. කෝලි - ඩිවිලියස් බැංගලෝර් පිල දිනවති | කෙළිමඬල
2018 සැප්තැම්බර් මස 25 වැනි අගහරුවාදා
කෝලි - ඩිවිලියස් බැංගලෝර් පිල දිනවති
2018-05-12 23:45:47 | .

ඉන්දීය ප්‍රිමියර් ලීග් තරගාවලියේ 45 වැනි තරගය ලෙස දිල්ලි ඩෙයාර්ඩෙවිලිස් කණ්ඩායම සහ රෝයල් චැලෙන්ජර්ස් බැංගලෝර් කණ්ඩායම අතර දිල්ලිහිදී අද (12 වැනිදා) පැවැති තරගයෙන් කඩුලු 5 ක ජයක් අත්කර ගැනීමට රෝයල් චැලෙන්ජර්ස් බැංගලෝර් කණ්ඩායම සමත් විය.

ජයග්‍රහය සඳහා ලකුණු 182 ක ඉලක්කයක් හඹාගිය බැංගලෝර් ක්‍රීඩකයෝ පන්දු 6 ක් ඉතිරිව තිබියදී කඩුලු 5 ක් දැවී එම ඉලක්කය පසුකර ගියහ. ටේ‍රන්ට් බොල්ට් යැවූ බැංගලෝර් ඉනිමේ 18 වැනි ඕවරයේ අවසන් පන්දුවට හයේ පහරක් එල්ල කළ ඒ.බී. ඩිවිලියස් සිය කණ්ඩායමේ ජයග්‍රහණය තහවුරු කළේය.

වේගවත් පිතිහරඹයක නිතර වූ ඩිවිලියස් පන්දු 37 කදී හයේ පහර 6 ක් සහ හතරේ පහර 4 ක් සමග නොදැවී ලකුණු 72 ක් රැස්කරමින් බැංගලෝර් කණ්ඩායමේ ජයග්‍රහණයේ නියමුවා බවට පත්විය. නායක විරාට් කෝලි (70) සමග එක්ව තෙවැනි කඩුල්ල වෙනුවෙන් පන්දු 64 කදී ලකුණු 118 ක සම්බන්ධතාවක් ගොඩනැගීමටද ඩිවිලියස් සමත් විය. පන්දු 40 කට මුහුණදුන් කෝලි හයේ පහර 3 කින් සහ හතරේ පහර 7 කින් සිය අර්ධ ශතකය සැරසීය.

පළමුවෙන් පන්දුවට පහරදුන් දිල්ලි ඩෙයාර්ඩෙවිලිස් කණ්ඩායම වෙනුවෙන් වේගවත් පිතිහරඹයක නිතර වූ රිෂාබ් පාන්ට් පන්දු 34 කදී හයේ පහර 4 ක් සහ හතරේ පහර 5 ක් සමග ලකුණු 61 රැස්කිරීමට සමත් විය. ඔහු මෙවර තරගාවලියේදී ලබාගත් සිවුවැනි අර්ධ ශතකය මෙය වන අතර තරගාවලියේ මෙතෙක් වාර්තා වූ එකම ශතකයටද ඔහු හිමිකම් කියයි. මෙවර තරගාවලියේ වැඩිම ලකුණු ලාභියා බවට පත්ව සිටින පාන්ට්, මෙතෙක් සහභාගි වූ තරග 12 දී රැස්කරගෙන සිටින ලකුණු සංඛ්‍යාව 582 කි.

නායක ශ්‍රෙයාස් අයියර් (32) සමග එක්ව තෙවැනි කඩුල්ල වෙනුවෙන් පන්දු 62 කදී ලකුණු 93 ක සම්බන්ධතාවක් ගොඩනැගීමටද පාන්ට් සමත් වූ අතර පන්දු 35 කදී වාර්තා වූ අයියර්ගේ ඉනිම හතරේ පහර 3 කින් සමන්විත විය.

දිල්ලි ඉනිමේ අවසන් ඕවර කිහිපයේදී වේගවත් පිතිහරඹයක නිරත වූ 17 හැවිරිදි අභිෂේක් ශර්මා පන්දු 19 කදී නොදැවී ලකුණු 46 ක් රැස්කලේ හයේ පහර 4 ක් සහ හතරේ පහර 3 ක් සමගිනි. විජය ශංකර් (නොදැවී 21) සමග එක්ව 5 වැනි කඩුල්ල වෙනුවෙන් පන්දු 29 කදී ලකුණු 61 ක සම්බන්ධතාවක් ගොඩනගමින් දිල්ලි කණ්ඩායමේ ලකුණු සංඛ්‍යාව ඉහළ දැමීමටද ශර්මා සමත් විය.

දිල්ලි ඩෙයාර්ඩෙවිලිස් පිල - ඕවර 20 කදී කඩුලු 4 කට 181
(ශ්‍රෙයාස් අයියර් 32, රිෂාබ් පාන්ට් 61, විජය ශංකර් නොදැවී 21, අභිෂේක් ශර්මා නොදැවී 46, යුස්වේන්ද්‍ර චාහල් 28/2)

රෝයල් චැලෙන්ජර්ස් බැංගලෝර් පිල - ඕවර 19 කදී කඩුලු 5 කට 187
(විරාට් කෝලි 70, ඒ.බී. ඩිවිලියස් නොදැවී 72, ටේ‍රන්ට් බෝල්ට් 40/2)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...