. පළමු සිවුදින තරග දෙකේ නායකත්වය දිමුත්ට | කෙළිමඬල
2018 නොවැම්බර් මස 20 වැනි අගහරුවාදා
පළමු සිවුදින තරග දෙකේ නායකත්වය දිමුත්ට
2018-06-12 16:34:10 | රොෂාන් ගුණරත්න

මේ මස 23 වැනිදා බංග්ලාදේශය බලා පිටත්ව යෑමට නියමිත 15 දෙනෙකුගෙන් සමන්විත ශ්‍රී ලංකා ‘ඒ’ කණ්ඩායමේ නායකත්වයට ටෙස්ට් පිතිකරු දිමුත් කරුණාරත්න පත්කර ඇත. තුන්ඉරියව් ක්‍රීඩක දසුන් ශානක උපනායකයා වශයෙන් පත්කිරීමට තේරීම් කමිටුව පියවර ගෙන තිබේ.

බංග්ලාදේශ තරග සංචාරය සඳහා නිල නොවන ටෙස්ට් තරග 3 ක් සහ නිල නොවන එක්දින තරග 3 ක් පැවැතියද දිමුත් කරුණාරත්න නායකත්වය දරනු ලබන්නේ පළමු සිවුදින තරග 2 සඳහා පමණි. තෙවැනි සිවුදින තරගය පැවැත්වෙන කාල සීමාවේදී දකුණු අප්‍රිකානු කණ්ඩායම ශ්‍රී ලංකාවේ තරග සංචාරයක නිරතවන අතර පළමු ටෙස්ට් තරගයට සහභාගිවීම සඳහා දිමුත් කරුණාරත්නට දිවයින බලා පැමිණීමට සිදුවනු ඇත. 

ජුනි 26 සිට ජුනි 29 දක්වා පළමු සිවුදින තරගයත් ජූලි 3 සිට ජූලි 6 දක්වා දෙවැනි සිවුදින තරගයත් ශේක් කමාල් ජාත්‍යන්තර ක්‍රිකට් ක්‍රීඩාංගණයේදී පැවැත්වේ. ජූලි 10 සිට ජූලි 13 දක්වා පැවැත්වෙන තෙවැනි සිවුදින තරගයත් ජූලී 17, 19 සහ 22 දිනයන්හී පැවැත්වෙන එක්දින තරග 3 ශිලාත් ජාත්‍යන්තර ක්‍රිකට් ක්‍රීඩාංගණයේදී් පැවැත්වීමට කටයුතු යොදා ඇත.

ශ්‍රී ලංකා කණ්ඩායම සමගින් ටෙස්ට් තරග 3 ක් සඳහා කැරිබියන් දූපත්හී සංචාරය කිරීමට නියමිතව සිටියද ඇඟිල්ලක අස්ථියක් බිදියාම හේතුවෙන් එම තරගාවලියෙන් ඉවත්වීමට දිමුත්ට සිදුවිය. ටෙස්ට් තරග 49 කට ක්‍රීඩාකර ඇති දිමුත් ශතක 7 ක් සහ අර්ධ ශතක 14 ක් සමගින් ලකුණු 3186 ක් රැස්කර ඇති අතර ලකුණු රැස්කිරීමේ සාමාන්‍යය 34.63 ක් ලෙස රඳවාගෙන ඇත.

ශ්‍රී ලංකා සංචිතය
දිමුත් කරුණාරත්න (නායක), දසුන් ශානක (උපනායක), ධනුෂ්ක ගුණතිලක, සධීර සමරවික්‍රම, ළහිරු තිරිමාන්න, අෂාන් ප්‍රියංජන්, චරිත් අසලංක, ශම්මු අශාන්, මනෝජ් සරත්චන්ද්‍ර, ප්‍රභාත් ජයසූරිය, ලක්ෂාන් සඳකැන්, නිශාන් පිරීස්, ශෙහාන් මදුශංක, නිසල තාරක, දිලේෂ් ගුණරත්න.

අතිරේක ක්‍රීඩකයෝ
ළහිරු මිලන්ත, විශ්ව ප්‍රනාන්දු, චතුරංග ද සිල්වා, ලසිත් ඇඹුල්දෙණිය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...