. මහාමායා - විශාකා කරට කර සටනක | කෙළිමඬල
2018 නොවැම්බර් මස 20 වැනි අගහරුවාදා
මහාමායා - විශාකා කරට කර සටනක
2018-06-09 22:13:25 | සමීර ගොඩපිටිය

මයිලෝ ආයතනයේ අනුග්‍රහය ඇතිව 45 වන වරටත් පවත්වනු ලබන ශ්‍රී ලංකා පාසල් වයස් කාණ්ඩ පිහිනුම් තරගාවලියේ සිව්වන දිනය අවසානයේ ලකුණු 438 ක් ලබා මහනුවර මහාමායා විද්‍යාලය කාන්තා අංශයේ පෙරමුණ ලබා ගනිද්දී ඔවුන් හා කරට කර තරගයක නිරතව සිටින විශාඛාවන් දෙවැනි ස්ථානයේ පසුවන්නේ ලකුණු 431 ක් ලබා ගනිමිනි.

ඒ අනුව තරගාවලියේ අවසන් දිනය වන හෙට (10 වැනිදා) මෙම විදුහල් දෙකටම ඉතා තීරණාත්මක දිනයක් බවට පත්ව ඇති අතර හෙට දිනයේදී වැඩි දස්කම් දක්වන විදුහල තරගාවලියේ කාන්තා ශූරතාවට හිමිකම් කියනු ඇත.

ලකුණු 498 ක් ලබා සිටින ශාන්ත ජෝශප් විද්‍යාලය පිරිමි අංශයේ පෙරමුණ ලබා ගනිද්දී කොළඹ ආනන්ද විද්‍යාලය ලකුණු 322 ලබා එහි දෙවැනි ස්ථානයේ පසුවෙයි. වත්තල ලයිසියම් ජාත්‍යන්තර පාසල ලකුණු 283 ක් ලබා ඒකාබද්ධ පාසල් කාණ්ඩයේ පෙරමුණට පත්ව සිටියි.

සුගතදාස පිහිනුම් තටාකයේදී පැවැත්වෙන මෙම තරගාවලියේ සිවුවැනි දිනය වූ අද (9 වැනිදා) නව තරග වාර්තා 7 ක් බිහිවිය. ඒ අනුව මුල් දින තුනෙහි බිහිවූ වාර්තා 24 ත් සමගින් මේ වන විට බිහිවී ඇති මුළු තරග වාර්තා සංඛ්‍යාව 31 කි.  

වයස 13 න් පහළ පිරිමි මිටර 100 නිදහස් ආර ඉසව්ව විනාඩි 1:00.09 කින් අවසන් කළ නුගේගොඩ ලයිසියම් ජාත්‍යන්තර පාසලේ ක්‍රිස් පවිත්‍ර එම ඉසව්වේ නව වාර්තාවට හිමිකම් කීවේ තියුණු සටනකින් අනතුරුවය. 2012 වසරේදී විනාඩි 1:00.89 කාලයක් වාර්තා කරමින් බී.ඩී.සී ධර්මප්‍රිය එහි පැරණි වාර්තාව පිහිටුවා තිබිණ.

ඊයේ දිනයේ නව වාර්තා දෙකක් පිහිටවනු ලැබූ ආනන්ද විද්‍යාලයේ එම්.එම් එක්නැලිගොඩ අද සහභාගී වූ මිටර 100 නිදහස් ආර තරග ඉසව්වද විනාඩි 1:15.23 කින් අවසන් කළේ නව තරග වාර්තාවක්ද පිහිටුවමිනි.

සිරිමාවෝ බණ්ඩාරනායක විදුහලේ නභාෂි පෙරේරා මිටර 50 සමනල ආර තරග ඉසව්වෙන් අද දිනයේදී නව තරග වාර්තාවක් (තත්පර 31.03) පිහිටුවීමට සමත් වූවාය. එය මෙවර තරගාවලියේදී ඇය පිහිටවූ තෙවැනි වාර්තාව ලෙස සටහන් විය.


සිව්වන දිනයේ බිහිවූ නව වාර්තා

■    මිටර 50 ළය ආර (වයස 9 න් පහළ පිරිමි) - ක්වයිඞ් ෆරූක් (ශාන්ත පීතර විද්‍යාලය) : තත්පර 42.82
■    මිටර 50 ළය ආර (වයස 11 න් පහළ පිරිමි) - දමිරු වික්‍රමතුංග (වත්තල ලයිසියම් ජාත්‍යන්තර පාසල) : තත්පර 40.00
■    මිටර 50 ළය ආර (වයස 13 න් පහළ පිරිමි) - ක්‍රිස් පවිත්‍ර (නුගේගොඩ ලයිසියම් ජාත්‍යන්තර පාසල) :තත්පර 34.00
■    මිටර 100 පසුපස ආර (වයස 13 න් පහළ පිරිමි) - වනුජ කන්නන්ගර (ශාන්ත ජෝශප් විද්‍යාලය) :විනාඩි 1:08.16
■    මිටර 50 සමනල ආර (වයස 13 න් පහළ කාන්තා) - නභාෂි පෙරේරා (සිරිමාවෝ බණ්ඩාරනායක බාලිකා  විද්‍යාලය) : තත්පර 31.03
■    මිටර 100 නිදහස් ආර (වයස 9 න් පහළ පිරිමි) - එම්.එම් එක්නැලිගොඩ (ආනන්ද විද්‍යාලය) : විනාඩි 1:15.23
■    මිටර 100 නිදහස් ආර (වයස 13 න් පහළ කාන්තා) - හිරුකි ද සිල්වා (දෙහිවල ගේට්වේ විද්‍යාලය) : විනාඩි 1:05.14

ඡායාරූප - ඉෂාන් සංජීව

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...