. මලල ක්‍රීඩා සංගමයේ ඉරිතැලීම් | කෙළිමඬල
2019 පෙබරවාරි මස 22 වැනි සිකුරාදා
මලල ක්‍රීඩා සංගමයේ ඉරිතැලීම්
2018-05-27 20:59:39 | නාමල් පතිරගේ

නිලධාරිනියක් සම්බන්ධයෙන් නිලධාරී පිරිසක් අතර ඇතිවී තිබෙන බව කියන මත ගැටුමක් හේතුවෙන් හෙට (28) පැවැත්වීමට නියමිත ශ්‍රී ලංකා මලල ක්‍රීඩා සංගමයේ විධායක සභා රැස්වීම උණුසුම් මුහුණුවරක් ගනු ඇතැයි වාර්තා වේ.

සංගමයේ උපසභාපතිනියකට එරෙහිව එහි උපසභාපතිවරයකු විසින් බාරදී තිබෙන විශ්වාසභංගයක් සාකච්ඡා කිරීම හෙට පැවැත්වෙන විධායක සභා රැස්වීමේ න්‍යාය පත්‍රයට ඇතුළත් කර නැත. ඒ සම්බන්ධයෙන් නිලධාරීන් පිරිසක් සංගමයේ ප්‍රධානීන්ගෙන් ප්‍රශ්න කිරීමට හෙට පැවැත්වෙන විධායක සභා රැස්වීමේදී සැරසී සිටින බව ද වැඩිදුරටත් වාර්තා වේ.

මෙම සිද්ධිය හේතුවෙන් ශ්‍රී ලංකා මලල ක්‍රීඩා සංගමය මේ වනවිට පාර්ශ්ව කීපයකට බෙදී සිටින බවත් මෙතෙක් එහි ප්‍රධානියකුට පක්‍ෂව කටයුතු කරමින් සිටි බව කියන ජ්‍යෙෂ්ඨ උපසභාපතිවරුන් දෙදෙනකු එහි ප්‍රධානියාට පළකර තිබූ සහයෝගය ඉවත් කර ගන්නා බවට ප්‍රකාශ කර ඇතැයි ද මලල ක්‍රීඩා සංගම් ආරංචි මාර්ග සඳහන් කරයි.

සංගමයේ නිලධාරියකුට එරෙහිව දෝෂාභියෝගයක් මලල ක්‍රීඩා සංගමයේ ලේකම්වරයාට බාරදීමෙන් දින 21 ක් ඉක්ම යාමට පෙර ඒ සම්බන්ධයෙන් විධායක සභා න්‍යාය පත්‍රයේ ඇතුළත් කර සුදුසු පියවර ගැනීම සඳහා සාකච්ඡා කළ යුතු වුවත් සංගමයේ ව්‍යාවස්ථාවට පටහැනිව යමින් එය අද පැවැත්වීමට නියමිත විධායක සභා රැස්වීමේ න්‍යාය පත්‍රයට ඇතුළත් කිරීමට මලල ක්‍රීඩා සංගමයේ ප්‍රධානීන් අපොහොසත් වී ඇතැයි එහිදී චෝදනා එල්ල වී තිබේ.

කෙසේ වුවත් උපසභාපතිනියට එරෙහිව එකී දෝෂාභියෝගයට අත්සන් කළ බව කියන සංගම් කීපයක ප්‍රධානීන් ඊට සහයෝගය නොදෙන මලල ක්‍රීඩා සංගමයේ ප්‍රධානීන්ට ලිපි මගින් දැනුම් දී ඇතැයි ද වැඩිදුරටත් වාර්තා වේ.

කොළඹදී නිමාවට පත්වූ තෙැවනි දකුණු ආසියානු කනිෂ්ඨ මලල ක්‍රීඩා තරගාවලියේදී ශ්‍රී ලංකා මලල ක්‍රීඩා කණ්ඩායමේ රාජකාරි පැවැරී තිබූ එකී උපසභාපතිනිය හා උපසභාපතිවරයා අතර ආරවුලක් මෙම සිදුවීමට පාදක වී තිබේ.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් විශිෂ්ටත්වය විදහා පෙන්වයි...
2019-02-16 15:33:48
  කුසල් පෙරේරාගේ (නොදැවී 155) අති විශිෂ්ට පිතිහරඹය නිසා දකුණු අප්‍රිකාවට එරෙහිව ඩර්බන් නුවරදී පැවැති පළමු ටෙස්ට් තරගයේදී ...
මම ගැහැව්වේ කෝච් වෙනුවෙන් ...
2019-02-17 15:00:45
ඩර්බන් නුවරදී පැවැති පළමු ටෙස්ට් තරගයේදී දකුණු අප්‍රිකානු කණ්ඩායම පරාජය කරමින් කළ පිතිහරඹය කණ්ඩායමේ පුහුණුකරු (චන්දික හතුරුසිංහ ම...
ශ්‍රී ලංකාව අසීරු හඹායෑමක...
2019-02-15 16:16:09
ඩර්බන් නුවර කිංග්ස්මේඞ් ක්‍රීඩාංගණයේදී පැවැත්වෙන පළමු වැනි ටෙස්ට් තරගයේ තුන්වැනි දිනය වන අද (15 වැනිදා) අයහපත් ආලෝක තත්වය හේතුවෙන් තරග...
ක්‍රීඩකයන්ගේ හැසිරීම ගැන විනය පියවර...
2019-02-18 20:06:24
දකුණු අප්‍රිකානු පිලට එරෙහිව ඩර්බන්හිදී පැවැති පළමු ටෙස්ට් තරගයේ ජයග්‍රහණයෙන් පසුව වීඩියෝ පටයකින් ප්‍රදර්ශනය වූ ශ්‍රී ලංකා...