. ශ්‍රී ලංකා මුල් පෙළ පිතිකරුවෝ ආසාර්ථක වෙති | කෙළිමඬල
2018 නොවැම්බර් මස 20 වැනි අගහරුවාදා
ශ්‍රී ලංකා මුල් පෙළ පිතිකරුවෝ ආසාර්ථක වෙති
2018-06-14 23:01:36 | .

සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර ශාන්ත ලුසියාහි ඩැරන් සැමී ක්‍රිකට් ක්‍රීඩාංගණයේදී අද (14 වැනිදා) ආරම්භ වූ දෙවැනි ටෙස්ට් තරගය දිවා ආහාරය සඳහා නතර කරන විට පළමු ඉනිම වෙනුවෙන් පන්දුවට පහරදෙමින් සිටි ශ්‍රී ලංකා කණ්ඩායම කඩුලු 3 ක් දැවී ලකුණු 79 ක් ලබා සිටියේය.

දිවා ආහාරය සඳහා තරගය නතර කරන විට වට පන්දුවට පහරදෙමින් සිටි කුසල් මෙන්ඩිස් හතරේ පහර 5 ක් සමග ලකුණු 26 ක්ද, නායක දිනේෂ් චන්දිමාල් ලකුණු 8 ක්ද ලබා නොදැවී කඩුල්ලේ රැදී සිටියහ.

කුසල් පෙරේරා සමගින් ඉනිම ඇරඹූ මහේල උඩවත්ත ලකුණු නොළබාම පිටියෙන් ඉවත්ව ගියේ ශ්‍රී ලංකා ඉනිමේ පළමු කඩුල්ල බවට පත්වෙමිනි. සිය මංගල ටෙස්ට් තරගයට සහභාගී වූ උඩවත්තට එහිදී මුහුණ දීමට හැකි වූයේ පන්දු 2 කට පමණි. පිතිතේ පිටත දාරයේ වැදී පැමිණි පන්දුව උඩපන්දුවක් ලෙස රැකගැනීමට දෙවැනි ස්ලිප් ක්‍රීඩකයා ලෙස පන්දු රකිමින් සිටි නායක ජේසන් හෝල්ඩර් සමත් වීමත් සමග උඩවත්තගේ මංගල ටෙස්ට් ඉනිම ලකුණු ලබාගැනීමටත් පෙරාතුවම නිමාවට පත්විය.

උඩවත්තගේ දැවීයෑමෙන් අනතුරුව පිටියට පිවිසි ධනංජය ද සිල්වාටද වැඩි වේලාවක් පිටියේ රැදී සිටීමට ෂැනෝන් ගේබි්‍රයෙල් ඉඩක් ලබා නොදුන්නේය. ඉතා වේගයෙන් පැමිණි පන්දුවක් යටි අතේ වැලමිටේ වැදී කඩුල්ල මත පතිතවීමත් සමග ධනංජයට ආපසු ක්‍රීඩාගාරය බලා යෑමට සිදුවූයේ අබාධයකටද ලක් වෙමිනි.

දිවා ආහාරයට පෙර බිඳ වැටුණ අවසන් කඩුල්ල බවට පත්වූ කුසල් පෙරේරා ඉතා දක්ෂ ලෙස පන්දුවට පහර දෙමින් සිටියේය. දුර්වල පන්දු පමණක් තොරා බේරාගෙන පහරදුන් ඔහු හතරේ පහර 5 ක් සමග ලකුණු 32 ක් රැස්කළේය. එහෙත් තණතීරුව මැද පතිත වී එකවරම ඉහළ ඇදී ආ කේමර් රෝච්ගේ පන්දුවකට ආරක්ෂාකාරී පහරක් ගැසීමට කුසල් ගත් උත්සාහය ආසාර්ථක වී ගියේ පිත්තේ පිටත දාරයේ වැදුණ පන්දුව දෙවැනි ස්ලිප් ක්‍රීඩකයා ලෙස පන්දු රකිමින් සිටි ජේසන් හෝල්ඩර් වෙත පහසු උඩ පන්දුවක් ලෙස ඇදීයෑම හේතුවෙනි.

ශ්‍රී ලංකා කණ්ඩායම වෙනස්කම් 4 ක් සමගින් මෙම තරගයට සහභාගි වී සිටින අතර පෞද්ගලික හේතු මත නැවත දිවයිනට පැමිණි ඇන්ජලෝ මැතිව්ස් සහ ළහිරු ගමගේ වෙනුවට මහේල උඩවත්ත සහ කසුන් රාජිතද, පළමු තරගයට ක්‍රීඩා කළ රංගන හේරත් සහ ඩිල්රුවන් පෙරේරා වෙනුවට අකිල ධනංජය සහ ධනංජය ද සිල්වාද මෙම තරගයේදී කණ්ඩායමට ඇතුළත් වී සිටිති.

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...
ශ්‍රී ලංකාව ලකුණු 46 කින් ඉදිරියට පනී...
2018-11-15 18:05:44
සියලු අභියෝග හමුවේ ධෛර්යවත් ලකුණු රැස්කිරීමක යෙදුණු රොෂේන් සිල්වාගේ විශිෂ්ට පිතිහරඹය නිසා පල්ලෙකැළේ ක්‍රීඩාංගණයේදී පැවැත්වෙන දෙවැනි ටෙ...
එංගලන්තය අමාරුවේ දාන්න පුළුවන් - දිමුත්...
2018-11-15 19:48:03
එංගලන්ත කණ්ඩායමේ දෙවැනි ඉනිම ලකුණු 250 කට අඩුවෙන් සීමාකරගත හැකිවුවහොත් දෙවැනි ටෙස්ට් තරගය ජයගැනීමේ හොඳ අවස්ථාවක් ඇතැයි ශ්‍රී ලංකා ආරම්...