. අන්තර් පාසල් ශූරතාව ශාන්ත ජෝෂප් විදුහලට | කෙළිමඬල
2018 අගෝස්තු මස 16 වැනි බ‍්‍රහස්පතින්දා
අන්තර් පාසල් ශූරතාව ශාන්ත ජෝෂප් විදුහලට
2018-05-09 21:16:26 | ශානුක අරවින්ද

අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ I කොටසේ ශූරතාව දිනාගැනීමට මරදාන ශාන්ත ජෝෂප් විදුහල සමත් විය. කෝල්ට්ස් ක්‍රීඩාංගණයේදී පැවැති අවසන් මහ තරගයේදී මහනුවර ත්‍රිත්ව විදුහලට එරෙහිව පළමු ඉනිමේ ජයක් වාර්තා කරමින් ශාන්ත ජෝෂප් විදුහල එම ශූරතාවට හිමිකම් කීවේය.

පළමු දිනය නිමා වනවිට කඩුල්ලක් දැවී ලකුණු 35 ක් ලබා සිටි ත්‍රිත්ව විදුහලට දෙවැනි දිනය වූ අද (9 වැනිදා) සිය පළමු ඉනිමට අලුතින් එක්කරගත හැකි වූයේ ලකුණු 138 ක් පමණි. ත්‍රිත්ව ඉනිමේ වැඩිම ලකුණු ලාභියා බවට පත් වූ නායක හසිත බෝයගොඩ පන්දු 34 කදී හයේ පහර 2 ක් සහ හතරේ පහර 3 ක් සමග ලකුණු 35 ක් රැස්කළේය.

දක්ෂ පන්දු යැවීමක නිරත වූ දුනිත් වෙල්ලාලගේ ලකුණු 40 කට කඩුලු 4 ක් දවාගනිමින් ත්‍රිත්ව විදුහල් පළමු ඉනිම අඩපණ කළ අතර ඒ සඳහා ඔහුට අනගි සහායක් දුන් ලක්ෂාන් ගමගේ ලකුණු 42 කට කඩුලු 3 ක් බිඳහෙළිය.

කාසියේ වාසිය දිනූ ශාන්ත ජෝෂප් කණ්ඩායමේ නායක ජෙහාන් ඩැනියෙල්ගේ ආරාධනයෙන් පළමුවෙන් පන්දුවට පහරදුන් ශාන්ත ජෝෂප් විදුහල සිය පළමු ඉනිම වෙනුවෙන් සියලු දෙනා දැවී ලකුණු 300 ක් ලබාගත්තේය.

එහිදී නායකත්වයේ ඉනිමක් ක්‍රීඩා කළ ජෙහාන් ඩැනියෙල් පන්දු 142 කදී ලකුණු 86 ක් රැස්කරමින් තරගයේ වීරයා බවට පත්විය. දුනිත් වෙල්ලාලගේ ලකුණු 42 ක්ද, රෙවාන් කේලි ලකුණු 39 ක්ද, ලක්ෂාන් ගමගේ නොදැවී ලකුණු 35 ක්ද රැස්කරමින් සිය කණ්ඩායමේ ලකුණු සංඛ්‍යාව 300 සීමාව දක්වා ඔසවා තැබීම සඳහා දායක වූහ.

තිසරු දිල්ෂාන් කඩුලු 3 ක්ද, නායක හසිත බෝයගොඩ සහ කවිෂ්ක සේනාදීර කඩුලු 2 බැගින්ද දවාගනිමින් ත්‍රිත්ව විදුහල වෙනුවෙන් පන්දුවෙන් දස්කම් දැක්වූහ.


ශාන්ත ජෝෂප් විදුහල් පළමු ඉනිම - ඕවර 82.4 කදී සියලු දෙනා දැවී 300
(ජෙහාන් ඩැනියෙල් 86, දුනිත් වෙල්ලාලගේ 42, රෙවාන් කේලි 39, ලක්ෂාන් ගමගේ නොදැවී 35, නිපුන් සුමනසිංහ 28, දිනෙත් ජයකොඩි 25, සචින්ත රවිඳු 20, තිසරු දිල්ෂාන් 43/3, හසිත බෝයගොඩ 42/2, කවිෂ්ක සේනාදීර 58/2)

ත්‍රිත්ව විදුහල් පළමු ඉනිම - ඕවර 69 කදී සියලු දෙනා දැවී 173
(හසිත බෝයගොඩ 35, තිසරු දිල්ෂාන් 29, ජෙෆ් වීරසිංහ 24, අශාන් ලොකුකැටිය 21, දුනිත් වෙල්ලාලගේ 40/4, ලක්ෂාන් ගමගේ 42/3)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...