. ටිමෝ ජර්මනියට ජය ගෙනෙයි | කෙළිමඬල
2018 නොවැම්බර් මස 20 වැනි අගහරුවාදා
ටිමෝ ජර්මනියට ජය ගෙනෙයි
2018-06-09 17:23:13 | .

ජර්මනියේ ටිමෝ වර්නර්ගේ දක්ෂතා හේතුවෙන් සවුදි අරාබියට එරෙහිව පැවැති පුහුණු තරගයෙන් ගෝල 2-1 ක් ලෙස තියුණු ජයක් ලැබීමට ජර්මනිය ඊයේ (8 වැනිදා) සමත් විය. මෙම තරගය ජර්මනියේ ලිවර්කුසේන් ක්‍රීඩාංගණයේදී පැවැත්විණ.

තරගයේ 8 වන මිනිත්තුවේදී ක්‍රියාත්මක වූ ජර්මනියේ ටිමෝ වර්නර් පළමු ගෝලය වාර්තා කරමින් තරගයේ ආරම්භයේදීම තරගය ඔවුන් වෙත හරවා ගැනීමට කටයුතු කළේය. නැවතත් පළමු භාගය අවසන් වීමට මිනිත්තු 2ක් තිබියදී තරගයට අවතීර්ණ වූ ජර්මනියේ ඔමාර් හැව්සාවි ජර්මනියේ ජයග්‍රාහී දෙවන ගෝලයද වාර්තා කළේය. ඔවුන් හා කරට කර තරගයක් ලබාදුන් සවුදි අරාබියද තරගයේ අවසන් මොහොතේදී (84 වන මිනිත්තුවේදී) ගෝලයක් ලබා ගනිමින් පසුගිය වර ලෝක ශූරයන්ට තියුණු තරගයක් ලබා දුන්නේය.

අන්තර්ජාතික පාපන්දු සම්මේලනයේ ශ්‍රේණිගත කිරීම් අනුව අංක 1 පසුවන ජර්මනිය මේ වනවිට ලෝක කුසලාන 4 ක හිමිකරුවන් වී අවසන්ය. ආසියාතික රටක් ලෙස සවුදි අරාබියද මෙවර තරගාවලියේ අවසාන කණ්ඩායම් 32 සඳහා සුදුසුකම් ලබා ගත්තේය.

ජර්මනිය මෙවර ‘එෆ් ’ කාණ්ඩයෙන් මෙක්සිකෝව, ස්වීඩනය හා කොරියාව සමගින් තරග වදිද්දී සවුදි අරාබිය මෙවර සත්කාරකත්වය දරන රුසියාව, ඊජිප්තුව සහ උරුගුවේ සමගින් ‘ ඒ ’ කාණ්ඩයෙන් තරගාවලියට එක්වෙයි.

ජුනි 17 වැනිදා මෙක්සිකෝවට එරෙහි තරගයෙන් තරගාවලියට එක්වන ජර්මනිය ජුනි 23 වැනිදා  ස්වීඩනය සමගින් තරග වැදිමට නියමිතය. ජර්මනියේ පළමු වටයේ අවසන් තරගය ජුනි 27 වැනිදා කොරියාව සමගින් පැවැත්විමට නියමිතය.

මෙවර තරගාවලියට එක්වන සවුදි අරාබියද ජුනි 14 වැනිදා සත්කාරක රුසියාවට එරෙහි තරගයෙන් තරගාවලියට අවතීර්ණ වෙයි. ජුනි 20 වැනිදා උරුගුවේ සමගිනුත් ජුනි 25 වැනිදා  ඊජිප්තුව සමගිනුත් පළමු වටයේදී තරග වදිනු ලැබේ.

 

- 024

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...