. රාජකීය - සා. තෝමස් ඉවත් වෙති | කෙළිමඬල
2019 මැයි මස 20 වැනි සඳුදා
රාජකීය - සා. තෝමස් ඉවත් වෙති
2018-06-15 15:17:03 | මොහාන් ප්‍රනාන්දු

මයිලෝ අනුග්‍රහයෙන් පැවැත්වෙන ජනාධිපති කුසලාන පිළමළුන් පිටුදැකීමේ පාසල් රග්බි තරගාවලියෙන් රාජකීය සහ ගල්කිස්ස සාන්ත තෝමස් කණ්ඩායම් දෙකම ඉවත්ව සිටිති. මෙම කණ්ඩායම් ඉවත්ව යාම හේතුවෙන් ජනාධිපති කුසලාන තරගාවලියට එක්වීමට වෙස්ලි විදුහලට සහ කුරුණෑගල මලියදේව විදුහලට අවස්ථාව උදා වී තිබේ.

මෙවර පාසල් රග්බි තරගවාරයේ ප්‍රබලතම කණ්ඩායම් දෙක ඉවත්වීම හේතුවෙන් හෙට ඇරැඹෙන ජනාධිපති කුසලාන තරගාවලිය විවෘත මුහුණුවරක් ගෙන තිබේ.

සුපුරුදු පරිදි මේ තරගාවලියට මෙවර ලීග් තරගාවලියේ කුසලානය දිනූ කණ්ඩායමත්, ඉන් පහළින් පසුවන කණ්ඩායම් 5 කුත් සමග පළඟ ශූරයන් සහ අනුශූරයන් සහභාගි වීමට නියමිතව තිබිණ. ලීග් ශූර රාජකීය විදුහල් පිලත්, පළඟ ශූරතාව දිනූ ගල්කිස්ස ශාන්ත තෝමස් විදුහල් පිලත් ඔවුන්ගේ ක්‍රීඩකයන් වැඩිදෙනකු අ.පො.ස. උසස් පෙළ විභාගයට සූදානම් වන බැවින් මයිලෝ ජනාධිපති කුසලාන පිළමළුන් පිටුදැකීමේ පාසල් රග්බි තරගාවලියෙන් ඉවත්ව සිටිති.

පසුගිය වසරේ තරගාවලියේදී ඉතිහාසය අලුතින් සටහන් කළ මරදාන ශාන්ත ජෝශප් විදුහල් පිල අවසන් මහා තරගයේ දී ඉසිපතනය ලකුණු 19-13 කින් පරදවා සිය මංගල කුසලානය අත්කර ගැනීමට සමත්විය. එවරත් ලීග් ශූරතාව ජයගත් රාජකීය විදුහල් පිල පිළිමළුන් පිටුදැකීමේ තරගාවලියට එක්වූයේ නැත.

හෙට ආරම්භ වන මයිලෝ ජනාධිපති කුසලාන පිළිමළුන් පිටුදැකීමේ තරගාවලියේ එක් අර්ධ අවසන් පූර්ව තරගයක් සහ අවසන් මහා තරගය හැර සෙසු තරග සියල්ල පැවැත්වීමට නියමිතව ඇත්තේ සුගතදාස ක්‍රීඩාංගණයේදීය. ඉහත කී ඉතිරි තරග 2 කොළඹ තුරඟ තරග පිටියේ පැවැත්වෙයි.


තරග කාල සටහන මෙසේය
ජූනි 16 - ශාන්ත ජෝශප් සහ මලියදේව විදුහල් අතර සුගතදාස ක්‍රීඩාංගණය
ජූනි 17 - කිංග්ස්වුඞ් සහ ත්‍රිත්ව විදුහල් අතර සුගතදාස ක්‍රීඩාංගණය
ජූනි 18 - ඉසිපතන සහ වෙස්ලි විදුහල් අතර සුගතදාස ක්‍රීඩාංගණය
ජූනි 18 - ශාන්ත පීතර සහ ශාන්ත අන්තෝනි විදුහල් අතර තුරඟ තරග පිටිය
ජූනි 23- පළමු අවසන් පුර්ව තරගය - සුගතදාස ක්‍රීඩාංගණය
ජූනි 24 - දෙවැනි අවසන් පූර්ව තරගය - සුගතදාස ක්‍රීඩාංගණය
ජූනි 30 - අවසන් මහා තරගය - තුරඟ තරග පිටිය

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...