. කොදෙව් සංචාරයේ සංයුතිය වෙනස් වෙයි | කෙළිමඬල
2018 ඔක්තෝබර් මස 21 වැනි ඉරිදා
කොදෙව් සංචාරයේ සංයුතිය වෙනස් වෙයි
2018-05-19 19:07:13 | දමින්ද විජේසූරිය

මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ විස්සයි20 තරග තුනක් පැවැත්වීමට බටහිර ඉන්දීය කොදෙව් ක්‍රිකට් පාලක මණ්ඩලය යෝජනා කර තිබේ. කොදෙව් ක්‍රිකට් පාලක මණ්ඩලය මේ වන විට දරුණු මූල්‍ය පරිහානියකට පත්ව සිටින අතර ශ්‍රී ලංකා පිලේ කොදෙව් සංචාරය සංවිධානය කරගත නොහැකි මට්ටමට ඇද වැටී ඇතැයි අන්තර්ජාතික ආරංචි මාර්ග වලින් දැනගන්නට තිබේ.

“කොදෙව් ක්‍රිකට් පාලක මණ්ඩලයේ සභාපති ඬේව් කැමරන් මහතා මට කතා කළා. එයාගේ ඉල්ලීම වෙන්නේ ලාභයකුත් ලැබෙන විදිහට තරගාවලිය කරමු කියන එකයි...ඒ නිසා එක ටෙස්ට් තරගයක් වෙනුවට එක්දින තරග දෙකක් හෝ විස්සයි20 තරග 3 ක් පැවැත්වීමට ඔහු යෝජනා කළා”

“මේ වෙනකොට අපි ඒ ගැන සාකච්ඡා කරමින් ඉන්නවා” යයි ශ්‍රී ලංකා ක්‍රිකට් සභාපති තිලංග සුමතිපාල මහතා පැවසීය.

කොදෙව් ක්‍රිකට් පාලක මණ්ඩලය මුලින් අදහස් කරමින් සිටියේ තරගාවලිය අවලංගු කර දැමීමට බව ඬේලි මිරර් පුවත් පත වාර්තා කර තිබිණ. ඒ සම්බන්ධයෙන් ශ්‍රී ලංකා ක්‍රිකට් සභාපතිවරයාගෙන් කළ විමසීමකදී සුමතිපාල මහතා කියා සිටියේ තරගාවලිය අවලංගු කිරීමක් සිදු නොවන බවත් එක ටෙස්ට් තරගයක් වෙනුවට සීමිත ඕවර තරග දෙකක් හෝ තුනක් ඇතුළත් කර තරගාවලිය පවත්වාගෙන යාමට තමන් යෝජනා කළ බවත්ය.

“මෙතැනදී අපටත් පාඩුවක් සිද්ධ වෙනවා”
“ටෙස්ට් තරගාවලියට අපි යවන්නේ එක කණ්ඩායමක්. ඒත් සීමිත ඕවර (එක්දින හෝ විස්සයි-20) තරග සඳහා වෙනත් ක්‍රීඩකයන් හය දෙනකු විතර යවන්න අපට සිද්ධ වෙනවා. ගුවන් ප්‍රවේශපත් වගේම අනෙකුත් වියදම් බැලුවාම ඒක තරමක පාඩුවක් තමයි...ඒත් මේ වගේ වෙලාවක සහෝදර ක්‍රිකට් ආයතනයකට උදව් කරන්නත් අපි සූදානම්ව ඉන්න ඕනේ” යයිද සුමතිපාල මහතා පැවසීය.

ඬේලි මිරර් පුවත්පතේ වාර්තාවට අනුව සිය මූල්‍ය අපහසුතා මඟහරවා ගැනීම සඳහා බටහිර ඉන්දීය කොදෙව් ක්‍රිකට් පාලක මණ්ඩලය අන්තර්ජාතික ක්‍රිකට් සභාවේ සහාය ඉල්ලීමට යයි.

ශ්‍රී ලංකාව සහ බටහිර ඉන්දීය පිල අතර පළමු ටෙස්ට් තරගය ලබන මස 6 වැනිදා ආරම්භ වීමට නියමිතය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
මාලිංග ලෝක කුසලාන තරගාවලිය ඉලක්ක කරයි...
2018-10-14 17:23:45
දැන්ම ක්‍රීඩාවෙන් විශ්‍රාම ගැනීම සම්බන්ධයෙන් තවමත් තමාගේ කිසිදු අදහසක් නොමැති බවත්, අවස්ථාව හිමි වුවහොත් 2019 වසරේදී පැවැත්වෙන එක්...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...