. කොළඹ පිලට ලකුණු 92 ක ජයක් | කෙළිමඬල
2018 සැප්තැම්බර් මස 25 වැනි අගහරුවාදා
කොළඹ පිලට ලකුණු 92 ක ජයක්
2018-05-14 20:44:24 | රොෂාන් ගුණරත්න

අන්තර් පළාත් එක්දින ක්‍රිකට් තරගාවලියේ කොළඹ කණ්ඩායම සහ මහනුවර කණ්ඩායම අතර ආර්.ප්‍රේමදාස ක්‍රීඩාංගණයේදී පැවැති තරගය ලකුණු 92 කින් ජයගැනීමට කොළඹ කණ්ඩායම අද (14 වැනිදා) සමත්විය.

ජයග්‍රහණය සදහා ලකුණු 310 ක ඉලක්කයක් හඹාගිය මහනුවර කණ්ඩායමට ඕවර 48.3 කදී සියලුදෙනා දැවී රැස්කිරීමට හැකිවූයේ ලකුණු 217 ක් පමණි.

ආරම්භක පිතිකරු ධනුෂ්ක ගුණතිලක පන්දු 76 කදී හතරේ පහර 7 ක් සමගින් ලකුණු 59 ක් රැස්කළ අතර චාමර කපුගෙදර පන්දු 43 කදී හතරේ පහර 5 ක් සමගින් ලකුණු 44 ක් රැස් කළේය.

සෙසු පිතිකරුවන්ට ලකුණු අතරට පැමිණීමට අවස්ථාවක් ලබානොදුන් කොළඹ කණ්ඩායමේ පන්දු යවන්නෝ ජයග්‍රහණය කරා කණ්ඩායම රැගෙන ගියෝය.

සිය ඕවර 10 ලකුණු 43 කට සීමාකළ වනිඳු හසරංග කඩුලු 4 ක් දවාගනිමින් පන්දුවෙන් දස්කම් දැක්වූ අතර ශෙහාන් ජයසූරිය ලකුණු 43 කට කඩුලු 2 ක් දවාගත්තේය.

කාසියේ වාසිය දිනූ මහනුවර කණ්ඩායම පළමුව පන්දුවට පහරදීම සදහා කොළඹ කණ්ඩායමට ආරාධනා කළ අතර ඕවර 50 අවසානයේ කඩුලු 8 ක් දැවී ලකුණු 309 ක් රැස්කිරීමට ඔවුන් සමත්වූහ.

සාර්ථක ආරම්භයක් ලබාගත් කමිඳු මෙන්ඩිස් සහ ශෙහාන් ජයසූරිය පළමු කඩුල්ල සදහා පන්දු 120 කදී ලකුණු 102 ක සම්බන්ධතාවයක් ගොඩනැගූහ. ශෙහාන් ජයසූරිය පන්දු 78 කදී හයේ පහර 3 ක් සහ හතරේ පහර 5 ක් සමගින් ලකුණු 81 ක් ලබාගත් අතර කමිඳු මෙන්ඩිස් පන්දු 65 කදී හතරේ පහර 4 ක් සමගින් ලකුණු 47 ක් රැස් කළේය.

අර්ධ ශතක ලබාගනිමින් කොළඹ කණ්ඩායමේ ලකුණු පුවරුව ඉහළ නැංවීම සදහා නැවතත් තෙවැනි කඩුල්ල සදහා සාර්ථක සම්බන්ධතාවයක් ගොඩනැගීමට චාමර සිල්වා සහ ළහිරු තිරිමාන්න සමත්වූහ. පන්දු 77 කදී ඔවුන් ලකුණු 95 ක සම්බන්ධතාවයක් පැවැත්වූහ.

වේගවත් ලකුණු රැස්කිරීමක නිරතවූ ළහිරු තිරිමාන්න පන්දු 69 කදී හයේ පහර 6 ක් සහ හතරේ පහර 3 ක් සමගින් නොදැවී ලකුණු 90 ක් රැස්කළ අතර ඔහුට අනගි සහයක් ලබාදුන් චාමර සිල්වා පන්දු 53 කදී හයේ පහර 2 ක් සහ හතරේ පහර 5 ක් සමගින් ලකුණු 61 ක් රැස් කළේය.

මුල් පෙළ පිතිකරුවන් සිවුදෙනාම ලකුණු අතරට පැමිණියද මැදපෙළ සහ පසුපෙළ පිතිකරුවන්ට ලකුණු අතරට පැමිණීමට මහනුවර පන්දුයවන්නෝ අවස්ථාවක් ලබානොදුන්හ.

සචිත් පතිරණ දැඩි පහර දීමකට ලක්වුවද ඕවර 5 ක් තුළ ලකුණු 41 කට කඩුලු 3 ක් දවාගත් අතර ඕවර 10 ක් යවමින් ලකුණු 39 කට කඩුලු 2 ක් දවාගැනීමට ධණුෂ්ක ගුණතිලක සමතත්විය.


කොළඹ - ඕවර 50 කදී කඩුලු 8 ක් දැවී ලකුණු 309
(කමිඳු මෙන්ඩිස් 47, ශෙහාන් ජයසූරිය 81, චාමර සිල්වා 61, ළහිරු තිරිමාන්න නොදැවී 90, සචිත් පතිරණ 41/3, ධණුෂ්ක ගුණතිලක 39/2)

මහනුවර - ඕවර 48.3 කදී සියලුදෙනා දැවී ලකුණු 217
(ධණුෂ්ක ගුණතිලක 59, චාමර කපුගෙදර 44, චරිත් අසලංක 21, මිනෝද් භානුක 26, වනිඳු හසරංග 43/4, තිසර පෙරේරා 25/2, ශෙහාන් ජයසූරිය 43/2)

 

ඡායාරූප - ළහිරු හර්ෂණ
 
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...