. රග්බි නිලධාරීන් නිතරගයෙන් | කෙළිමඬල
2018 අගෝස්තු මස 14 වැනි අගහරුවාදා
රග්බි නිලධාරීන් නිතරගයෙන්
2018-05-10 11:36:05 | මොහාන් ප්‍රනාන්දු

තනතුරු සියල්ල සඳහා නිතරගයෙන් නිලධාරීන් පත්වන ලකුණු පහළ කරමින් ශ්‍රී ලංකා රග්බි සංගමයේ නිලවරණයේ නාමයෝජනා බාරගැනීම නිමාවට පත්විය. ශ්‍රී ලංකාවේ රග්බි ක්ෂේත්‍රය තුළ ජනප්‍රිය චරිතයක් බවට පත්වී සිටි අසංග සෙනෙවිරත්න මහතාගේ වසර 6ක රග්බි සභාපතිත්වය මේ මස 30 වැනිදා පැවැත්වෙන රග්බි සංගමයේ මහ සභා රැස්විමේදී නිමාවට පත්වනු ඇත. 

වත්මන් උපසභාපති ලසිත ගුණරත්න මහතා මෙවර නිලවරණයේදී සභාපතිධුරයට නාමයෝජනා බාරදුන් අතර ඔහු සභාපති තනතුර සඳහා නිතරගයෙන් පත්වනු ඇත. පළමුවරට එක්වී ඇති නියෝජ්‍ය සභාපතිධුරය සඳහා කලක් ලේකම්වරයා ලෙස කටයුතු කළ රිස්ලි ඉල්යාස් මහතා නාමයෝජනා බාරදී ඇති අතර ඔහු ද නිතරගයෙන් පත්වනු ඇත. 

මෙතෙක් කාලයක් එක් උපසභාපතිවරයකු පත්වූ රග්බි සංගමය සඳහා මේ වසරේ සිට උපසභාපතිධුර දෙකක් ස්ථාපිත කර තිබේ. ඉන් එක් උපසභාපතිධුරයකට වත්මන් ලේකම් නසිම් මොහොමඞ් මහතා පත්වී ඇත. අනික් උපසභාපතිධුරය ශ්‍රී ලංකා පාසල් රග්බි සංගමයට පිරි නමා ඇත්තේ පසුගිය මාසයේ සිදුවූ රග්බි සංගමයේ ව්‍යවස්ථා සංශෝධනයට අනුවය. 

රග්බි සංගම් නිලවරණයේදී නිලධාරී මණ්ඩලය තීරණය කෙරෙන ප්‍රධානතම සාධකය බවට පත්වී තිබෙන්නේ බස්නාහිර රග්බි සංගමය මෑතකදී මේ නිලවරණය සඳහා යෝජනා කරනු ලැබූ නිලධාරී මණ්ඩලයයි. 

රග්බි නිලවරණයේදී ලේකම් ධුරය සඳහා හැව්ලොක් ක්‍රීඩා සමාජයේ තුසිත පීරිස් මහතා සහ භාණ්ඩාගාරික තනතුර සඳහා වෘත්තීය ගණකාධිකාරිවරයකු වන දිනේෂ් පෙරේරා මහතා නිතරගයෙන් පත්වනු ඇත.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට තියුණු ජයක්...
2018-08-08 23:00:15
පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද ...
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...