. පාසල් රග්බි තරග ලබන සතියේ | කෙළිමඬල
2018 දෙසැම්බර් මස 12 වැනි බදාදා
පාසල් රග්බි තරග ලබන සතියේ
2018-05-26 16:59:10 | මොහාන් ප්‍රනාන්දු

පාසල් රග්බි තරගාවලියේ පසුගියදා පැවැති තරග කිහිපයක් අතරතුර ඇතිවූ ගැටුම්කාරී සිදුවීම්වලට වගකිව යුතු පුද්ගලයන්ට නිසි දඬුවම් ලබාදීම ඇතුළු කොන්දේසි ගණනාවක් පනවමින් අත්හිටවු අන්තර් පාසල් ලීග් රග්බි තරගාවලිය නැවත ආරම්භ කිරිමට ක්‍රීඩා අමාත්‍ය ෆයිසර් මුස්තාපා මහතා අනුමැතිය දී තිබේ. සිකුරාදා පැවැති රැස්වීමකින් පසුව ඇමතිවරයා මෙම අවසරය දී ඇත.

පාසල් රග්බි තරග පැවැත්වෙන ක්‍රීඩාංගණ හෝ ඒ අවට මත්පැන් අලෙවිය තහනම් කිරීම, මත්පැන් පානය කර ක්‍රීඩාංගණයට ඇතුළුවීමට ඉඩ නොදීම ආදිය ඇමතිවරයා විසින් පනවන ලද තවත් කොන්දේසි කිහිපයකි. රග්බි ක්ෂේත්‍රයට අදාළ සියලු පාර්ශ්ව කැඳවමින් සිකුරාදා උදෑසන ක්‍රීඩා අමාත්‍යාංශ ශ්‍රවණගාරයේ පැවැති පැවැති රැස්වීමේදී අමාත්‍යවරයා මේ තීරණයට එළැඹියේය.

ශ්‍රී ලංකා පාසල් රග්බි සංගමය, ශ්‍රී ලංකා රග්බි ආයතනය, ශ්‍රී ලංකා රග්බි තරග තීරකවරුන්ගේ සහ විනිසුරුවරුන්ගේ සංගමය, අධ්‍යාපන අමාත්‍යාංශය, පොලිසිය, මෙවර තරගාවලියට ක්‍රීඩා කරන පාසල් 36 ක විදුහල්පතිවරුන් සහ ආදි සිසු සංගම් නියෝජනය කළ මේ විශේෂ රැස්වීමේදී පාසල් රග්බි තරගාවලිය ඉදිරියට පැවැත්විය යුතු ආකාරය පිළිබඳ ක්‍රීඩා අමාත්‍යවරයා සිය අදහස් පළ කරමින් කොන්දේසිමාලාව ඉදිරිපත් කළේය.

ඉදිරි තරග සඳහා දැඩි විනයක් පවත්වාගත යුතු බව අවධාරණය කළ අමාත්‍යවරයා ආගන්තුක කණ්ඩායමට නිසි ආරක්ෂාව ලබාදීමට සත්කාරක විදුහල්වලට ඇති වගකීම පිළිබඳ කරුණු පැහැදිලි කළේය.

ඉදිරි තරග පැවැත්විමේදී හිටපු ජ්‍යෙෂ්ඨ නියෝජ්‍ය පොලිස්පතිවරයකු වන හාෆීල් මාසෝ මහතාගේ සහය ඇතිව සෑම පාර්ශ්වයක්ම කටයුතු කරන ලෙසත් දන්වා සිටියේය. සෑම පාර්ශ්වයකම අදහස් විමසමින් මේ කොන්දේසිමාලාව පැනැවූ ක්‍රීඩා අමාත්‍යවරයා පාසල් ලීග් රග්බි තරගාවලිය ලබන සඳුදා සිට නැවත පැවැත්වීමට අවසර ලබා දුන්නේය.

පසුගියදා පාසල් රග්බි පිටියේ සිදුවූ කළහකාරී සිදුවීම් ඇතුළත් වීඩියෝ දර්ශන නැරැඹූ අමාත්‍යවරයා රැස්වීමට එක්වී සිටි කොළඹ කොට්ඨාස බාර ජ්‍යෙෂ්ඨ නියෝජ්‍ය පොලිස්පති ලලිත් පතිනායක මහතාගෙන් අදාළ සිදුවිම් පිළිබඳ ගතයුතු ක්‍රියාමාර්ග විමසා සිටියේය. සිදුවීම්වලට සම්බන්ධව පුද්ගලයන් පිළිබඳ වහාම පොලිසියට පැමිණිලි කර ඔවුන් නීතිය හමුවට පමුණුවන මෙන් අමාත්‍යවරයා සියලු පාර්ශ්වලට උපදෙස් දුන්නේ  ලැබෙන්නේ නම් ඊට නිසි ක්‍රියාමාර්ග ගත හැකි බව ජ්‍යෙෂ්ඨ නියෝජ්‍ය පොලිස්පතිවරයා පෙන්වා දීමෙන් පසුවය.

අන්තර් පාසල් ලීග් රග්බි තරගාවලියේ පසුගිය සති දෙකක් පුරා පැවැති තරග කිහිපයක් අතරතුර තරග විනිසුරුවන්ගේ ඇතැම් තීරණවලට විරෝධය පළ කරමින් ක්‍රීඩාලෝලීන් කළහකාරී ලෙස හැසිරීම් වාර්තාවීමත්, තරග තීරකවරුන්ට තර්ජනය කිරීම් හේතුවෙන් ඇතැම් පාසල් කණ්ඩායම් ක්‍රීඩා කරන තරග සඳහා තම සංගමයේ විනිසුරුවරුන් ලබා නොදීමට ශ්‍රී ලංකා රග්බි තරග තීරකවරුන්ගේ සහ විනිසුරුවරුන්ගේ සංගමය තීරණය කළේය.

උද්ගතවූ තත්ත්වය පිළිබඳ අවධානය යොමු කරමින් සෑම පාර්ශ්වයක්ම එකඟතාවට පැමිණෙන තුරු මේ සති අන්තයේ පැවැත්වීමට නියමිතව තිබූ සියලුම තරග අත්හිටුවීමට ක්‍රීඩා අමාත්‍යවරයා තීරණය කර තිබිණි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා කණ්ඩායම තවමත් වැට උඩ...
2018-12-06 13:53:09
ලෝකයේ හොඳම ටෙස්ට් කණ්ඩායම් හතර අතරේ සිටින නවසීලන්තයට එරෙහිව නවසීලන්තයේදීම ටෙස්ට්  තරගාවලියකට සහභාගි වීමට යන්නේ වුවද කණ්ඩායමේ කඩුලු රක...
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...