. එංගලන්තයට 2-0 ක පහසු ජයක් | කෙළිමඬල
2019 ජනවාරි මස 19 වැනි සෙනසුරාදා
එංගලන්තයට 2-0 ක පහසු ජයක්
2018-06-08 13:51:53 | .

තවත් දින 7 කින් ආරම්භ වන ලෝක කුසලාන පාපන්දු තරගාවලියට පෙර පැවැති පෙරහුරු තරගකදී එංගලන්තය විසින් කොස්ටරිකාව ගෝල 2-0 කින් පරාජය කරන ලදී. මෙම තරගය ඊයේ (7 වැනිදා) එංගලන්තයේ ඇලන් රෝඞ් ක්‍රීඩාංගණයේදී පැවැත්විණ. 

තරගය ආරම්භ වී මිනිත්තු 13 ක් යෑමට මත්තෙන් පළමු ගෝලය වාර්තා කිරීමට එංගලන්තයේ මාකස් රශ්ෆෝඞ්ට හැකි විය. නැවතත් ක්‍රියාත්මක වූ එංගලන්තයේ ඩැනී වෙල්බෙක් 76 වන මිනිත්තුවේදී ගෝලයක් ලබා පහසුවෙන්ම තරගය ජය ගත්තේය. 

මෙවර තරගාවලියේ පළමු වටයේදී කොස්ටරිකාව ‘ඊ’ කාණ්ඩයෙන් තරග වදින අතර එංගලන්තය ‘ජී’ කාණ්ඩයෙන් තරග වදී.  

අන්තර්ජාතික පාපන්දු සම්මේලනයේ වර්තමාන ශ්‍රේණිගත කිරීම් අනුව 12 වන ස්ථානයේ පසුවන එංගලන්තය මෙවර තරගාවලියේ මූලික වටයේදී බෙල්ජියම, පැනමාව සහ ටියුසීනියාව සමග තරග වැදීමට නියමිතය. ජුනි 18 වැනිදා ටියුසීනියාව එරෙහි තරගයෙන් තරගාවලියට අවතීර්ණ වන එංගලන්තය ජුනි 24 වැනිදා පැනමාව සමගින් තරග වැදීමට නියමිතය. එංගලන්තයේ පළමු වටයේ අවසන් තරගය ප්‍රබල බෙල්ජියම සමග ජුනි 28 වැනිදා පැවැත්වෙයි. 

කොස්ටරිකාවද මෙවර තරගාවලියේ අවසන් කණ්ඩායම් 32 අතරට එක්ව සිටී.  ප්‍රබල බ්‍රසීලය ඔවුන්ගේ ප්‍රතිවාදීන් වෙද්දී ස්විට්සර්ලන්තය සහ සර්බියාවද එම කාණ්ඩයෙන්ම තරගාවලියට එක්වෙයි. 

ජුනි 17 වැනිදා සර්බියාවට එරෙහි තරගයෙන් ලෝක කුසලාන තරගාවලියට පා තබන කොස්ටරිකාව ජුනි 22 වෙනිදා ප්‍රබල බ්‍රසීලය සමගින් පීටර්ස්බර්ග් ක්‍රීඩාංගණයට පිවීසීමට නියමිතය. ජුනි 27 වැනිදා ස්විට්සර්ලන්තය සමග පළමු වටයේ අවසන් තරගයට කොස්ටරිකාව සහභාගී වෙයි. 

- 024 

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා ‘ඒ’ පිලට 1-0 ක තරගාවලි ජයක්...
2019-01-16 12:42:19
සංචාරක අයර්ලන්ත ‘ඒ’ කණ්ඩායම සහ ශ්‍රී ලංකා ‘ඒ’ කණ්ඩායම අතර සූරියවැව මහින්ද රාජපක්‍ෂ ජාත්‍යන්තර ක්‍ර...
තිසරගෙන් පන්දු 26 කදී ලකුණු 74 ක්...
2019-01-13 21:45:55
බංග්ලාදේශ ප්‍රීමියර් ලීග් (බී.පී.එල්.) විස්සයි20 ක්‍රිකට් තරගාවලියේ කොමිලා වික්ටෝරියන්ස් පිල සහ චිතගොන් වයිකිංස් පිල අතර ඩකාහි මීර්පූර් ක්&...
ශ්‍රී ලංකා යොවුන් පිලට කඩුලු 3 ක ජයක් ...
2019-01-12 12:55:36
අභියෝගත්මක ඉලක්කයක් කරා සාර්ථකව ගිය ශ්‍රී ලංකා 19 න් පහළ කණ්ඩායම කොළඹ එස්.එස්.සී. ක්‍රීඩාංගණයේදී පැවැති යොවුන් ටෙස්ට් තරගයේදී කඩුල...
පැතුම් - කමිඳු බලාපොරොත්තු රඳවාගනිති...
2019-01-15 16:13:56
සංචාරක අයර්ලන්ත ‘ඒ’ කණ්ඩායමට එරෙහිව සූරියවැව මහින්ද රාජපක්ෂ ක්‍රීඩාංගණයේදී පැවැත්වෙන නිල නොවන ටෙස්ට් ක්‍රිකට් තරගය තෙව...