. පාකිස්තානය ලකුණු 48 කින් ජයගනී | කෙළිමඬල
2019 පෙබරවාරි මස 21 වැනි බ‍්‍රහස්පතින්දා
පාකිස්තානය ලකුණු 48 කින් ජයගනී
2018-06-13 17:20:45 | .

පාකිස්තානය සහ ස්කොට්ලන්තය අතර එඩින්බරෝහිදී පැවැති පළමු විස්සයි20 තරගයෙන් ලකුණු 48 ක ජයක් වාර්තා කිරීමට පාකිස්තාන කණ්ඩායම ඊයේ (12 වැනිදා) සමත් විය. ජයග්‍රහණය සඳහා ලකුණු 205 ක ඉලක්කයක් හඹාගිය ස්කොට්ලන්ත කණ්ඩායමට ඕවර 20 අවසානයේ කඩුලු 6 ක් දැවී රැස්කරගත හැකි වූයේ ලකුණු 156 ක් පමණි.

ආරම්භක පිතිකරු ජෝජ් මුන්සේ (25) සහ කයිස් කොයෙට්සර් (31) එක්ව පළමු කඩුල්ල වෙනුවෙන් පන්දු 31 කදී ලකුණු 53 ක සම්බන්ධතාවක් ගොඩනැගුවද, මැද පෙළ පිතිකරුවන් අසාර්ථක වීම නිසා ස්කොට්ලන්ත කණ්ඩායමේ හඹායෑම අසාර්ථක විය. පන්දු 22 කදී වාර්තා වූ මුන්සේගේ ඉනිම හයේ පහරක් සහ හතරේ පහර 2 ක් ඇතුළත් වූ අතර පන්දු 18 කදී වාර්තා වූ කොයෙට්සර්ගේ ඉනිම හයේ පහරකින් සහ හතරේ පහර 4 කින් සමන්විත විය.

ස්කොට්ලන්ත කණ්ඩායමේ වැඩිම ලකුණු ලභියා බවට පත්වූ මයිකල් ලීසක්, පන්දු 24 කදී හයේ පහර 2 ක් සහ හතරේ පහර 3 ක් සමග ලකුණු 38 ක් ලබා තරගය නිමාවන තෙක්ම නොදැවී කඩුල්ලේ රැදී සිටියද, සිය කණ්ඩායම ජයග්‍රහණය කරා ගෙන යෑමට ඔහු අපොහොසත් විය.

එහිදී දක්ෂ පන්දු යැවීමක නිරත වූ ශඩාබ් ඛාන් සහ හසන් අලී කඩුලු 2 බැගින් දවාගනිමින් ස්කොට්ලන්ත කණ්ඩායමේ ජයග්‍රාහී මාවත අවහිර කර දැමූහ.

කාසියේ වාසිය දිනා පළමුවෙන් පන්දුවට පහරදුන් පාකිස්තාන කණ්ඩායම ඕවර 20 අවසානයේ කඩුලු 4 ක් දැවී ලකුණු 204 ක් රැස්කළ අතර එහිදී ප්‍රවේගකාරී පිතිහරඹයක නිතර වූ නායක සර්ෆ්‍රාස් අහමඞ් පන්දු 49 කදී නොදැවී ලකුණු 89 ක් රැස්කළේ හයේ පහර 3 ක් සහ හතරේ පහර 10 ක් සමගිනි.

ෂොයිබ් මලික් (53) සමග එක්ව සිවුවැනි කඩුල්ල වෙනුවෙන් පන්දු 49 කදී ලකුණු 96 ක සම්බන්ධතාවක් ගොඩනැගීමටද අහමඞ් සමත් වූ අතර පන්දු 27 කට මුහුණදුන් මලික් හයේ පහර 5 කින් සිය ඉනිම සැරසීය.

ස්කොට්ලන්ත කණ්ඩායමේ සාර්ථකම පන්දු යවන්නා බවට පත් වූ ඇලස්ඩෙයාර් එවන්ස්, ලකුණු 33 ක් තුළ පාකිස්තාන ආරම්භක පිතිකරුවන් දෙදෙනාම ආපසු ක්‍රීඩාගාරය වෙත හරවා යැවීය. එම කඩුලු 2 ත් සමග සිය ඕවර 4 තුළදී ලකුණු 23 කට ඔහු දවාගත් කඩුලු සංඛ්‍යාව 3 කි.


පාකිස්තානය - ඕවර 20 කදී කඩුලු 4 කට 204
(ෆකාර් සමාන් 21, හුසේන් ටලාට් 18, සර්ෆ්‍රාස් අහමඞ් නොදැවී 89, ෂෙයිබ් මලික් 53, ඇලස්ඩෙයාර් එවන්ස් 23/3)

ස්කොට්ලන්තය - ඕවර 20 කදී කඩුලු 6 කට 156
(ජෝජ් මුන්සේ 25, කයිල් කොයෙට්සර් 31, ඩයිලන් බජ් 24, මයිකල් ලීසක් නොදැවී 38, ෂඩාබ් ඛාන් 25/3, හසන් අලී 33/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් විශිෂ්ටත්වය විදහා පෙන්වයි...
2019-02-16 15:33:48
  කුසල් පෙරේරාගේ (නොදැවී 155) අති විශිෂ්ට පිතිහරඹය නිසා දකුණු අප්‍රිකාවට එරෙහිව ඩර්බන් නුවරදී පැවැති පළමු ටෙස්ට් තරගයේදී ...
මම ගැහැව්වේ කෝච් වෙනුවෙන් ...
2019-02-17 15:00:45
ඩර්බන් නුවරදී පැවැති පළමු ටෙස්ට් තරගයේදී දකුණු අප්‍රිකානු කණ්ඩායම පරාජය කරමින් කළ පිතිහරඹය කණ්ඩායමේ පුහුණුකරු (චන්දික හතුරුසිංහ ම...
ශ්‍රී ලංකාව අසීරු හඹායෑමක...
2019-02-15 16:16:09
ඩර්බන් නුවර කිංග්ස්මේඞ් ක්‍රීඩාංගණයේදී පැවැත්වෙන පළමු වැනි ටෙස්ට් තරගයේ තුන්වැනි දිනය වන අද (15 වැනිදා) අයහපත් ආලෝක තත්වය හේතුවෙන් තරග...
ක්‍රීඩකයන්ගේ හැසිරීම ගැන විනය පියවර...
2019-02-18 20:06:24
දකුණු අප්‍රිකානු පිලට එරෙහිව ඩර්බන්හිදී පැවැති පළමු ටෙස්ට් තරගයේ ජයග්‍රහණයෙන් පසුව වීඩියෝ පටයකින් ප්‍රදර්ශනය වූ ශ්‍රී ලංකා...