. පාකිස්තානය කඩුලු 6 කට ලකුණු 268 යි | කෙළිමඬල
2018 සැප්තැම්බර් මස 25 වැනි අගහරුවාදා
පාකිස්තානය කඩුලු 6 කට ලකුණු 268 යි
2018-05-12 22:41:59 | .

අයර්ලන්තය සහ පාකිස්තානය අතර ඩබ්ලින්හිදී පැවැත්වෙන ටෙස්ට් ක්‍රිකට් තරගයේ දෙවැනි දිනය වන අද (12 වැනිදා) මන්දාලෝක තත්ත්වය හේතුවෙන් තරගය නතර කරන විට පළමු ඉනිම වෙනුවෙන් පන්දුවට පහරදෙමින් සිටි පාක්ස්තාන කණ්ඩාම කඩුලු 6 ක් දැවී ලකුණු 268 ක් ලබා සිටියේය.

වර්ෂාව හේතුවෙන් පළමු දිනය වූ ඊයේ (11 වැනිදා) තරගය නොපැවැත්වුණ අතර අද උදෑසන කාසියේ වාසිය දිනූ අයර්ලන්ත කණ්ඩායමේ නායක විලියම් පොටර්ෆීල්ඞ් පළමුවෙන් පන්දුවට පහරදීම සඳහා පාකිස්තාන කණ්ඩායමට ආරාධනා කර සිටියේය.

මුලු ලකුණු සංඛ්‍යාව 13 ක් වන විට පාකිස්තාන කණ්ඩායමේ ආරම්භක පිතිකරුවන් දෙදෙනා ආපසු ක්‍රීඩාගාරය වෙත හරවා යැවීමට අයර්ලන්ත පන්දු යවන්නෝ සමත් වූහ. කෙසේ වුවත් තෙවැනි කඩුල්ල වෙනුවෙන් ලකුණු 58 ක සම්බන්ධතාවක් ගොඩනැගූ හාරිස් සොහේල් (31) සහ අසාද් ශෆීක් (62) පාකිස්තාන ඉනිමට නව ජවයක් එක් කළහ.

ශෆීක්ගේ 19 වැනි ටෙස්ට් අර්ධ ශතකය හතරේ පහර 8 කින් සමන්විත වූ අතර බොයිඞ් රැන්කින්ගේ පන්දුවක් හමුවේ ඇන්ඩි බැල්බීනී අතට උඩ පන්දුවක් දෙමින් ඔහු පිටියෙන් ඉවත්ව ගියේය. ස්ටුවට් තොම්සන්ගේ පන්දුවක් හමුවේ විලියම් පොටර්ෆීල්ඞ් අතට උඩ පන්දුවක් දීමත් සමග හාරිස් සොහේල්ගේ ඉනිමද නිමාවට පත් විය.

බාබර් අසාම්ට (14) සහ නායක සර්ෆරාස් අහමඞ්ට (20) ද වැඩි වේලාවක් පිටියේ රැදී සිටීමට අයර්ලන්ත පන්දු යවන්නෝ ඉඩක් ලබා නොදුන් අතර ඔවුන් දෙදෙනා පිළිවෙලින් ටිම් මර්ටැග්ගේ සහ ස්ටුවට් තොම්සන්ගේ පන්දු හමුවේ පෝල් ස්ටාර්ලින් අතට උඩ පන්දු දෙමින් දැවී ගියහ.

ලකුණු 159 කට කඩුලු 6 ක් බිඳවැටී අසීරු තත්ත්වකට පත්ව තිබූ පාකිස්තාන ඉනිම එම තත්ත්වයෙන් මුදවාගත් ශඩාබ් ඛාන් (නොදැවී 52) සහ ෆාහීම් අෂ්රෆ් (නොදැවී 61) හත්වැනි කඩුල්ල වෙනුවෙන් ලකුණු 109 ක නොබිඳුණ සම්බන්ධතාවක් ගොඩනැගූහ. එහිදී සිය මංගල අර්ධ ශතකය ලබාගත් අෂ්රෆ්, එය හයේ පහරකින් සහ හතරේ පහර 7 කින් අලංකාර කළේය.  අද දිනයේදී ලබාගත් අර්ධ ශතකය ශඩාබ්ගේද මංගල ටෙස්ට් අර්ධ ශතකය වූ අතර ඊට හතරේ පහර 5 ක් අන්තර්ගත විය.

දක්ෂ පන්දු යැවීමක නිතර වූ ටිම් මර්ටැග්, ස්ටුවට් තොම්සන් සහ බොයිඞ් රැන්කින් කඩුලු 2 බැගින් දවාගනිමින් පාකිස්තාන පිතිකරුවන් පීඩනයට පත්කිරීමට සමත් වූහ.


පාකිස්තාන පළමු ඉනිම - කඩුලු 6 කට 268
(හාරිස් සොහේල් 31, අසාද් ශෆීක් 62, සර්ෆරාස් අහමඞ් 20, ශඩාබ් ඛාන් නොදැවී 52, ෆාහීම් අෂ්රෆ් නොදැවී 61, ටිම් මර්ටැග් 33/2, ස්ටුවට් තොම්සන් 51/2, බොයිඞ් රැන්කින් 58/2)


- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...