. ජාතික ශූරතා පාපැදි තරග 23-24 කොළඹදී | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
ජාතික ශූරතා පාපැදි තරග 23-24 කොළඹදී
2018-06-14 10:24:21 | ශානුක අරවින්ද
 
කොළඹ දිස්ත්‍රික් පාපැදි සංගමයේ සහ ශ්‍රී ලංකා පොලිසියේ සහයෝගය ඇතිව ශ්‍රී ලංකා පාපැදි සම්මේනය සංවිධානය කරන ජාතික ශූරතා පාපැදි තරගාවලිය මේ මස 23 සහ 24 යන දිනවල කොල්ලුපිටිය - දෙහිවල මුහුදුබඩ මාර්ගයේදී පැවැත්වේ. 
 
වසර 3 කට පසුව පැවැත්වෙන මෙම තරගාවලියට ඉසව් 8 ක් ඇතුළත්වන අතර වයස 16 න් පහළ බාලක සහ බාලිකා තරග දෙකත්, ප්‍රවීන තරගකරුවන් සඳහා පැවැත්වෙන තරගයත් ඊට එක්කොට ඇති නවාංග ලෙස හැදින්විය හැකිය. 
 
ජූනි මස 23 වැනිදා තරගාවලියේ කාලය මැනීමේ තරග පැවැත්වෙන අතර එම තරග කණිෂ්ඨ පිරිමි, කණිෂ්ඨ කාන්තා, සුපිරි පිරිමි, සුපිරි කාන්තා සහ වයස 23 න් පහළ පිරිමි යන ඉසව් සඳහා පමණක් සීමා කර තිබේ. 
 
සුපිරි පිරිමි තරගය සහ වයස 23 න් පහළ පිරිමි තරගය සඳහා ක්‍රීඩකයන් 60 දෙනෙක් බැගින් සහභාගි වන අතර ඊට ගම්පහ දිස්ත්‍රික්කයෙන් ක්‍රීඩකයන් 14 ක්ද, කළුතර දිස්ත්‍රික්කයෙන් ක්‍රීඩකයන් 11 ක්ද, කොළඹ සහ අනුරාධපුර දිස්ත්‍රික්කවලින් ක්‍රීඩකයන් 8 බැගින්ද, කුරුණෑගල සහ ගාල්ල දිස්ත්‍රික්කවලින් ක්‍රීඩකයන් 5 බැගින්ද, මහනුවර සහ කැගලු දිස්ත්‍රික්කවලින් ක්‍රීඩකයන් 2 බැගින්ද සහභාගි කරවීමට අදාල දිස්ත්‍රික් පාපැදි සංගම්වලට අවස්ථාව හිමිවී ඇත. 
 
දිස්ත්‍රික් පාපැදි සංගම් නොමැති වුවද, පුත්තලම දිස්ත්‍රික්කයෙන් ක්‍රීඩකයන් 6 ක්ද, අම්පාර දිස්ත්‍රික්කයෙන් ක්‍රීඩකයන් 2 ක්ද, මොණරාගල, මාතලේ, පොලොන්නරුව සහ මාතර යන දිස්ත්‍රික්කවලින් එක් ක්‍රීඩකයා බැගින්ද මෙවර තරගාවලියේ සුපිරි පිරිමි තරගය සහ වයස 23 න් පහළ පිරිමි තරගය සඳහා සහභාගි කරවීමට ශ්‍රී ලංකා පාපැදි සම්මේනය සූදානමින් සිටියි. 
 
මේ වන විට විවෘත පාපැදි ශ්‍රේණිගත කිරීම්හි පෙරමුණ ගැනීමට නාවික හමුදාවේ දර්ශන ප්‍රසාද් සමත්ව සිටින අතර ගුවන් හමුදාවේ සංජු දීමන්ත සහ ලෙමර් ප්‍රෝ කණ්ඩායමේ චාමික සඳුන් කුමාර පිළිවෙලින් එහි දෙවැනි සහ තෙවැනි ස්ථානවල රැදී සිටිති. යුද හමුදාවේ සම්පත් වීරසිංහ එහි සිවුවැනි ස්ථානයටත්, වරාය අධිකාරියේ විරාන් රමේෂ් පස්වැනි ස්ථානයටත් පත්ව සිටිති. 
 
විවෘත පාපැදි ශ්‍රේණිගත කිරීම්හි දෙවැනි ස්ථානයේ පසුවන සංජු දීමන්ත, වයස 23 න් පහළ ශ්‍රේණිගත කිරීම්හි ඉදිරියේ පසුවෙයි. එහි දෙවැනි සහ තෙවැනි ස්ථාන පිළිවෙලින් යුද හමුදාවේ සම්පත් වීරසිංහට සහ දෙහිවල ගල්කිස්ස මහ නගර සභාවේ මධුෂාන් ද සිල්වාට හිමිව තිබේ. 
 
සුපිරි පිරිමි තරගය සහ වයස 23 න් පහළ පිරිමි තරගය හැරුණු කොට සෙසු සියලුම ඉසව් සඳහා දිවයිනේ ඕනෑම ක්‍රීඩකයකුට හෝ ක්‍රීඩිකාවකට සහභාගි විය හැකිය. ඒ සඳහා ඔවුන් ශ්‍රී ලංකා පාපැදි සම්මේලනයේ බලපත්‍රයක් ලබාගෙන තරගාවලියට අයැදුම් කළ යුතුය. 
 
‘ලේකම්, ශ්‍රී ලංකා පාපැදි සම්මේලනය, පැරණි ක්‍රීඩා සංවර්ධන දෙපාර්තමේන්තු ගොඩනැගිල්ල, නිදහස් චතුරස්‍රය, කොළඹ 7 යන ලිපිනයට අයැදුම්පත් ඉදිරිපත් කිරීමෙන් තරගාවලියට සහභාගිවීමේ අවස්ථාව උදාකරගත හැකිය. අයැදුම්පත් බාරගැනීම මේ මස 20 වැනිදායින් අවසන් වේ. 
 
තරගාවලියේ කාල සටහන 
වයස 16 න් පහළ බාලක - පෙරවරු 8.00 (කිලෝ මීටර් 20) 
වයස 16 න් පහළ බාලිකා - පෙරවරු 8.05 (කිලෝ මීටර් 10) 
කනිෂ්ඨ පිරිමි - පෙරවරු 8.45 (කිලෝ මීටර් 40) 
සුපිරි කාන්තා - පෙරවරු 10.00 (කිලෝ මීටර් 40) 
කනිෂ්ඨ කාන්තා - පෙරවරු 11.15 (කිලෝ මීටර් 10) 
ප්‍රවීන (වයස 40,50,60) - පෙරවරු 11.35 (කිලෝ මීටර් 20) 
වයස 23 න් පහළ පිරිමි - මධ්‍යහන 12.10 (කිලෝ මීටර් 80) 
සුපිරි පිරිමි - පස්වරු 2.15 (කිලෝ මීටර් 80) 
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...