. ස්කොට්ලන්තය ලකුණු 6 කින් එංගලන්තය පරදවයි | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
ස්කොට්ලන්තය ලකුණු 6 කින් එංගලන්තය පරදවයි
2018-06-11 21:34:12 | .

සංචාරක එංගලන්ත කණ්ඩායමට එරෙහිව එඩින්බරෝහිදී අද (11 වැනිදා) පැවැති එක්දින ජාත්‍යන්තර ක්‍රිකට් තරගයෙන් ලකුණු 6 ක තියුණු ජයක් අත්කර ගැනීමට සත්කාරක ස්කොට්ලන්ත කණ්ඩායම සමත් විය.

අන්තර් ජාතික ක්‍රිකට් සභාවේ නවතම එක්දින කණ්ඩායම් ශ්‍රේණිගත කිරීම්වලට අනුව එංගලන්තය පළමු ස්ථානයේ පසුවන අතර ස්කොට්ලන්තය පසුවන්නේ 13 වැනි ස්ථානයේය.

ජයග්‍රහණය සඳහා ලකුණු 372 ක ඉලක්කයක් හඹාගිය එංගලන්ත කණ්ඩායමට ඕවර 48.5 ක් අවසානයේ සියලු දෙනා දැවී ලබාගත හැකි වූයේ ලකුණු 365 ක් පමණි. ලයෑම් ප්ලන්කට් පන්දු 45 කදී හයේ පහර 2 ක් සහ හතරේ පහර 3 ක් සමග ලකුණු 47 ක් ලබා එංගලන්ත ඉනිම නිමාවන තෙක්ම නොදැවී කඩුල්ලේ රැදී සිටියද, සිය කණ්ඩායම ජයග්‍රහණය කරා ගෙන යෑමට ඔහුට නොහැකි විය.

ප්‍රවේගකාරී පිතිහරඹයක නිතර වූ ජොනී බෙයාස්ට්‍රෝ පන්දු 59 කදී හයේ පහර 6 ක් සහ හතරේ පහර 12 ක් සමග ලකුණු 105 ක් රැස්කරමින් එංගලන්තය කණ්ඩායමට සාර්ථක ආරම්භයක් ලබා දුන්නේය. එංගලන්ත ඉනිමේ පළමු කඩුල්ල වෙනුවෙන් ජේසන් රෝයි (34) සමග එක්ව පන්දු 76 කදී ලකුණු 129 ක සම්බන්ධතාවක් ගොඩනැගීමටද බෙයාස්ට්‍රෝ සමත් විය.

ඇලෙක්ස් හේල්ස් හයේ පහර 3 ක් සහ හතරේ පහර 3 ක් සමග ලකුණු 52 ක්ද, මුයින් අලී හයේ පහර 3 ක් සහ හතරේ පහර 3 ක් සමග ලකුණු 46 ක්ද බැගින් රැස්කරමින් සිය කණ්ඩායම ජයග්‍රණය කරවීමට මහත් උත්සාහයක් දැරූහ. එහෙත් ස්කොට්ලන්ත පන්දු යවන්නන්ගේ දක්ෂ පන්දු යැවීම හමුවේ ඔවුන්ගේ උත්සාහයන් අසාර්ථක විය.

දක්ෂ පන්දු යැවීමක නිතර වූ මාර්ක් වැට් ලකුණු 55 කට කඩුලු 3 ක් දවාගත් අතර එංගලන්ත කණ්ඩායමේ ජයග්‍රාහී මාවත අවහිර කිරීම සඳහා ඔහුට අනගි සහායක් දුන් ඇලෙස්ඩෙයාර් එවන්ස් සහ රිචී බෙරින්ටන් කඩුලු 2 බැගින් දවාගත්හ.

පළමුවෙන් පන්දුවට පහරදුන් ස්කොට්ලන්ත කණ්ඩායම ඕවර 50 අවසානයේ කඩුලු 5 ක් දැවී ලකුණු 371 ක් රැස්කළ අතර ස්කොට්ලන්ත ඉනිම නිමාවන තෙක්ම නොදැවී කඩුල්ලේ රැදී සිටි කලම් මැක්ලියොඞ් පන්දු 94 කදී ලකුණු 140 ක් රැස්කළේ හයේ පහර 3 ක් සහ හතරේ පහර 16 ක් සමගිනි.

රිචී බෙරින්ටන් (39) සමග එක්ව දෙවැනි කඩුල්ල වෙනුවෙන් පන්දු 89 කදී ලකුණු 93 ක සම්බන්ධතාවක් ගොඩනැගූ මැක්ලියොඞ්, ඉන් නොනැවතී ජෝජ් මුන්සේ (55) සමග එක්ව තෙවැනි කඩුල්ල වෙනුවෙන් පන්දු 81 කදී ලකුණු 107 ක සම්බන්ධතාවක්ද ගොඩනැගුවේය. පන්දු 54 කදී වාර්තා වූ බෙරින්ටන්ගේ ඉනිම හයේ පහරකින් සහ හතරේ පහර 3 කින්ද, පන්දු 51 කදී වාර්තා වූ මුන්සේගේ ඉනිම හයේ පහරකින් සහ හතරේ පහර 7 කින්ද සමන්විත විය.

ආරම්භක පිතිකරු යුගළය ලෙස කටයුතු කළ මැතිව් කෘස් (48) සහ කයිල් කොයෙට්සර් (58) පළමු කඩුල්ල වෙනුවෙන් පන්දු 82 කදී ලකුණු 103 ක සම්බන්ධතාවක් ගොඩනගමින් ස්කොට්ලන්ත කණ්ඩායමට සාර්ථක ආරම්භයක් ලබාදුන්හ. පන්දු 49 කට මුහුණදුන් කොයෙට්සර් හයේ පහර 2 කින් සහ හතරේ පහර 8 කින් සිය ඉනිම අලංකාර කළේය.


ස්කොට්ලන්තය - ඕවර 50 කදී කඩුලු 5 ක් දැවී 371
(මැතිව් කෘස් 48, කයිල් කොයෙට්සර් 58, කලම් මැක්ලියොඞ් නොදැවී 140, රිචී බෙරින්ටන් 39, ජෝජ් මුන්සේ 55, ආදිල් රෂීඞ් 72/2, ලයෑම් ප්ලන්කට් 85/2)

එංගලන්තය - ඕවර 50 කදී සියලු දෙනා දැවී 365
(ජේසන් රෝයි 34, ජොනී බෙයාස්ට්‍රෝ 105, ඇලෙක්ස් හේල්ස් 52, ජෝ රූට් 29, ඔයින් මෝගන් 20, මුයින් අලී 46, ලයෑම් ප්ලන්කට් නොදැවී 47, මාර්ක් වැට් 55/3, ඇලෙස්ඩෙයාර් එවන්ස් 50/2, රිචී බෙරින්ටන් 67/2)

 

- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...