. ෆාසිල් මරීජා පුහුණුකරු තනතුරට | කෙළිමඬල
2019 මාර්තු මස 26 වැනි අගහරුවාදා
ෆාසිල් මරීජා පුහුණුකරු තනතුරට
2018-05-18 19:25:06 | .

මහනුවර ක්‍රීඩා සමාජයේ සත් සාමාජික රග්බි කණ්ඩායමේ පුහුණුකරු ලෙස එම ක්‍රීඩා සමාජයේ හිටපු ක්‍රීඩකයකු වන ෆාසිල් මරීජා පත්කිරීමට ක්‍රීඩා සමාජ කළමනාකාරීත්වය පියවර ගෙන තිබේ. මේ වසරේදී (2018) පැවැත්වීමට නියමිත අන්තර් ක්‍රීඩා සමාජ සත් සාමාජික රග්බි තරගාවලිය වෙනුවෙන් මෙම පත්කිරීම සිදුකර තිබේ.

කන්ද උඩරට ප්‍රදේශයේ සාර්ථකම ක්‍රීඩා සමාජය ලෙස නම් දරා සිටින මහනුවර ක්‍රීඩා සමාජය ඉකුත් වසරේ (2017) පැවැති අන්තර් ක්‍රීඩා සමාජ සත් සාමාජික රග්බි තරගාවලිය සඳහා සහභාගි නොවූ අතර මේ වසරේදී ඔවුන් ඊට සහභාගි වීමට සූදානම් වන්නේ නැවත වරක් එහි ශූරතාව තමන් සතුකර ගැනීමේ අරමුනෙණි.

“වසර 15 පුරා මහනුවර ක්‍රීඩා සමාජයට ක්‍රීඩා කිරීමෙන් පසුව පුහුණුකරුවකු ලෙස කණ්ඩායමට දායකත්වය සැපයීමට අවස්ථාවක් ලැබීම ගැන මම ඉතාම සතුටට පත් වෙනවා.” යැයි මරීජා සිය පත්වීම සම්බන්ධයෙන් තම ට්විටර් ගිණුමේ සඳහන් කර තිබිණ.

මේ වන විට 33 වැනි වියේ පසුවන මරීජා, ඉකුත් වසරේදී රග්බි ක්‍රීඩාවෙන් සමුගත්තේ මහනුවර ක්‍රීඩා සමාජයට එවර ලීග් රග්බි ශූරතාව මෙන්ම පිළිමළුන් පිටුදැකීමේ රග්බි ශූරතාවද දිනා දීමෙන් අනතුරුවය. එම තරගාවලි දෙකේදීම මහනුවර ක්‍රීඩා සමාජයට සිය අපරාජිත බව රැකගැනීමටද මරීජාගෙන් අනගි දායකත්වයක් හිමිවිය.


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...