. කොදෙව්වෝ ලකුණු පරතරය වැඩි කරති | කෙළිමඬල
2019 මාර්තු මස 26 වැනි අගහරුවාදා
කොදෙව්වෝ ලකුණු පරතරය වැඩි කරති
2018-06-09 22:28:14 | .

සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර ක්වීන්ස් පාක් ඕවල් ක්‍රීඩාංගණයේදී පැවැත්වෙන පළමු ටෙස්ට් තරගය සිවුවැනි දිනයේ (9 වැනිදා) දිවා ආහාරය සඳහා නතර කරන විට දෙවැනි ඉනිම වෙනුවෙන් පන්දුවට පහරදෙමින් සිටි බටහිර ඉන්දීය කොදෙව්වෝ කඩුලු 7 ක් දැවී ලකුණු 223 ක් ලබා සිටියහ.

ඒ අනුව කොදෙව් කණ්ඩායම තවත් කඩුලු 3 ක් අතැතිව ශ්‍රී ලංකාවට වඩා ලකුණු 438 ක් ඉදිරියෙන් සිටියි. දිවා ආහාරය සඳහා තරගය නතර කරන විට වට පන්දුවට පහරදෙමින් සිටි දෙවේන්ඩ්‍ර බිෂෝ හතරේ පහර 2 ක් සමග ලකුණු 12 ක්ද, කේමර් රෝච් එක් ලකුණුක්ද ලබා නොදැවී කඩුල්ලේ රැදී සිටියහ.

පළමු ඉනිමේදී ශතකයක් ලබාගත් ෂේන් ඩොව්රිච් දිනයේ පළමු කඩුල්ල ලෙස පිටියෙන් ඉවත් කිරීමට ළහිරු කුමාර සමත් විය. ළහිරුගේ පන්දුවක් හමුවේ කඩුල්ල මුවා කිරීමේ වරදට හසුවෙමින් දැවී යන විට ඩොව්රිච් ලබා සිටියේ ලකුණු 13 ක් පමණි.

තරමක් වේගයෙන් පන්දුවට පහරදුන් කිරන් පවෙල් (88) දැවී ගියේ ඩිල්රුවන් පෙරේරාගේ පන්දුවක් හමුවේ අතිරේක ක්‍රීඩක ජෙෆ්රි වැන්ඩසේ අතට උඩපන්දුවක් දෙමිනි. ශතකයට ලකුණු 12 ක් මෙපිටින් සිටියදී දැවීයන විට ඔහුගේ ඉනිම හයේ පහර 2 කින් සහ හතරේ පහර 7 කින් සමන්විත වී තිබිණ.

හයේ පහරක් සහ හතරේ පහර 4 ක් සමග ලකුණු 39 ක් ලබා සිටි නායක ජේසන් හෝල්ඩර් දැවී ගියේ රංගන හේරත්ගේ පන්දුවක් හමුවේ කඩුල්ල මුවා කිරීමේ වරදට හසුවෙමිනි.

පළමු ඉනිමේදී දක්ෂ පන්දු යැවීමක නිතර වෙමින් කඩුලු 4 ක් දවාගත් ළහිරු කුමාර, දෙවැනි ඉනිමේදීද ඊට නොදෙවෙනි පන්දු යැවීමක නිරත වී සිටින්නේ මෙතෙක් බිඳ වැටුණ කඩුලු 7 න් 3 කටම හිමිකම් කියමිනි.

- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...