. ෂරපෝවාගේ ගමනට මුගුරූසා හරස්වෙයි | කෙළිමඬල
2018 නොවැම්බර් මස 20 වැනි අගහරුවාදා
ෂරපෝවාගේ ගමනට මුගුරූසා හරස්වෙයි
2018-06-07 12:36:22 | .

තහනම් උත්තේජන භාවිත කිරීමේ චෝදනාව නිසා මාස 15ක තරග තහනමකට ලක්වී සිටීමේ වේදනාව ජයග්‍රහණයකින් නිමා කරන්නට පැරිස් නුවරට පැමිණි රුසියාවේ මරියා ෂරපෝවා සිය දෙවැනි ගමනේ සෑහෙන දුරක් ගිය නමුත් අතරමගදී ආපසු හරවා යැවීමට සැලැස්වූ ස්පාඤ්ඤයේ ගාබින් මුගුරූසා ප්‍රංශ ශූරතාවලියේ අර්ධ අවසන් පූර්ව වටයේ තරගයකදී ලකුණු 6-2ක් සහ 6-1ක ජයක් වාර්තා කළාය. 

2016 වසරේදී ප්‍රංශ විවෘත ටෙනිස් කිරුළ දිනාගත් මුගුරූසා මෙවර තවත් පියවරක් ඉදිරියට තබමින් සිය දෙවැනි කුසලානයත් අතට ගැනීමේ බලාපොරොත්තුවෙන් පසුවන්නීය. 

ලෝක ටෙනිස් ශ්‍රේණිගත කිරීම්වල තුන්වැනි තැන පසුවන 24 හැවිරිදි මුගුරූසා අතින් 31 හැවිරිදි ෂරපෝවා ලැබුවේ අන්ත පරාජයකි. මේ විශිෂ්ට ක්‍රීඩිකාව එහෙම පිටින්ම සෙල්ලමකට ගත් මුගුරූසා ඇය දන්නා සියලු ශිල්ප පෙන්වන්නට පටන් ගත් අතර ඇගේ වේගවත් පන්දු පිරිනැමීම්වලදී ෂරපෝවාට සෙලවෙන්නටවත් බැරිවිය.

“මම පැරැද්දුවේ ලෝකයේ හොඳම ක්‍රීඩිකාවක්. ඒ නිසා මගේ දස්කම් ගැන සැකයක් නෑ. ඊළඟට තියෙන්නේ තවත් තරග 2ක් විතරයි” කුසලානයේ බලාපොරොත්තු අලුත් කරමින් මුගුරූසා එසේ කිවාය.

අවසන් පූර්ව වටයේදී මුගුරූසා සමග තරග වැදීමට නියමිතව ඇත්තේ ලෝක ටෙනිස් පිටියේ අංක එකේ ක්‍රීඩිකාව වන රුමේනියාවේ සිමෝනා හැලේප්ය. 

- 077

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...