. හයිද්‍රාබාද් පිල අවසන් තරගයට | කෙළිමඬල
2018 අගෝස්තු මස 16 වැනි බ‍්‍රහස්පතින්දා
හයිද්‍රාබාද් පිල අවසන් තරගයට
2018-05-25 19:00:45 | .

ඉන්දීය ප්‍රිමියර් ලීග් තරගාවලියේ අවසන් මහ තරගයට සුදුසුකම් ලැබීමේ දෙවැනි තරගය ලෙස කොල්කටා නයිට්රයිඩර්ස් කණ්ඩායම සහ සන්රයිසස් හයිද්‍රාබාද් කණ්ඩායම අතර කොල්කටාහිදී අද (25 වැනිදා) පැවැති තරගයෙන් ලකුණු 13 ක ජයක් අත්කර ගැනීමට සන්රයිසස් හයිද්‍රාබාද් කණ්ඩායම සමත් විය.

මෙම ජයග්‍රහණයත් සමග තරගාවලියේ අවසන් මහ තරගයට සුදුසුකම් ලබාගැනීමට සන්රයිසස් හයිද්‍රාබාද් කණ්ඩායම අවස්ථාව උදා කරගත් අතර එහිදී ලැබූ පරාජයත් සමග කොල්කටා නයිට්රයිඩර්ස් කණ්ඩායම තරගාවලියෙන් ඉවතට විසිවිය. 

ජයග්‍රහණය සඳහා ලකුණු 175 ක ඉලක්කයක් හඹාගිය කොල්කටා නයිට්රයිඩර්ස් කණ්ඩායමට ඕවර 20 අවසානයේ කඩුලු 9 ක් දැවී රැස්කරගත හැකි වූයේ ලකුණු 161 ක් පමණි. දක්ෂ පන්දු යැවීමක නිරත වූ රෂීඞ් ඛාන් ලකුණු 19 කට කඩුලු 3 ක් දවාගනිමින් කොල්කටා කණ්ඩායමේ ජයග්‍රාහී මාවත අහුරාලීය.

පළමුවෙන් පන්දුවට පහරදුන් කොල්කටා කණ්ඩායම ඕවර 20 අවසානයේ කඩුලු 7 ක් දැවී ලකුණු 174 ක් රැස්කළ අතර ඉනිමේ අවසන් භාගයේදී පන්දු 10 කට මුහුණදුන් රෂිඞ් ඛාන් එහිදී නොදැවී ලකුණු 34 ක් රැස්කළේ හයේ පහර 4 ක් සහ හතරේ පහර 2 ක් සමගිනි.

සන්රයිසස් හයිද්‍රාබාද් කණ්ඩායම - ඕවර 20 කදී කඩුලු 7 කට 174
(රිධිමන් සාහා 35, ශිකර් ධවාන් 34, සකීබ් අල් හසන් 28, දීපක් හූඩා 19, රෂීඞ් ඛාන් නොදැවී 34, කුල්දීප් යාදව් 29/2)  

කොල්කටා නයිට්රයිඩර්ස් පිල - ඕවර 20 කදී කඩුලු 9 කට 161
(ක්‍රිස් ලයන් 48, සුනිල් නරේන් 26, නිටිෂ් රානා 22, සුබ්මන් ගිල් 30, රෂිඞ් ඛාන් 19/3, කාර්ලෝස් බ්‍රැත්වේට් 16/2, සිද්ධාර්ත් කෞල් 32/2)   

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...