. පෘතුගාලයට 3-0 ක පහසු ජයක් | කෙළිමඬල
2018 අගෝස්තු මස 16 වැනි බ‍්‍රහස්පතින්දා
පෘතුගාලයට 3-0 ක පහසු ජයක්
2018-06-08 13:56:00 | .

පෘතුගාලයේ ගොන්කාලෝ ගයිඩිස්ගේ සහ බෲනෝ ෆර්නෑන්ඩිස්ගේ දක්ෂතා හේතුවෙන් ඇල්ජීරියාවට එරෙහි පැවති පුහුණු තරගයෙන් ගෝල 3-0 ජයක් ලැබීමට පෘතුගාලය සමත් විය. මෙම තරගය පෘතුගාලයේ ලිස්බන් ක්‍රීඩාංගණයේදී බ්‍රහස්පතින්දා පැවැත්විණ. 

තරගයේ 17 වැනි මිනිත්තුවේදී ක්‍රියාත්මක වූ පෘතුගාලයේ ගොන්කාලෝ ගයිඩිස් පෘතුගාලයට පළමු ගෝලය ලබා දුන්නේය. නැවතත් 37 වන මිනිත්තුවේදී බෲනෝ ෆර්නෑන්ඩිස් ලබාගත් ගෝලයත් සමඟ පෘතුගාලය පළමු භාගය අවසානයේ ගෝල 2-0 ක් ලෙස පෙරමුණ ලබා ගත්තේය.  

ඇල්ජීරියාවට කිසිසේත් හිස එසවීමට අවස්ථාව නොදුන් පෘතුගාලයේ ගොන්කාලෝ ගයිඩිස් ඔහුගේ දෙවන ගෝලය මෙන්ම තරගයේ තුන්වන ගෝලයද ලබාගත්තේ තරගය පහසුවෙන් ජය ගැනීමේ ඉසව්වකට තම පිල ගෙන යමිනි. එසේ වුවත් මෙම තරගයේදී පෘතුගාල කණ්ඩායමේ නායක ක්‍රිස්ටියානෝ රොනාල්ඩෝට දක්ෂතා අතරට ඒමට හැකියාව නොලැබුණි. 

මෙවර ලෝක කුසලාන තරගාවලියේදී  පෘතුගාලය ‘බී’ කාණ්ඩයෙන් තරග  වදී. ස්පාඤ්ඤය, මොරොක්කෝව සහ ඉරානය ඔවුන් හමුවේ පළමු වටයේදී  තරග වැදීමට නියමිතය. ජුනි 15 වැනිදා ස්පාඤ්ඤයට එරෙහි තරගයෙන් තරගාවලියට අවතීර්ණ වන පෘතුගාලය ජුනි 20 වැනිදා මොරොක්කෝව සමගින් තරග වැදීමට නියමිතය. ‘බී’ කාණ්ඩයේ අවසන් තරගය ජුනි 25 වැනිදා ඉරානය සහ පෘතුගාලය අතර පැවැත්වෙයි. 

ඇල්ජී්රීයාව මෙවර ලෝක කුසලාන තරගාවලිය සඳහා සුදුසුකම් ලබා ගැනීමට අපොහොසත් වූ අතර 2014 ලෝක කුසලාන තරගාවලියේදී අවසන් කණ්ඩායම් 16 දෙනාගේ වටය දක්වා පැමිණිමට ඔවුන්ට හැකියාව ලැබුණි. එහෙත් සුදුසුකම් ලැබීමේ වටයෙන්ම කුසලානයට තිත තැබීමට ඇල්ජීරීයාවට මෙවර සිදුවිය. 

-024 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...