. මැතිව්ස් - ලක්මාල් පරීක්‍ෂණයෙන් සමත් | කෙළිමඬල
2019 මාර්තු මස 26 වැනි අගහරුවාදා
මැතිව්ස් - ලක්මාල් පරීක්‍ෂණයෙන් සමත්
2018-05-17 19:36:14 | රොෂාන් ගුණරත්න

ශ්‍රී ලංකා කණ්ඩායමේ සිටින ජේෂ්ඨතම ක්‍රීඩකයින් දෙදෙනකු වන ඇන්ජලෝ මැතිව්ස් සහ සුරංග ලක්මාල් ශාරීරික යෝග්‍යතා පරීක්‍ෂණයෙන් සමත්වීම නිසා බටහිර ඉන්දිය කොදෙව් සංචාරය සඳහා ඔවුන් දෙදෙනා සහභාගී කරවන බව ශ්‍රී ලංකා ක්‍රිකට් ආයතනය අද (17 වැනිදා) නිවේදනය කළේය. 

බටහිර ඉන්දිය කොදෙව් සංචාරය සඳහා පසුගිය සතියේ නම්කරන ලද 17 දෙනෙකුගෙන් සමන්විත ටෙස්ට් සංචිතයට ඇන්ජලෝ මැතිව්ස් සහ සුරංග ලක්මාල් ඇතුළත් කර තිබුණ අතර ශාරීරික යෝග්‍යතාව මත ඔවුන් දෙදෙනාගේම සහභාගීත්වය අවිනිශ්චිතව තිබුණි.

මෙම මස මුල් සතිය තුළදී පැවැති වෛද්‍ය පරීක්‍ෂණයෙන් ඔවුන් දෙදෙනාම සමත්වී සිටියද ටෙස්ට් තරගයක් ක්‍රීඩාකිරීමට අවශ්‍ය ශාරීරික යෝග්‍යතාව තිබේදැයි මහනුවර පල්ලේකැලේ ක්‍රීඩාංගණයේදී දින 8 ක් පුරා පැවැති පුහුණු කඳවුරේදී පරීක්‍ෂා කෙරුණි.

ටෙස්ට් තරග 72 කට ක්‍රීඩාකරමින් ලකුණු 4914 ක් රැස්කර ඇති තුන් ඉරියව් ක්‍රීඩක ඇන්ජලෝ මැතිව්ස් කඩුලු 33 ක්ද දවාගැනීමට සමත්වී ඇත. 

වේගපන්දු යවන ක්‍රීඩක සුරංග ලක්මාල් ටේස්ට් තරග 44 කදී ලකුණු 543 ක් රැස්කර ඇති අතර කඩුලු 102 ක් දවාගෙන සිටී. 

මෙම මස අවසානයේ බටහිර ඉන්දිය කොදෙව් දූපත් සංචාරය ආරම්භ කිරීමට නියමිත ශ්‍රී ලංකා කණ්ඩායම ජූනී 6 වැනිදා පළමු ටෙස්ට් තරගයට සහභාගීවනු ඇත.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...