. වෙළෙඳ සේවා ශූරයා ප්‍රසාද් : ශූරිය හේෂානි | කෙළිමඬල
2019 මාර්තු මස 24 වැනි ඉරිදා
වෙළෙඳ සේවා ශූරයා ප්‍රසාද් : ශූරිය හේෂානි
2018-05-16 15:48:03 | ශානුක අරවින්ද

වෙළෙඳ සේවා මේසපන්දු සංගමයේ 60 වැනි සංවත්සරය නිමිත්තෙන් එම සංගමය සංවිධානය කළ විවෘත වෙළෙඳ සේවා මේසපන්දු තරගාවලියේ පිරිමි කේවල ශූරතාව දිනාගැනීමට මාස් සමාගමේ ප්‍රසාද් ද සිල්වා සමත් විය. එහි කාන්තා කේවල ශූරතාව දිනාගනු ලැබුවේ එම්ජේ සමාගමේ හේෂානි වික්‍රමසිංහ විසිනි. 

පිරිමි කේවල අවසන් මහ තරගයේදී මාස් සමාගමේම ක්‍රීඩකයෙක් වන නිර්මල ජයසිංහ පරාජය කිරීමට ප්‍රසාද් සිල්වා සමත් වූ අතර පිරිමි යුගල අවසන් මහ තරගයේදී ප්‍රසාද් සහ නිර්මල එක්ව ඩයලොග් ආසියාටා සමාගමේ සහන් සචින්ත සහ සජිත් නිරෝෂන් පරාජය කළහ. 

කාන්තා කේවල අවසන් මහ තරගයේදී හේෂානි වික්‍රමසිංහ හමුවේ පරාජයට පත් වූ මාස් සමාගමේ ශ්‍රීමාලි විමලරත්න, කාන්තා යුගල අවසන් මහ තරගයේදී රයිසා අමනුල්ලා සමග එක්ව වර්චූෂා සමාගමේ දිලිනි පෙරේරා සහ හෂිනි වික්‍රමසිංහ පරාජය කිරීමට සමත් වූවාය. 

නිර්මල ජයසිංහ සහ ශ්‍රීමාලි විමලරත්න තරගාවලියේ මිශ්‍ර යුගල ශූරතාවට හිමිකම් කීවේ අවසන් මහ තරගයේදී ප්‍රසාද් සිල්වා සහ උපේඛා කොටින්කඩුව පරාජය කරමිනි. එම ශූරතාවට අමතරව ප්‍රවීණ පිරිමි කේවල ශූරතාව දිනාගැනීමටද නිර්මල සමත් විය. එම ඉසව්වේ අවසන් මහ තරගයේදී නිර්මල හමුවේ මාස් සමාගමේ ක්‍රීඩකයකු වූ ජයම්පති රත්නායක පරාජයට පත් විය. 

ගල්කිස්ස සාන්ත තෝමස් විදුහල් ගෘහස්ථ ක්‍රීඩාංගණයේදී පැවැති මෙම තරගාවලියට වෙළෙඳ සේවා සංගම් 32 ක් නියොජනය කරමින් ක්‍රීඩක ක්‍රීඩිකාවෝ 181 දෙනෙක් සහභාගි වූ අතර එහිදී ඔවුහු ඉසව් 9 ක් යටතේ තරග වැදිණ. 

තරග ප්‍රතිඵල 

පිරිමි කේවල 
ප්‍රසාද් ද සිල්වා (මාස් සමාගම) විසින් නිර්මල ජයසිංහ (මාස් සමාගම) පරාජය කරන ලදි. 

කාන්තා කේවල 
හේෂානි වික්‍රමසිංහ (එම්ජේ සමාගම) විසින් ශ්‍රීමාලි විමලරත්න (මාස් සමාගම) පරාජය කරන ලදි. 

පිරිමි යුගල  
ප්‍රසාද් ද සිල්වා සහ නිර්මල ජයසිංහ (මාස් සමාගම) විසින් සහන් සචින්ත සහ සජිත් නිරෝෂන් (ඩයලොග් ආසියාටා සමාගම) පරාජය කරන ලදහ. 

කාන්තා යුගල  
ශ්‍රීමාලි විමලරත්න සහ රයිසා අමනුල්ලා (මාස් සමාගම) විසින් දිලිනි පෙරේරා සහ හෂිනි වික්‍රමසිංහ (වර්චූසා සමාගම) පරාජය කරන ලදහ. 

මිශ්‍ර යුගල 
නිර්මල ජයසිංහ සහ ශ්‍රීමාලි විමලරත්න (මාස් සමාගම) විසින් ප්‍රසාද් ද සිල්වා සහ උපේඛා කොටින්කඩුව (මාස් සමාගම) පරාජය කරන ලදහ. 

ආධුනික පිරිමි කේවල 
පසන් කවිකේෂව (මාස් සමාගම) විසින් සජිත් නිරෝෂන් (ඩයලොග් ආසියාටා සමාගම) පරාජය කරන ලදි. 

ආධුනික කාන්තා කේවල 
විනෝලි සිල්වා (සෙලාන් බැංකුව) විසින් උපේඛා අනුරුද්ධි (කෝඞ්ජෙන් සමාගම) පරාජය කරන ලදි. 

ප්‍රවීණ පිරිමි කේවල 
නිර්මල ජයසිංහ (මාස් සමාගම) විසින් ජයම්පති රත්නායක (මාස් සමාගම) පරාජය කරන ලදි. 

ජ්‍යෙෂ්ඨ පිරිමි කේවල 
ගාමිණී මොරායස් (ඇස්ට්‍රන් සමාගම) විසින් එන්.එම්. තිලකානන්ද (සිංගර් සමාගම) පරාජය කරන ලදි. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...