. කෝඩුකාරයන් රැසක් ටෙස්ට් දොරටුව අබියස | කෙළිමඬල
2018 සැප්තැම්බර් මස 26 වැනි බදාදා
කෝඩුකාරයන් රැසක් ටෙස්ට් දොරටුව අබියස
2018-05-11 20:46:12 | ශානුක අරවින්ද

බටහිර ඉන්දීය කොදෙව් කණ්ඩායමට එරෙහිව කොදෙව් දූපත්හිදී පැවැත්වෙන ටෙස්ට් තරගාවලිය සඳහා නම් කරන ලද ක්‍රීඩකයන් 17 දෙනෙකුගෙන් සමන්විත ශ්‍රී ලංකා සමන්විත සංචිතයට තවමත් ටෙස්ට් වරම් දිනා නැති ආරම්භක පිතිකරුවෙක් වන මහේල උඩවත්ත කැඳවීමට ක්‍රිකට් තේරීම් කමිටුව පියවර ගෙන තිබේ.

දෙරට අතර තරග 3 කින් සමන්විත ටෙස්ට් තරගාවලිය මේ මස 26 වැනිදා සිට ජූනි මස 28 වැනිදා දක්වා පැවැත්වෙන අතර ඊට දිවා-රාත්‍රී ටෙස්ට් තරගයක්ද ඇතුළත් වේ. තරගාවලියේ පළමු තරගය ටි්‍රනිඩෑඞ්හිදීද, දෙවැන්න ශාන්ත ලුසියාහිදීද, තෙවැන්න (දිවා-රාත්‍රී) බාර්බඩෝස්හිදීද පැවැත්වීමට නියමිතය.

මෑතකදී නිමාවට පත්වූ අන්තර් පළාත් සිවුදින තරගාවලියේදී සහ මේ දිනවල පැවැත්වෙන අන්තර් පළාත් එක්දින තරගාවලියේදී දක්වා ඇති දස්කම් පදනම් කරගනිමින් උඩවත්ත ශ්‍රී ලංකා ටෙස්ට් සංචිතයට කැඳවා තිබේ.

මහනුවර කණ්ඩායම නියෝජනය කරන උඩවත්ත, සිවුදින තරගාවලියේ තරග 3 කදී ශතකයක් (නොදැවී 103) සහ අර්ධ ශතකයක් (97) සමගින් ලකුණු 283 ක් රැස්කළේය. එක්දින තරගාවලියේ මෙතෙක් සහභාගි වූ තරග 3 කදී ශතකයක් (116) සහ අර්ධ ශතකයක් (71) සමගින් ඔහු රැස්කරගෙන සිටින ලකුණු සංඛ්‍යාව 187 කි.

ශ්‍රී ලංකාව වෙනුවෙන් එක්දින ජාත්‍යන්තර තරග 9 කට සහ විස්සයි20 ජාත්‍යන්තර තරග 8 කට ක්‍රීඩා කර ඇති උඩවත්ත එහිදී පිළිවෙලින් ලකුණු 257 ක් සහ 96 ක් රැස්කරගෙන ඇත. ඊට එක්දින අර්ධ ශතක 2 ක්ද ඇතුළත් වේ.

උඩවත්තට අමතරව ටෙස්ට් පිටියට කෝඩුකාරයන් වන ජෙෆ්රි වැන්ඩසේ, කසුන් රාජිත සහ අසිත ප්‍රනාන්දුද ශ්‍රී ලංකා සංචිතයට කැඳවීමට තේරීම් කමිටුව පියවර ගෙන තිබේ. 28 හැවිරිදි පා දඟ පන්දු යවන ක්‍රීඩක ජෙෆ්රි වැන්ඩසේ ශ්‍රී ලංකාව වෙනුවෙන් එක්දින තරග 11 කට සහ විස්සයි20 තරග 7 කටද ක්‍රීඩා කර ඇති අතර එහිදී බිඳහෙළා ඇති කඩුලු සංඛ්‍යාව 14 කි.

දකුණත් මඳ වේග පන්දු යවන්නන් දෙදෙනෙක් වන කසුන් රාජිත සහ අසිත ප්‍රනාන්දු ශ්‍රී ලංකාව නියෝජනය කරමින් පිළිවෙලින් විස්සයි20 තරගය 3 කට සහ එක්දින තරගයකට ක්‍රීඩා කර තිබේ. එහිදී කසුන් රාජිත කඩුලු 3 ක් දවාගෙන ඇති අතර අසිත ප්‍රනාන්දු කඩුලු දවාගැනීමට සමත්ව නැත.

කොදෙව් තරගාවලිය සඳහා නම් කරන ලද සංචිතයට පිතිකරුවන් පිතිකරුවන් 8 දෙනකුගෙන්, දඟ පන්දු යවන්නන් සිවුදෙනකුගෙන් සහ වේග පන්දුයවන්නන් 5 දෙනකුගෙන් සමන්විත වේ. ඊට ශ්‍රී ලංකා ටෙස්ට් කණ්ඩායමේ හිටපු නායක ඇන්ජලෝ මැතිව්ස් සහ උප නායක සුරංග ලක්මාල්ද ඇතුළත්ව සිටිති. එහෙත් ඔවුන් දෙදෙනා තරගාවලියට සහභාගි වනවාද නැද්ද යන්න ඔවුන්ගේ ශාරීරික යෝග්‍යතාවයන් අනුව තීරණය කෙරෙන බව ශ්‍රී ලංකා ක්‍රිකට් ආයතනයේ නිවේදනයක සඳහන් වේ.

ශ්‍රී ලංකා කණ්ඩායමක් නිල වශයෙන් බටහිර ඉන්දීය කොදෙව් දූපත්හි සංචාරයක නිරත වන සිවුවැනි අවස්ථාව මෙය වේ. මින් පෙර පැවැති තරගාවලි තුනේදී දෙරට අතර ටෙස්ට් තරග 6 ක් පවත්වා තිබේ. ඉන් තරග 3 ක් ජයගැනීමට කොදෙව් කණ්ඩායම සමත් වී ඇති අතර ශ්‍රී ලංකා කණ්ඩායමට ජයගත හැකිවී ඇත්තේ එක් තරගයක් පමණි. සෙසු තරග 2 ජය පරාජයෙන් තොරව අවසන් වී තිබේ.

ශ්‍රී ලංකා සංචිතය
දිනේෂ් චන්දිමාල් (නායක), මහේල උඩවත්ත, කුසල් මෙන්ඩිස්, කුසල් පෙරේරා, ධනංජය ද සිල්වා, රොෂේන් සිල්වා, ඇන්ලෝ මැතිව්ස්, නිරෝෂන් දික්වැල්ල, රංගන හේරත්, ඩිල්රුවන් පෙරේරා, අකිල ධනංජය, ජෙෆ්රි වැන්ඩසේ, ළහිරු ගමගේ, කසුන් රාජිත, සුරංග ලක්මාල්, ළහිරු කුමාර සහ අසිත ප්‍රනාන්දු

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...