. බ්‍රාවෝ මිඩ්ල්සෙක්ස් ප්‍රාන්ත කණ්ඩායමට | කෙළිමඬල
2019 මාර්තු මස 24 වැනි ඉරිදා
බ්‍රාවෝ මිඩ්ල්සෙක්ස් ප්‍රාන්ත කණ්ඩායමට
2018-05-13 16:25:38 | .

මේ වසරේදී (2018) එංගලන්තයේ ප්‍රාන්ත කණ්ඩායම් අතර පැවැත්වීමට නියමිත ‘නැට්වෙස්ට් බ්ලාස්ට්’ විස්සයි20 ක්‍රිකට් තරගාවලියේදී මිඞ්ල්සෙක්ස් ප්‍රාන්ත කණ්ඩායමට බටහිර ඉන්දීය කොදෙව් කණ්ඩායමේ තුන් ඉරියව් ක්‍රීඩක ඩ්වේන් බ්‍රාවෝ ඇතුළත් කරගැනීමට එම කණ්ඩායමේ කළමනාකාරීත්වය පියවර ගෙන තිබේ.  

ඒ අනුව මෙවර තරගාවලියේදී මිඞ්ල්සෙක්ස් ප්‍රාන්ත කණ්ඩායම නියෝජනය කරමින් විස්සයි20 තරග 6 කට ක්‍රීඩා කිරීමේ අවස්ථාව බ්‍රාවෝට හිමිවනු ඇත. ජූලි මස 5 වැනිදා සරේ ප්‍රාන්ත කණ්ඩායමට එරෙහිව පැවැත්වෙන තරගය ඔහු මිඩ්ල්සෙක්ස් ප්‍රාන්ත කණ්ඩායම නියෝජනය කරමින් සහභාගි වන මංගල තරගය වේ. බ්‍රාවෝ සහභාගිවන අවසන් තරග පැවැත්වෙන්නේ ජූලි මස 26 වැනිදා හැම්ප්ෂෙයර් ප්‍රාන්ත කණ්ඩායට එරෙහිවයි.

තිස් හතර වැනි වියේ පසුවන බ්‍රාවෝ මේ වන විට විස්සයි20 ජාත්‍යන්තර තරග 66 කට ක්‍රීඩා කර ඇති අතර එහිදී ලකුණු 1142 ක් රැස්කිරීමටද, කඩුලු 52 ක් දවාගැනීමටද ඔහු සමත්වී ඇත. ඔහුගේ ලකුණු රැස්කිරීමේ සාමාන්‍යය 24.29 ක අගයක් ගන්නා අතර කඩුල්ලක් දවාගැනීමේ සාමාන්‍යය 28.26 ක අගයක් ගනී.

එංගලන්තයේ ප්‍රාන්ත තරගාවලියකදී බ්‍රාවෝ ක්‍රීඩා කරන සිව්වැනි ප්‍රන්තය ලෙස මිඞ්ල්සෙක්ස් ප්‍රන්තය හැදින්විය හැකි අතර මින් පෙර ඔහු කෙන්ට්, එසෙක්ස් සහ සරේ යන ප්‍රාන්ත කණ්ඩායම් වලට ක්‍රීඩා කර තිබේ.

කැරිබියන් ප්‍රිමියර් ලීග්, ඉන්දීය ප්‍රිමියර් ලීග්, බිග් බෑෂ් සහ පාකිස්තාන සුපර් ලීග් වැනි ලොව පුරා පැවැත්වෙන ප්‍රධාන පෙළේ විස්සයි20 තරගාවලි රැසකට සහභාගි වී ඇති බ්‍රාවෝ, විස්සයි20 තරග 386 කදී ලකුණු 5636 ක් රැස්කිරීමටත්, කඩුලු 421 ක් දවාගැනීමටත් සමත්ව සිටියි.

“බ්‍රාවෝ කියන්නේ ලෝකෙ ඉන්න හොඳම විස්සයි20 ක්‍රීඩකයෙක්. අවාසනාවකට වගේ ඔහු අපිත් එක්ක එක් වෙන්නේ තරග 6 ක් සඳහා පමණයි. එත් ඒ තරගවලදී ඔහු කැපී පෙනෙන අයුරින් ක්‍රීඩා කරාවි කියලා අපි බලාපොරොත්තු වෙනවා.” යැයි මිඞ්ල්සෙක්ස් ප්‍රාන්ත කණ්ඩායමේ අධ්‍යක්ෂ ඇන්ගස් ෆ්‍රාස්ටර් මහතා පවසයි.


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...