. ශා.ජෝශප් - සිරිමාවෝ ශූරතා දිනති | කෙළිමඬල
2018 දෙසැම්බර් මස 12 වැනි බදාදා
ශා.ජෝශප් - සිරිමාවෝ ශූරතා දිනති
2018-05-13 20:49:21 | .

ශ්‍රී ලංකා ජල ක්‍රීඩා සංගමය 40වන වරටත් සංවිධානය කළ සහාය පිහිනුම් ශූරතාවලිය සුගතදාස පිහිනුම් තටාකයේදී අද (13) නිමාවට පත්වූයේ පසුගිය වසරේ මෙන්ම මෙවරද ශා. ජෝශප් කණ්ඩායම (ලකුණු 146) තම ආධිපත්‍යය පතුරුවාලමිනි. පසුගිය වසරේ ශූරියන් බවට පත්වූ විශාඛාවන් පරදා සිරිමාවෝ බාලිකාවන් (ලකුණු 154) මෙවර කාන්තා ශූරතාව දිනාගැනීමට සමත්විය.

නව තරග වාර්තා 7ක් සමඟ අවසන් වූ සහය පිහිනුම් ශූරතාවලියේ අවුරුදු 11න් පහළ කාන්තා මිටර 50ං4 මිශ්‍ර ආර තරග ඉසව්ව විනාඩි 2:27.97කින් අවසන් කළ ස්ටාර්ෆිෂ් ජල ක්‍රීඩා පුහුණු ආයතනය නව තරග වාර්තාවක් පිහිටුවීමට සමත්විය.

වයස 13න් පහළ මීටර 50x4 මිශ්‍ර ආර තරග ඉසව්වෙන් නව තරග වාර්තාවක් (වි.2:25.32) තැබූ සිරිමාවෝ විදුහල් බාලිකා කණ්ඩායම එම වයස් කාණ්ඩයෙන්ම පැවැති නිදහස් ආර ඉසව්වෙන්ද නව වාර්තාවක් (2:10.92) පිහිටුවීය.

කරට කර ලකුණු ලබා ගනිමින් සිරිමාවෝ හා විශාකා බාලිකා කණ්ඩායම් අනෙත් කණ්ඩායම් වෙත විශාල අභියෝගයක් එල්ල කෙරිණි. ශා. ජෝශප් විද්‍යාලයට අභියෝගයක් වූයේ ආනන්ද විද්‍යාලය පමණි.
මීටර 50x4 15න් පහළ මිශ්‍ර ආර තරග ඉසව්වෙන් මෙන්ම, එම වයස් කාණ්ඩයෙන්ම නිදහස් ආර තරග ඉසව්වෙන්ද නව තරග වාර්තා දෙකක් පිහිටුවීමට ආනන්ද විද්‍යාලයට අද (13) හැකිවිය.

මෙවර තරගාවලියට කණ්ඩායම් 100කින්  ක්‍රීඩක ක්‍රීඩිකාවන් 800 කට ආසන්න සංඛ්‍යාවක් සහභාගි විය.
ත්‍යාග ප්‍රදානෝත්සවයේ ප්‍රධාන ආරාධිතා අමුත්තා ලෙස ජාතික ඔලිම්පික් කමිටුවේ ලේකම් මැක්ස්වෙල් ද සිල්වා මහතා සහභාගි විය.

 

 

සමස්ත බාලිකා ශූරතාව දිනාගත් සිරිමාවෝ විදුහල් කණ්ඩායම

 

සමස්ත බාලක ශූරතාව දිනාගත් ශා. ජෝශප් විදුහල් කණ්ඩායම

 

සහය පිහිනුම් ශූරතාවලියේ විශේෂ අවස්ථා...

ඡායාරූප - ළහිරු හර්ෂණ

- 024

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...