. කර්ට්නිට ප්‍රධාන පුහුණුකරු වියහැකියි - අක්‍රම් ඛාන් | කෙළිමඬල
2019 පෙබරවාරි මස 16 වැනි සෙනසුරාදා
කර්ට්නිට ප්‍රධාන පුහුණුකරු වියහැකියි - අක්‍රම් ඛාන්
2018-05-14 14:29:05 | .

බංග්ලාදේශය හා ඇෆ්ඝනිස්තානය අතර ආරම්භ වීමට නියමිත විස්සයි 20 තරගාවලිය සඳහා බංග්ලාදේශ ජාතික කණ්ඩාමේ අන්තර් ප්‍රධාන පුහුණුකරු ලෙස  කර්ට්නි වෝල්ෂ් මහතා කටයුතු කිරීමට ඉඩ ඇතැයි බංග්ලාදේශ ක්‍රිකට් ආයතනයේ ක්‍රිකට් මෙහෙයුම් සභාපති අක්‍රම් ඛාන් මහතා පැවසීය.

කර්ට්නි වෝල්ෂ් මහතා දැනටමත් බංග්ලාදේශ වේග පන්දු පුහුණුකරු වශයෙන් කටයුතු කරයි. බංග්ලාදේශ ජාතික කණ්ඩායමේ ප්‍රධාන පුහුණුකරු වූ චන්දික හතුරුසිංහ මහතා සිය ධුරයෙන් ඉවත් වීමත් සමඟ ප්‍රධාන පුහුණුකරු ලෙස කටයුතු කිරීමට කර්ට්නි වෝල්ෂ් මහතාට පැවරිණි.

ශ්‍රී ලංකාව, ඉන්දියාව හා බංග්ලාදේශය අතර පැවති නිදහස් කුසලාන තරගාවලියේදී බංග්ලාදේශ  කණ්ඩායම අවසන් මහ තරගය දක්වා ගෙන යාමට මෙහෙයවන ලද්දේද කර්ට්නි වෝල්ෂ් මහතා විසිනි.

“අපට ගැලපෙන ප්‍රධාන පුහුණුකරුවෙකු සොයා ගත නොහැකි නම්, අපගේ නිලධාරි මණ්ඩලය සමග ඉදිරි තරගාවලියට මුහුණ දීමට සිදුවෙනවා. පසුගිය සංචාරයේදී නම් කර්ට්නි ප්‍රධාන පුහුණුකරු හැටියට හොඳින් කටයුතු කළා. අපට ඔහු ගැනත් බලාපොරොත්තු තියන්න පුලුවන්..” යැයි අක්‍රම් ඛාන් මහතා මීර්පූර්හි පැවැති මාධ්‍ය සාකච්ඡාවකදී සඳහන් කළේය.

අක්‍රම් මහතා ප්‍රකාශ කර ඇති පරිදි බංග්ලාදේශ ක්‍රීඩා සංවර්ධන පුහණුකරු ලෙස සොහේල් ස්ලාම් මහතාද, අවුරුදු 17න් පහළ කණ්ඩායමේ වත්මන් ප්‍රධාන පුහුණුකරු ලෙස කටයුතු කරන රිචඞ් හැල්සන් මහතා පන්දු රැකීමේ පුහුණුකරු ලෙසද ඉදිරි සංචාරයේදී කණ්ඩායම මෙහෙවනු ලැබේ.

ඉදිරියේදී බංග්ලාදේශය ඇෆ්ඝනිස්තානු සංචාරයෙන් පසු බටහිර ඉන්දීය කොදෙව් සංචාරයකටද සහභාගි වීමට නියමිතය.

මෙම සංචාර දෙකම සැලකිල්ලට ගනිමින් ඊයේ (13) බංග්ලාදේශ ක්‍රීඩකයින් 31 දෙනෙකු සඳහා පුහුණු සැසියක්ද ආරම්භ විය.

ඇෆ්ඝනිස්තානය සමග පැවැත්වෙන විස්සයි 20 තරගාවලිය ජුනි මස 3 වැනිදායින් ආරම්භ වන අතර, අනෙක් තරග පිළිවෙලින් ජුනි 5 හා 7 යන දිනයන්හීදි රජීව් ගාන්ධි ක්‍රීඩාංගණයේදී පැවැත්වේ.  

 

- 024

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...