. සන්දීප් - හර්ෂාල් - මිෂ්රා මුම්බායි පිල වනසති | කෙළිමඬල
2019 මාර්තු මස 26 වැනි අගහරුවාදා
සන්දීප් - හර්ෂාල් - මිෂ්රා මුම්බායි පිල වනසති
2018-05-20 15:53:47 | .

ඉන්දීය ප්‍රිමියර් ලීග් තරගාවලියේ 55 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි ඩෙයාර්ඩෙවිල්ස් කණ්ඩායම අතර දිල්ලිහිදී අද (20 වැනිදා) පැවැති තරගයෙන් ලකුණු 11 ක ජයක් අත්කර ගැනීමට දිල්ලි ඩෙයාර්ඩෙවිල්ස් කණ්ඩායම සමත් විය.

මෙම තරගයේදී ලද පරාජයත් සමග අවසන් වටයට සුදුසුකම් ලබාගැනීමට තිබූ අවසන් අවස්ථාවත් මුම්බායි ඉන්දියන්ස් කණ්ඩායමට අහිමි විය. ඒ අනුව ඉකුත් වසරේ (2017) ශූරයන් බවට පත් වූ මුම්බායි කණ්ඩායමට මෙවර තරගාවලියේ අවසන් වටයට සුදුසුකම් නොළබාම තරගාවලියෙන් ඉවත් වීමට සිදුවිය.

ජයග්‍රහණය සඳහා ලකුණු 175 ක ඉලක්කයක් හඹාගිය මුම්බායි කණ්ඩායම ඕවර 19.3 ක් අවසානයේ ලකුණු 163 කට සීමා කිරීමට දිල්ලි ඩෙයාර්ඩෙවිල්ස් පන්දු යවන්නෝ සමත් වූහ. එහිදී දක්ෂ පන්දු යැවීමක නිරත වූ සන්දීප් ලැමිචානේ, හර්ෂාල් පටේල් සහ අමිත් මිෂ්රා කඩුලු 3 බැගින් දවාගනිමින් මුම්බායි කන්ඩායමේ ජයග්‍රාහී මාවත අවහිර කළහ.

ඉනිමේ අවසන් ඕවර කිහිපයේදී වේගවත් පිතිහරඹයක නිරත වූ බෙන් කටින් පන්දු 20 කදී හයේ පහර 3 ක් සහ හතරේ පහර 2 ක් සමග ලකුණු 37 ක් රැස්කිරීමට සමත් වුවද, මුම්බායි කණ්ඩායම පරාජයෙන් ගළවා ගැනීමට ඔහුට නොහැකි විය. මුම්බායි ඉනිමේ වැඩිම ලකුණු ලාභියා බවට පත් වූ එවින් ලුවිස් පන්දු 31 කදී ලකුණු 48 ක් රැස්කළේ හයේ පහර 4 ක් සහ හතරේ පහර 3 ක් සමගිනි.

කාසියේ වාසිය දිනා පළමුවෙන් පන්දුවට පහරදුන් දිල්ලි ඩෙයාර්ඩෙවිල්ස් කණ්ඩායම ඕවර 20 අවසානයේ කඩුලු 4 ක් දැවී ලකුණු 174 ක් ලබාගත් අතර මෙවර තරගාවලියේ වැඩිම ලකුණු ලාභියා බවට පත්ව සිටින රිෂාබ් පාන්ට් (64) එහිදී සිය 5 වැනි අර්ධ ශතකය ලබාගත්තේය. පන්දු 44 කදී වාර්තා වූ ඔහුගේ ඉනිම හයේ පහර 4 කින් සහ හතරේ පහර 4 කින් සමන්විත විය.

ලකුණු 75 කට කඩුලු 3 ක් බිඳවැටී තිබූ අවස්ථාවේදී විජේ ශංකර් (නොදැවී 43) සමග එක්ව සිවුවැනි කඩුල්ල වෙනුවෙන් පන්දු 47 කදී ලකුණු 64 ක සම්බන්ධතාවක් ගොඩනැගීමටද පාන්ට් සමත් විය. පන්දු 30 කට මුහුණදුන් ශංකර් හයේ පහර 2 කින් සහ හතරේ පහර 3 කින් සිය ඉනිම සැරසුවේය.  


දිල්ලි ඩෙයාර්ඩෙවිල්ස් පිල - ඕවර 20 කදී කඩුලු 4 ක් දැවී 174
(ග්ලේන් මැක්ස්වෙල් 22, රිෂාබ් පාන්ට් 64, විජේ ශංකර් නොදැවී 43, අභිෂේක් ශර්මා නොදැවී 15)

මුම්බායි ඉන්දියන්ස් පිල - ඕවර 19.3 කදී සියලු දෙනා දැවී 163
(එවින් ලුවිස් 48, හර්දික් පාණ්ඩ්‍යා 27, බෙන් කටින් 37, අමිත් මිෂ්රා 19/3, හර්ෂාල් පටේල් 28/3, සන්දීප් ලැමිචානේ 36/3)

 

- 036 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...