. විජයබාහු මොටෝක්‍රොස් තරගාවලිය 17 වැනිදා | කෙළිමඬල
2019 පෙබරවාරි මස 16 වැනි සෙනසුරාදා
විජයබාහු මොටෝක්‍රොස් තරගාවලිය 17 වැනිදා
2018-06-07 16:33:33 | ශානුක අරවින්ද

ශ්‍රී ලංකා යුද හමුදාවේ විජයබාහු පාබල රෙජිමේන්තුව, ශ්‍රී ලංකා රේසිං යතුරුපැදිකරුවන්ගේ සංගමය සමග එක්ව 16 වැනි වරටත් සංවිධානය කරන ‘විජයබාහු මොටෝක්‍රොස්’ යතුරුපැදි තරගාවලිය මේ මස 17 වැනිදා පෙරවරු 9.00 සිට කුරුණෑගල, බෝයගනේ විජයබාහු රෙජිමේන්තු ධාවන පථයේදී පැවැත්වේ. 

විජයබාහු ධාවන පථය කිලෝ මීටර් 2.1 ක දුරකින් යුක්ත වන අතර එය හැරවුම් (වංගු) 13 කින් සහ පිමි 24 කින් සමන්විත වේ. 

දක්ෂතම යතුරුපැදිකරුවා තෝරාගනු ලබන තරගද සමගින් තරග ඉසව් 14 ක් මෙවර  තරගාවලියට ඇතුළත් වන අතර ඒ සඳහා දෙස් විදෙස් යතුරුපැදිකරුවන් 80 කට අධික සංඛ්‍යාවක් සහභාගි වීමට නියමිතය. 

තරගාවලියේ දක්ෂතම යතුරුපැදිකරුවා බවට පත්වන ක්‍රීඩකයාට විජයබාහු රෙජිමේන්තු අභියෝග කුසාලන පිරිනැමෙන අතර දක්ෂතම සන්නද්ධ සේවා යතුරුපැදිකරුවා බවට පත්වන ක්‍රීඩකයාට යුද හමුදාපති අභියෝග කුසලාන පිරිනැමේ. සෙසු ජයග්‍රාහකයන් සඳහාද කුසලාන, සහතිකපත් සහ මුදල් ත්‍යාග ලබාදීමට සංවිධායකයෝ සූදානමින් සිටිති. 

ඉකුත් වසරේ (2017) පැවැති තරගාවලියේ දක්ෂතම යතුරුපැදිකරුවා ලෙස විජයබාහු රෙජිමේන්තුවේ යතුරුපැදිකරුවකු වන සමීර ප්‍රේමරත්න සම්මාන දිනාගත් අතර එවර තරගාවලියේදී ක්‍රීඩකයක් වාර්තා කළ දිගම පිම්මටද (අඩි 120) ඔහු හිමිකම් කීවේය. 

මෙතෙක් පැවැති තරගාවලි 15 න් හතරකදීම දක්ෂතම යතුරුපැදිකරුවා ලෙස සම්මාන දිනාගැනීමට ගයාන් සඳරුවන් සමත් වී ඇති අතර නලින් පෙරේරා, ආනන්ද වෙඩිසිංහ සහ ජපන් ජාතික ටොමෝයා සුසුකි දෙවතාවක් බැගින් දක්ෂතම යතුරුපැදිකරුවා ලෙස සම්මාන දිනාගෙන තිබේ. 

ජපන් ජාතික අසුච් තනාබේ, ඉන්දීය ජාතික සී. එස්. සන්තෝෂ්, ඉන්දීය ජාතික එච්. කේ. ප්‍රදීප්, ඉෂාන් දසනායක සහ සමීර ප්‍රේමරත්න එක්වර බැගින් විජයබාහු මොටෝක්‍රොස් තරගාවලියේ දක්ෂතම යතුරුපැදිකරුවා බවට පත්ව තිබේ. 

මෙවර තරගාවලියේ ප්‍රධාන අනුග්‍රාහකයා ලෙස ටී.වී.එස්. සමාගම කටයුතු කරන අතර ශ්‍රී ලංකා ඉන්ෂුවරන්ස්, ඒසර් මාකටින් සහ මාස් යන සමාගම් සම අනුග්‍රාහකයන් ලෙසද, එලිෆන්ට් හවුස්, හච්, හොණ්ඩා සහ සියැට් යන සමාගම් විශේෂ අනුග්‍රාහකයන් ලෙසද තරගාවලියට එක්ව සිටියි. 

ඡායාරූපය - 
ටී.වී.එස්. සමාගමේ නියෝජිතයන් විසින් විජයබාහු රෙජිමෙන්තු අධිපති මේජ්ර් ජනරාල් අජිත් කාරියකරවන මහතාට අනුග්‍රාහක චෙක්පත ප්‍රධානය කළ අයුරු... ශ්‍රී ලංකා රේසිං යතුරුපැදි කරුවන්ගේ සංගමයේ සභාපති උපාලි දසනායක මහතාද ඡායාරූපයේ සිටියි. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...