. මවුන්ටන් පාපැදි තරග කුඩාඔයෙන් ඇරඹෙයි | කෙළිමඬල
2018 ජූනි මස 24 වැනි ඉරිදා
මවුන්ටන් පාපැදි තරග කුඩාඔයෙන් ඇරඹෙයි
2018-06-07 20:40:52 | ශානුක අරවින්ද

ශ්‍රී ලංකන් ගුවන් සමාගම සහ ලංකා ස්පෝට්ර්ස්රයිසන් සංචාරක නියෝජිත ආයතනය එක්ව සංවිධානය කරන ‘රම්බල් ඉන් ද ජංගල්’ ජාත්‍යන්තර මවුන්ටන් පාපැදි තරගය මේ මස 9 වැනිදා කුඩාඔයෙන් ආරම්භ වේ. මෙම තරගය 9 වැනිදා සිට 15 වැනිදා දක්වා දිවයිනේ මධ්‍යම කඳුකරයේ දිස්ත්‍රික්ක 4 ක් ආවරණය වන පරිදි පැවැත්වේ.

‘රම්බල් ඉන් ද ජංගල්’ මවුන්ටන් පාපැදි තරගාවලිය එංගලන්තයේ පිල් එවන්ස් මහතා විසින් ආරම්භ කරන ලද අතර එය ශ්‍රී ලංකාවේදී පැවැත්වෙන සිවුවැනි අවස්ථාව මෙයයි. මෙවර තරගාවලිය සඳහා ඕස්ටේ්‍රලියාව, නෙදර්ලන්තය, එංගලන්තය, ප්‍රංශය, ඉතාලිය, ජපානය, නවසීලන්තය සහ ස්විට්සර්ලන්තය වැනි රටවල් නියෝජනය කරමින් ක්‍රීඩක ක්‍රීඩිකාවෝ 39 දෙනෙක් සහභාගි වී සිටිති.

ශ්‍රී ලංකාව නියෝජනය කරමින් ක්‍රීඩකයන් 5 දෙනෙක් සහ එක් ක්‍රීඩිකාවක්ද මෙවර තරගාවලියට එක්ව සිටිති. ශ්‍රී ලංකා පාපැදි සංගමයේ අනුමැතිය මත මවුන්ටන් පාපැදි සංගමය විසින් එම ක්‍රීඩක ක්‍රීඩිකාවන් මෙම තරගාවලිය සඳහා ඉදිරිපත් කරනු ලැබ තිබේ.

මෙවර තරගාවලිය අදියර 5 කින් සමන්විත වන අතර එහි පළමු අදියරේදී කුඩාඔය සිට හපුතලේ දක්වා කිලෝ මීටර 77 ක දුරක්ද, දෙවැනි අදියරේදී හපුතලේ සිට ලිප්ටන් තේ වතුයාය දක්වා කිලෝ මීටර 57 ක දුරක්ද, තෙවැනි අදියරේදී කළුපහන සිට නුවරඑළිය දක්වා කිලෝ මීටර 66 ක දුරක්ද ගමන් කිරීමට තරගකරුවන්ට සිදුවනු ඇත.

නුවරඑළිය නගරයෙන් ආරම්භ වන සිවුවැනි අදියරේදී තරගකරුවන්ට කිලෝ මීටර් 100 ක දුරක් ගෙවා මහියංගනයට පැමිණීමට සිදුවන අතර පස්වැනි අදියරේදී මහියංගනයේ සිට හෙට්ටිපොල දක්වා කිලෝ මීටර් 55 ක දුරක් පැමිණීමෙන් තරගාවලිය නිමාවට පත්වේ. එදින පසුවරුවේ දඹුල්ල නගරයේදී තරගාවලියේ ත්‍යාග ප්‍රදානෝත්සවය පැවැත්වේ.

තරගාවලියේ ජයග්‍රාහක ජයග්‍රාහිකාවන් අතර බෙදා දීමට නියමිත මුලු මුදල ඇමරිකානු ඩොලර් 20,000 ක් වන අතර පළමු ස්ථානය දිනාගන්නා ක්‍රීඩකයාට සහ ක්‍රීඩිකාවට ඇමරිකානු ඩොලර් 5,000 ක බැගින් වූ මුදල් ත්‍යාගයන් පිරිනැමේ. එය ශ්‍රී ලංකා මුදලින් රුපියල් ලක්ෂ අටක් (800,000) පමණ වේ.

තරගාවලියේ මුල් ස්ථාන 5 වෙනුවෙන්ද මුදල් ත්‍යාග සහ කුසලාන පිරිනැමෙන අතර තරගාවලියට සහභාගි වන සෑම ක්‍රීඩක ක්‍රීඩිකාවකටම සහතිකපත් සහ සිහිවටන පිරිනැමීමටද සංවිධායක මණ්ඩලය සූදානමින් සිටියි.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
ශ්‍රී ලංකා කණ්ඩායම දුර්වල අඩියක...
2018-06-22 14:46:32
පන්දුවේ ස්භාවය වෙනස් කිරීමට උත්සාහ ගත්තේ යැයි චෝදනා ලැබ තරග තහනමකට ලක්ව සිටින ශ්‍රී ලංකා කණ්ඩායමේ නායක දිනේෂ් චන්දිමාල් බාර්බඩෝස් හිදී...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...