කොල්කටා නයිට්රයිඩර්ස් කණ්ඩායම ඕවර 18.1 ක් අවසානයේ ලකුණු 108 කට සීමා කිරීමට මුම්බායි ඉන්දියන්ස් පන්දු යවන්නෝ සමත් වූහ. එහිදි දක්ෂ පන්දු යැවීමක නිරත වූ කෘනාල් පාණ්ඩ්‍යා සහ හර්දීක් පාණ්ඩ්‍යා කඩුලු 2 බැගින් දවාගනිමින් කොල්කටා කණ්ඩායමේ ජයග්‍රාහී මාවත අවහිර කළහ.

පිතිකරුවන් 5 දෙනෙක්ම ලකුණු 10 සීමාව පසුකර යෑමටත් මත්තෙන් පිටියෙන් ඉවත්ව යද්දී කොල්කටා ඉනිමේ වැඩිම ලකුණු ලාභියා බවට පත්වූ නිටිෂ් රානා පන්දු 19 කදී හයේ පහරක් සහ හතරේ පහර 2 ක් සමග ලකුණු 21 ක් රැස්කළේය. ක්‍රිස් ලයන් පන්දු 15 කදී ලකුණු 21 ක් රැස්කළේ හයේ පහරක් සහ හතරේ පහර 3 ක් සමගිනි.

කාසියේ වාසිය දිනූ කොල්කටා කණ්ඩායමේ නායක දිනේෂ් කාර්තික්ගේ ආරාධනයෙන් පළමුවෙන් පන්දුවට පහරදුන් මුම්බායි කණ්ඩායම ඕවර 20 අවසානයේ කඩුලු 6 ක් දැවී ලකුණු 210 ක් රැස්කළේය.

එහිදී වේගවත් පිතිරඹයක නිරත වූ ඉෂාන් කිෂන් පන්දු 21 කින් ලකුණු 62 ක් රැස්කළ අතර ඊට හයේ පහර 6 ක් සහ හතරේ පහර 5 ක් ඇතුළත් විය. නායක රෝහිත් ශර්මා හයේ පහරක් සහ හතරේ පහර 2 ක් සමග ලකුණු 36 ක්ද, සූර්යකුමාර් යාදව් හයේ පහරක් සහ හතරේ පහර 5 ක් සමග ලකුණු 36 ක්ද රැස්කරමින් මුම්බායි කණ්ඩායමේ ලකුණු සංඛ්‍යාව ඉහළ දැමූහ.

ඉනිමේ අවසන් ඕවර කිහිපයේදී පන්දු 9 කට මුහුණදුන් බෙන් කටින් එහිදී හයේ පහර 3 ක් සහ හතරේ පහරක් සමග ලකුණු 24 ක් රැස්කරමින් මුම්බායි කණ්ඩායමේ ලකුණු සංඛ්‍යාව 200 සීමාවෙන් ඔබ්බට රැගෙන ගියේය.

මුම්බායි ඉන්දියන්ස් පිල - ඕවර 20 කදී කඩුලු 6 ක් දැවි 210
(සූර්යකුමාර් යාදව් 36, එවින් ලුවිස් 18, රෝහිත් ශර්මා 36, ඉෂාන් කිෂන් 62, හර්දික් පාණ්ඩ්‍යා 19, බෙන් කටින් 24, පියුෂ් චවුලා 48/3)

කොල්කටා නයිට්රයිඩර්ස් පිල - ඕවර 18.1 කදී සියලු දෙනා දැවී 108
(ක්‍රිස් ලයන් 21, නිටිෂ් රානා 21, ටොම් කරන් 18, කෘනාල් පාණ්ඩ්‍යා 12/2, හර්දීක් පාණ්ඩ්‍යා 16/2)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...