. ශ්‍රී ලංකාවට පස්වැනි තැන | කෙළිමඬල
2019 පෙබරවාරි මස 16 වැනි සෙනසුරාදා
ශ්‍රී ලංකාවට පස්වැනි තැන
2018-06-16 14:43:42 | .

ජපානයේදී පැවැති 18 වැනි ආසියානු කනිෂ්ඨ මලල ක්‍රීඩා ශූරතාවලියේදී රන් පදක්කම් 3 ක්, රිදී පදක්කම් 4 ක් සහ ලෝකඩ පදක්කම් 2 ක් දිනාගත් ශ්‍රී ලංකා ක්‍රීඩක ක්‍රීඩිකාවෝ ආසියානු කනිෂ්ඨ මලල ක්‍රීඩා ශූරතාවලියකදී ශ්‍රී ලංකා කණ්ඩායමක් දිනූ වැඩිම පදක්කම් සංඛ්‍යාව ලෙසද එය වාර්තා පොතට එක්කළහ. මේ මස 07 වැනිදා සිට ජපානයේ ගිෆූ නුවරදී පැවැති මෙම තරගාවලියේදී ශ්‍රී ලංකා කනිෂ්ඨ මලල ක්‍රීඩා කණ්ඩායම ආසියාවේ පස්වැනි ස්ථානය හිමිකරගැනීමටද සමත් වූහ.

තරගාවලියේ පළමු ස්ථානයට ජපානයට හිමිවූ අතර චීනය, ඉන්දියාව සහ චීන තායිපේ යන රටවල් පිළිවෙලින් දෙවැනි ස්ථානයේ සිට සිවුවැනි ස්ථානය දක්වා හිමිකරගත්හ.
 
මින් පෙර ශ්‍රී ලංකා කණ්ඩායමක් ආසියානු කනිෂ්ඨ මලල ක්‍රීඩා ශූරතාවලියකදී දිනා තිබූ වැඩිම පදක්කම් සංඛ්‍යාව ලෙස සටහන් වූයේ 2012 වසරේ ශ්‍රී ලංකාවේදී පැවැති තරගාවලියේදී දිනූ පදක්කම් 6 යි. ඊට රන් පදක්කම් 2 ක්, රිදී පදක්කම් 2 ක් සහ ලෝකඩ පදක්කම් 2 ක් ඇතුළත් විය.

මෙවර තරගාවලියේදී වැඩි දෙනාගේ කතාබහට ලක්වූ ශ්‍රී ලංකා ක්‍රීඩකයා වූයේ මීටර් 400 (පිරිමි) ඉසව්වට සහභාගි වූ වීර කැප්පැටිපොල මහ විදුහලේ අරුණ දර්ශනයි. ප්‍රබල ක්‍රීඩකයන් රැසක් පරාජය කරමින් එම ඉසව්වේ රන් පදක්කම දිනාගැනීමට ඔහු සමත් වූයේ ආසියානු කනිෂ්ඨ මලල ක්‍රීඩා පිටියේ නව වාර්තාවක්ද පිහිටුවමිනි. මීටර් 400×4 (පිරිමි) සහාය දිවීමේ ඉසව්වේ රන් පදක්කම දිනාගත් කණ්ඩායමේ සාමාජිකයෙක් ලෙසද අරුණ කටයුතු කළේය. ඒ අනුව මෙවර තරගාවලියට සහභාගි වූ ක්‍රීඩක ක්‍රීඩිකාවන් අතරින් රන් පදක්කම් දෙකකට හිමිකම් කී එකම ක්‍රීඩකයා බවට පත් වීමටද ඔහු සමත් විය.

පසිඳු කොඩිකාර (කුරුණෑගල මලියදේව පිරිමි විදුහල), රවිශ්ක ඉන්ද්‍රජිත් (කොළඹ ශාන්ත බෙනඩික් විදුහල) සහ පබසර නිපුන් (කොළඹ නාලන්දා විදුහල) මීටර් 400×4 සහාය දිවීමේ (පිරිමි) කණ්ඩායමේ සෙසු සාමාජිකයෝ වූහ.

ශ්‍රී ලංකාවට හිමි වූ තෙවැනි රන් පදක්කම දිනාගැනීමට කුලියාපිටිය මධ්‍ය මහා විදුහලේ පාරමී වසන්ති සමත් වූයේ මීටර් 3000 (කාන්තා) බාධක දිවීමේ තරගය ජයගනිමිනි. අරුණ දර්ශන මීටර් 400 (පිරිමි) ඉසව්වේ රන් පදක්කම දිනා නව වාර්තාවක්ද පිහිටුවද්දී, එම ඉසව්වේ රිදී පදක්මට හිමිකම් කීමට පසිඳු කොඩිකාර සමත් විය.

මහනුවර ස්වර්ණමාලී බාලිකා විදුහලේ අමාශා ද සිල්වා මීටර 100 සහ මීටර් 200 (කාන්තා) ඉසව්වල රිදී පදක්කම් දිනාගනිද්දී, වලල ඒ. රත්නායක මධ්‍ය මහ විදුහලේ දිල්ෂි කුමාරසිංහ මීටර් 400 (කාන්තා) ඉසව්වේ රිදී පදක්කම සහ මීටර් 800 (කාන්තා) ඉසව්වේ ලෝකඩ පදක්කම දිනාගත්තාය.

ඉන් නොනැවතුන දිල්ෂි, මීටර් 400×4 (කාන්තා) සහාය දිවීමේ ඉසව්වේ ලෝකඩ පදක්කම දිනාගත් ශ්‍රී ලංකා කණ්ඩායමද නියෝජනය කළාය. වත්තල ලයිසියම් ජාත්‍යන්තර පාසලේ සචිනි දිව්‍යාංජලී, නුගේගොඩ ලයිසියම් ජාත්‍යන්තර පාසලේ ඉෂාරා අත්තිඩිය සහ මහනුවර ස්වර්ණමාලී බාලිකා විදුහලේ අමාශා ද සිල්වා එම  කණ්ඩායමේ සෙසු සාමාජිකාවෝ වූහ.

රන් පදක්කම්
■    මීටර් 400 (පිරිමි) - අරුණ දර්ශන (වීර කැප්පැටිපොල මහ විදුහල)
■    මීටර් 400×4 (පිරිමි) සහාය දිවීම - අරුණ දර්ශන (වීර කැප්පැටිපොල මහ විදුහල), පසිඳු කොඩිකාර (කුරුණෑගල මලියදේව පිරිමි විදුහල), රවිශ්ක ඉන්ද්‍රජිත් (කොළඹ ශාන්ත බෙනඩික් විදුහල) සහ පබසර නිපුන් (කොළඹ නාලන්දා විදුහල)
■    මීටර් 3000 (කාන්තා) බාධක දිවීම - පාරමී වසන්ති (කුලියාපිටිය මධ්‍ය මහා විදුහල)


රිදී පදක්කම්
■    මීටර් 400 (පිරිමි) - පසිඳු කොඩිකාර (කුරුණෑගල මලියදේව පිරිමි විදුහල)
■    මීටර 100 (කාන්තා) - අමාශා ද සිල්වා (මහනුවර ස්වර්ණමාලී බාලිකා විදුහල)
■    මීටර 200 (කාන්තා) - අමාශා ද සිල්වා (මහනුවර ස්වර්ණමාලී බාලිකා විදුහල)
■    මීටර් 400 (කාන්තා) - දිල්ෂි කුමාරසිංහ (වලල ඒ. රත්නායක මධ්‍ය මහ විදුහල)


ලෝකඩ පදක්කම්
■    මීටර් 800 (කාන්තා) - දිල්ෂි කුමාරසිංහ (වලල ඒ. රත්නායක මධ්‍ය මහ විදුහල)
■    මීටර් 400×4 (කාන්තා) සහාය දිවීම - දිල්ෂි කුමාරසිංහ (වලල ඒ. රත්නායක මධ්‍ය මහ විදුහල), සචිනි දිව්‍යාංජලී (වත්තල ලයිසියම් ජාත්‍යන්තර පාසල), ඉෂාරා අත්තිඩිය (නුගේගොඩ ලයිසියම් ජාත්‍යන්තර පාසල) සහ අමාශා ද සිල්වා (මහනුවර ස්වර්ණමාලී බාලිකා විදුහල)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...