. බැඩ්මින්ටන් ශූරතාව බස්නාහිරට | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
බැඩ්මින්ටන් ශූරතාව බස්නාහිරට
2018-05-13 18:28:49 | ශානුක අරවින්ද

ක්‍රීඩා අමාත්‍යංශය සහ ක්‍රීඩා සංවර්ධන දෙපාර්තමේන්තුව එක්ව සංවිධානය කරන 44 වැනි ජාතික මහ ක්‍රීඩා උළෙලේ බැඩ්මින්ටන් ඉසව්වේ ජය හිමිකර ගැනීමට බස්නාහිර පළාතේ ක්‍රීඩක ක්‍රීඩිකාවෝ සමත් වූහ. එහිදී පිරිමි සහ කාන්තා ශූරතා ද්විත්වයම බස්නාහිර පළාත සතු වූ අතර අනු ශූරතා ද්විත්වය දකුණු පළාතට හිමි විය.

එම අංශ දෙකේම තෙවැනි ස්ථාන හිමිකරගනු ලැබුවේ මධ්‍යම පළාත් ක්‍රීඩක ක්‍රීඩිකාවන් විසිනි.

පිරිමි කණ්ඩායම් තරගාවලියේ අවසන් මහ තරගයේදී තරග 3-1 ක් ලෙස දකුණු පළාත පරාජය කිරීමට බස්නාහිර පළාත සමත් විය. කාන්තා කණ්ඩායම් තරගාවලියේ අවසන් මහ තරගයේදී දකුණු පළාත පරාජය කිරීමට බස්නාහිර පළාත සමත් වූයේද තරග 3-1 ක් ලෙසිනි. තෙවැනි ස්ථාන සඳහා පැවැති පිරිමි තරගයේදී තරග උතුරු මැද පළාතට එරෙහිව තරග 3-0 ක ජයක් ලැබූ මධ්‍යම පළාත, කාන්තා තරගයේදී උතුරු මැද පළාතට එරෙහිව තරග 3-2 ක ජයක් වාර්තා කළේය.

සචින් ඩයස්, එස්.ආර්. අපොන්සු, ඉමේෂ් හසරංග, සුනේන්ද්‍ර තැන්නෙගෙදර, කේ.සී. මිනිමුතු සහ විභවි මධූෂ යන ක්‍රීඩකයන්ගෙන් මෙන්ම අචිනි රත්නසිරි, රුවිනි රත්නසිරි, කාවින්ද ඉෂාදිකා, ඕෂදී කුරුප්පු, ඩිල්මි ඩයස්, තිළිණි හෙන්ඳහේවා සහ උපුලි වීරසිංහ යන ක්‍රීඩිකාවන්ගෙන්ද ජයග්‍රාහී බස්නාහිර පළාත් කණ්ඩායම සමන්විත විය.

පිරිමි කේවල අවසන් මහ තරගයේදී බස්නාහිර පළාතේ ඉමේෂ් හසරංග පරාජය කළ දකුණු පළාතේ බුවනෙක ගුණතිලක, ඉන් නොනැවතී පිරිමි යුගල අවසන් මහ තරගයේදී හසිත චානක සමග එක්ව ඉමේෂ් සහ සචින් ඩයස් පරාජය කරමින් ද්විත්ව ශූරතාවන්ට හිමිකම් කීවේය.

අවසන් මහ තරගයේදී දකුණු පළාතේ මධුෂිකා දිල්රුක්ෂි පරාජය කරමින් කාන්තා කේවල ශූරතාව දිනාගැනීමට බස්නාහිර පළාතේ ඩිල්මි ඩයස් සමත් වූවාය. කාන්තා යුගල ශූරතාව දිනාගැනීමට බස්නාහිර පළාතේ තිළිණි හේන්ඳහේවා සහ කාවින්දි ඉෂාදිකා සමත් වූයේ අවසන් මහ තරගයේදී දකුණු පළාතේ කාවින්දිකා ද සිල්වා සහ මදුෂිකා දිල්රුක්ෂි පරාජය කරමිනි.

තරගාවලියේ මිශ්‍ර යුගල අවසන් මහ තරගයේදී දකුණු පළාතේ ළහිරු මධුෂාන් සහ මදුෂිකා දිල්රුක්ෂි පරාජය කිරීමට බස්නාහිර පළාතේ විභවි මධූෂ සහ උපුලි වීරසිංහ සමත් වූහ.


තරග ප්‍රතිඵල

පිරිමි කණ්ඩායම් තරග
ශූරතාව - බස්නාහිර පළාත් කණ්ඩායම
අනු ශූරතාව - දකුණු පළාත් කණ්ඩායම


පිරිමි කේවල තරග
ශූරතාව - බුවනෙක ගුණතිලක (දකුණු පළාත)
අනු ශූරතාව - ඉමේෂ් හසරංග (බස්නාහිර පළාත)


පිරිමි යුගල තරග
ශූරතාව - බුවනෙක ගුණතිලක සහ හසිත චානක (දකුණු පළාත)
අනු ශූරතාව - ඉමේෂ් හසරංග සහ සචින් ඩයස් (බස්නාහිර පළාත)


කාන්තා කණ්ඩායම් තරග
ශූරතාව - බස්නාහිර පළාත් කණ්ඩායම
අනු ශූරතාව - දකුණු පළාත් කණ්ඩායම


කාන්තා කේවල තරග
ශූරතාව - ඩිල්මි ඩයස් (බස්නාහිර පළාත)
අනු ශූරතාව - මධුෂිකා දිල්රුක්ෂි (දකුණු පළාත)


කාන්තා යුගල තරග
ශූරතාව - තිළිණි හේන්ඳහේවා සහ කාවින්දි ඉෂාදිකා (බස්නාහිර පළාත)
අනු ශූරතාව - කාවින්දිකා ද සිල්වා සහ මදුෂිකා දිල්රුක්ෂි (දකුණු පළාත)


මිශ්‍ර යුගල තරග
ශූරතාව - විභවි මධූෂ සහ උපුලි වීරසිංහ (බස්නාහිර පළාත)
අනු ශූරතාව - ළහිරු මධුෂාන් සහ මදුෂිකා දිල්රුක්ෂි (දකුණු පළාත)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...