. කොදෙව් සංචාරයෙන් ධනංජය ඉවත්වෙයි | කෙළිමඬල
2019 මාර්තු මස 26 වැනි අගහරුවාදා
කොදෙව් සංචාරයෙන් ධනංජය ඉවත්වෙයි
2018-05-25 10:51:13 | ශානුක අරවින්ද

සිය පියාගේ අභාවය හේතුවෙන් තුන් ඉරියව් ක්‍රිකට් ක්‍රීඩක ධනංජය ද සිල්වා ශ්‍රී ලංකාව සහ බටහිර ඉන්දීය කොදෙව් කණ්ඩායම අතර පැවැත්වෙන ටෙස්ට් තරගාවලියෙන් ඉවත් වී තිබේ. ධනංජය ද සිල්වාගේ පියා වන දෙහිවල ගල්කිස්ස මහ නගර සභාවේ මන්ත්‍රී රන්ජන් ද සිල්වා මහතා ඊයේ රාත්‍රියේ කිසියම් අයකු විසින් වෙඩිතබා ඝාතනය කරන ලදි. 

මෙම සංචාරය සඳහා ක්‍රීඩකයන් 17 දෙනකුගෙන් සමන්විත සංචිතයක් නම්කර තිබූ බැවින් ධනංජය ද සිල්වා කණ්ඩායමෙන් ඉවත්වූවද සංචාරය සඳහා පිටත්ව යාමට ක්‍රීඩකයෝ 16 දෙනෙක් සිටිති. 

ධනංජයගේ පියාණන් වන රන්ජන් ද සිල්වා මහතා වෙනුවෙන් පවුගේ අය වෙත ශෝකය ප්‍රකාශ කරන ශ්‍රී ලංකා ක්‍රිකට් ආයතනය, සිය පියාගේ අභාවය සම්බන්ධයෙන් ධනංජය නිදහස් කර ඇති බවත් ඔහුට අවශ්‍ය සියලුම සහයෝගය දීමට ශ්‍රී ලංකා කණ්ඩායමේ සෙසු ක්‍රීඩකයන් මෙන්ම ක්‍රිකට් ආයතනයත් සූදානමින් සිටින බවත් පවසයි.

ධනංජයගේ හිස්තැන පිරවීම සම්බන්ධයෙන් කළ විමසීමකදී ශ්‍රී ලංකා ක්‍රිකට් ප්‍රකාශකයකු කීවේ සිය පියාගේ අභාවය සම්බන්ධයෙන් හිත හදාගැනීමෙන් පසුව කණ්ඩායමට එක්වීමේ අවස්ථාව ධනංජයට තිබෙන බවයි. 

ශ්‍රී ලංකා කණ්ඩායම අද (25 වැනිදා) රාත්‍රියේ බටහිර ඉන්දීය කොදෙව් දූපත් බලා පිටත්ව යෑමට සූදානමින් සිටියේය. 

ශ්‍රී ලංකාව නියොජනය කරමින් ටෙස්ට් තරග 13 කට ක්‍රීඩා කර ඇති ධනංජය, එහිදී ශතක 4 ක් සහ අර්ධ ශතක 2 ක් සමග ලකුණු 1066 ක් රැස්කිරීමට සමත්ව ඇත්තේ 44.42 ක සාමාන්‍යක් රඳවාගනිමිනි. මේ වසරේ (2018) ජනවාරි මාසයේදී බංග්ලාදේශයට එරෙහිව රැස්කළ ලකුණු 173 මෙතෙක් ඔහුගේ ඉහළම ටෙස්ට් ඉනිම ලෙසින් සටහන් වේ.  

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...