. ශා. ජෝශප් විදුහල අවසන් පූර්ව වටයට | කෙළිමඬල
2019 අපේ‍්‍රල් මස 23 වැනි අගහරුවාදා
ශා. ජෝශප් විදුහල අවසන් පූර්ව වටයට
2018-06-17 14:46:28 | සමීර ගොඩපිටිය

ජනාධිපති කුසලාන පාසල් රග්බි තරගාවලියේ අර්ධ අවසන් පුර්ව වටයේ පැවති තරගයකදී කුරුණෑගල මලියදේව විද්‍යාලයට එරෙහිව ලකුණු 45-17 ක ජයක් ලැබීමට කොළඹ ශාන්ත ජෝශප් විද්‍යාලය ඊයේ (16 වැනිදා) සමත් විය. මෙම තරගය සුගතදාස ක්‍රීඩාංගණයේදී පැවැත්විණ.


පසුගිය වසරේ ශූරයන් බවට පත්වූ ශාන්ත ජෝශප් කණ්ඩායම උත්සාහක දිනුම් 7කුත්, ප්‍රවර්තන 5කුත් සමගින් මෙම තරගය පහසුවෙන්ම ජය ගනිද්දී, කුරුණෑගල මලියදේව විද්‍යාලයට ලබාගත හැකි වූයේ උත්සාහක දිනුම් 3ක් සමගින් එක් ප්‍රවර්තනයක් පමණි.

ජෝශප් විදුහල වෙනුවෙන් ලකුණු ලබාගැනීම ආරම්භ කළ උදීෂ පෙරේරා පළමු උත්සාහක දිනුම ලබාගත් අතර සන්තුෂ් අල්ගම විසින් එහි ප්‍රවර්තනය සාර්ථක කර ගත්තේය.

නැවතත් 13 වැනි මිනිත්තුවේ ක්‍රියාත්මක වූ මලියදේව විද්‍යාලයේ සංජු හේරත් පළමු උත්සාහක දිනුම ලබා ජෝශප්වරුන්ට කරටකර තරගයක් දුන්නේය. ඉෂාර හේරත් ප්‍රවර්තනය සාර්ථක කර ගනිද්දී, ලකුණු පුවරුවේ ලකුණු සටහන් වූයේ ලකුණු 7-7 ලෙසිනි.

නැවතත් 20 වැනි මිනිත්තුවේදී ජෝන් ගනේගොඩ ලබාගත් උත්සාහක දිනුම ගෝලයක් බවට ප්‍රවර්තනය කළ සන්තුෂ් අල්ගම ලකුණු 14-7 ක් ලෙස කණ්ඩායම පෙරමුණේ තැබීමට සමත් විය. තරගයේ වැඩි වාසිය ලබාගත් ජෝශප් කණ්ඩායම ලකුණු 28-7 ක් ලෙස පළමු භාගය අවසන් කළේය.

නැවතත් දෙවන භාගයේ පන්දුව ලබාගත් ජෝශප් විද්‍යාලයේ ජෝන් ගනේගොඩ සිය දෙවන උත්සාහක දිනුමද ලබා ලකුණු අතර පරතරය ක්‍රමයෙන් වැඩි කරමින් මලියදේවයන්ට තරගයට අවතීර්ණ වීමට තිබූ අවස්ථාව අවහිර කරන ලදි. ගනේගොඩගේ උත්සාහක දිනුම සහ සන්තුෂ් අල්ගමගේ ප්‍රවර්තනය හමුවේ ලකුණු 33-7 ක් ලෙස ජෝශප්වරු පෙරමුණ ගත්හ.

තරගයේ අවසන් මිනිත්තු කිහිපයේදී නැවතත් ක්‍රියාත්මක වූ මලියදේව විද්‍යාලයේ ඩිල්ෂාන් අතපත්තු උත්සාහක දිනුමක් ලබා ගනිමික් එහි ප්‍රවර්තන අවස්ථාව ඉෂාර හේරත්ට ලබාදෙන ලදී. එය සාර්ථක කරගත් ඉෂාර, අවසන් මොහොතේ ලකුණු 17 දක්වා කණ්ඩායමේ ලකුණු ප්‍රමාණය ඉහළ දැමුවේය. නමුත් ලකුණු 45-17 ක් ලෙස තරගය අවසන් කළ ශාන්ත ජෝශප් විද්‍යාලය මයිලෝ ජනාධිපති කුසලාන රග්බි තරගාවලියේ අවසන් පූර්ව වටයට සුදුසුකම් ලබා ගත්තේය.


ශාන්ත ජෝශප් විද්‍යාලය 45 යි.
උත්සාහක දිනුම් 7 : ජෝන් ගනේගොඩ (2), තරිඳු මධුරංග (2), උදීෂ පෙරේරා (1), ගැමුණු චේතිය (1), නෙපහාන් පෙරේරා (1)
ප්‍රවර්තන : සන්තුෂ් අල්ගම (5)

මලියදේව විද්‍යාලය 17 යි.
උත්සාහක දිනුම් 3 : සංජු හේරත් (2), ඩිල්ෂාන් අතපත්තු (1)
ප්‍රවර්තන : ඉෂාර හේරත් (1)

ඡායාරූප - ඉෂාන් සංජීව

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...