. බැන්ක්‍රොෆ්ටත් තරමක සහනයක් | කෙළිමඬල
2019 මාර්තු මස 24 වැනි ඉරිදා
බැන්ක්‍රොෆ්ටත් තරමක සහනයක්
2018-05-15 17:22:55 | .

පන්දුව පළුදු කිරීමේ වරදට හසුවී ජාත්‍යන්තර තරග තහනමකට ලක්වී සිටින ඕස්ටේ්‍රලියානු ආරම්භක පිතිකරු කැමරන් බැන්ක්‍රොෆ්ට්ට ප්‍රාන්ත තරග සඳහා ක්‍රීඩා කිරීමට බටහිර ඕස්ටේ්‍රලියානු ක්‍රිකට් ආයතනය අවසර දී තිබේ. මෙම අවසරය අනුව බටහිර ඕස්ටේ්‍රලියාවේ ‘විලේටන්’ ක්‍රීඩා සමාජය වෙනුවෙන් බැන්ක්‍රොෆ්ට් ක්‍රීඩා කරනු ඇත.

දකුණු අප්‍රිකාවට එරෙහිව කේප්ටවුන්හි පැවති දෙවැනි ටෙස්ට් තරගය අතර වාරයේ ඕස්ටේ්‍රලියානු නායක ස්ටිව් ස්මිත්, උප නායක ඬේවිඞ් වෝනර් සහ ආරම්භක පිතිකරු කැමරන් බැන්ක්‍රොෆ්ට් පන්දුව පළුදු කිරීමේ චෝදනාවට ලක්වූහ. ස්මිත්ට හා වෝනර්ට මාස 12 ක තරග තහනමක් පැනවූවද පසුව ඔවුන්ට අන්තර් සමාජ තරග සඳහා පමණක් ක්‍රීඩා කිරිමට ඕස්ටේ්‍රලියානු ක්‍රිකට් ආයතනය පසුගියදා අවසර දුන්නේය.

බැන්ක්‍රොෆ්ට්ට ක්‍රීඩා කිරිමට අවස්ථාව දෙනවාද නැද්ද යන්න පිළිබඳව ප්‍රධාන පෙළේ ක්‍රිකට් සමාජ 16 ක් අතර ඡන්ද විමසිමක් පැවැත්විණ. එහිදි ක්‍රිකට් සමාජ 16 න් 14 ක්ම බැන්ක්‍රොෆ්ට ක්‍රීඩා කිරිමට අවස්ථාව දෙන ලෙස ජන්දය ප්‍රකාශ කර තිබිණ.  ඒ අනුව බැන්ක්‍රොෆ්ට් ජුලි මාසයේදී ආරම්භ වන උතුරු පළාත් ලීග් ක්‍රිකට් තරගාවලිය සඳහා ක්‍රීඩා කරනු ඇත.

“මෙම තරග වාරයේදී විල්ටන් ක්‍රීඩා සමාජය වෙනුවෙන් ඔහුට ක්‍රීඩා කිරීමට බටහිර ඕස්ටේ්‍රලියානු දිස්ත්‍රික් ක්‍රිකට් සංගමය අවසර දීම සතුටට කරුණක්. අවසානයේ එය අනුමත කළා. මෙය බැන්ක්‍රොෆ්ට සතුටු දායක ආරංචියක් බවට පත් වේවි. මෙම තීරණය දුන් බටහිර දිස්ත්‍රික් ක්‍රිකට් සංගමයට මම ස්තූතිවන්ත වෙනවා” යැයි බටහිර ඕස්ටේ්‍රලියානු ක්‍රිකට් සංගමයේ ප්‍රධාන විධායක නිලධාරිනි ක්‍රිස්ටිනා මැතිව්ස් මහත්මිය ප්‍රකාශ කර සිටියාය.

තහනම පවතින කාලය තුළදී අන්තර්ජාතික තරග සදහා ක්‍රීඩා කිරීමට නොහැකි වූවත් ස්මිත්, වෝනර් සහ බැන්ක්‍රොෆ්ට් යන ක්‍රිඩකයන් තිදෙනාටම අන්තර් ක්‍රීඩා සමාජ තරග සදහා ක්‍රීඩා කිරීමේ අවස්ථාව ලැබී තිබේ.

-024 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...