. රයියදුගේ ශතකය චෙන්නායි පිලට ජය ගෙනෙයි | කෙළිමඬල
2019 මාර්තු මස 24 වැනි ඉරිදා
රයියදුගේ ශතකය චෙන්නායි පිලට ජය ගෙනෙයි
2018-05-13 15:54:56 | .

අම්බති රයියදුගේ (නොදැවී 100) ශතකය හමුවේ අයි.පී.එල් ක්‍රිකට් තරගාවලියේ 46 වැනි තරගය ලෙස චෙන්නායි සුපර් කිංග්ස් කණ්ඩායම සහ සන්රයිසස් හයිද්‍රාබාද් කණ්ඩායම අතර පූනේහිදී අද (13 වැනිදා) පැවැති තරගය කඩුලු 8 කින් ජයගැනීමට චෙන්නායි සුපර් කිංග්ස් කණ්ඩායම සමත්විය.

ජයග්‍රහණය සදහා ලකුණු 180 ක ඉලක්කයක් හඹාගිය චෙන්නායි සුපර් කිංග්ස් කණ්ඩායම ඕවර 19 කදී කඩුලු 2 ක් පමණක් දැවී ඉලක්කය පහසුවෙන් ජයගැනීමට සමත්විය.

ෂේන් වොට්සන් සහ අම්බති රයිදු එක්ව පළමු කඩුල්ල සදහා පන්දු 81 කදී ලකුණු 134 ක සම්බන්ධතාවයක් පවත්වමින් චෙන්නායි සුපර් කිංග්ස් කණ්ඩායමේ ජයග්‍රහණයට අඩිතාලම දැමූහ.

පන්දු 62 කදී හයේ පහර 7 ක් සහ හතරේ පහර 7 ක් සමගින් නොදැවී ලකුණු 100 ක් රැස්කරමින් විශිෂ්ට පිතිහරඹයක නිරතවීමට අම්බති රයිදු සමත්වූ අතර ඔහුට අනගි සහයක් ලබාදුන් ෂේන් වොට්සන් පන්දු 35 කදී හයේ පහර 3 ක් සහ හතරේ පහර 5 ක් සමගින් ලකුණු 57 ක් රැස් කළේය.

පළමුව පන්දුවට පහරදුන් සන්රයිසස් හයිද්‍රාබාද් කණ්ඩායම ඕවර 20 අවසානයේ කඩුලු 4 ක් දැවී ලකුණු 179 ක් රැස් කළේය.

අර්ධ ශතක රැස්කරමින් සන්රයිසස් හයිද්‍රාබාද් කණ්ඩායම ඉහළ ලකුණු සංඛ්‍යාවක් කරා රැගෙන ගිය කේන් විලියම්සන් සහ ශීකර් ධවාන් දෙවැනි කඩුල්ල සදහා පන්දු 75 කදී ලකුණු 123 ක සම්බන්ධතාවයක් ගොඩනැගූහ.

ශීකර් ධවාන් පන්දු 49 කදී හයේ පහර 3 ක් සහ හතරේ පහර 10 ක් සමගින් ලකුණු 79 ක් රැස්කළ අතර කේන් විලියම්සන් පන්දු 39 කදී හයේ පහර 2 ක් සහ හතරේ පහර 5 ක් සමගින් ලකුණු 51 ක් රැස්කිරීමට සමත්විය.
ශර්දූල් ඨාකූර් ලකුණු 32 කට කඩුලු 2 ක් දවාගත්ත් අතර දීපක් චහර් සිය ඕවර 4 ලකුණු 16 කට සිමාකරමින් එක් කඩුල්ලක් දවාගත්තේය.

කණ්ඩායම දෙකම එක් වෙනස්කම බැගින් සිදුකර ඇති අතර කාන් ශර්මා වෙනුවට දීපක් චහර් චෙන්නායි සුපර් කිංග්ස් කණ්ඩායමට කැඳවා ඇති අතර යූසුෆ් පතාන් වෙනුවට දීපක් හූඩා සන්රයිසස් හයිද්‍රාබාද් කණ්ඩායමට කැඳවා ඇත.

කාසියේ වාසිය ලැබූ චෙන්නායි සුපර් කිංග්ස් කණ්ඩායමේ නායක මහේන්ද්‍ර සිං දෝනී පළමුව පන්දු යැවීමට තීරණය කළේය.


සන්රයිසස් හයිද්‍රාබාද් - ඕවර 20 කදී කඩුලු 4 ක් දැවී ලකුණු 179
(ශීකර් ධවාන් 79, කේන් විලියම්සන් 51, දීපක් හූඩා නොදැවී 21, ශර්දූල් ඨාකූර් 32/2)

චෙන්නායි සුපර් කිංග්ස් - ඕවර 19 කදී කඩුලු 2 ක් දැවී ලකුණු 180
(ෂේන් වොට්සන් 57, අම්බති රයියදු නොදැවී 100, මහේන්ද්‍ර සිං දෝනී නොදැවී 20)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...