. පීතරයෝත් අවසන් පූර්ව වටයට එති | කෙළිමඬල
2019 අපේ‍්‍රල් මස 23 වැනි අගහරුවාදා
පීතරයෝත් අවසන් පූර්ව වටයට එති
2018-06-18 20:15:15 | සමීර ගොඩපිටිය

මයිලෝ ජනාධිපති කුසලාන පිළිමළුන් පිටුදැකිමේ තරගාවලියේ කොළඹ ශාන්ත පීතර හා මහනුවර ශාන්ත අන්තෝනි විදුහල් අතර අද (18 වැනිදා) පැවැති තරගයෙන් ලකුණු 39-12ක් ලෙස ජයගත් ශාන්ත පීතර විද්‍යාලය අවසන් පූර්ව වටයට සුදුසුකම් ලබා ගත්තේය. මෙම තරගය රාජකීය විද්‍යාල ක්‍රීඩා සංකීර්ණයේදී පැවැත්විණ.

ශාන්ත පීතර විද්‍යාලයේ ලියනපතිරණගේ පා පහරින් ආරම්භ කරන ලද මෙම තරගය ආරම්භ වී මිනිත්තු 5ක් යාමට මත්තෙන් ශාන්ත අන්තෝනි විද්‍යාලයට ලබාදුන් දඬුවම් පහර සාර්ථක කර ගැනීමට ඔවුන්ට හැකියාවක් නොලැබුණි. අනතුරුව මිනිත්තුවක් යාමටත් මත්තෙන් තරගයේ 6වැනි මිනිත්තුවේදී ක්‍රියාත්මක වූ ශාන්ත පීතර විද්‍යාලයේ ආර්. මධුෂංක ලබාගත් උත්සාහක දිනුම ගෝලයක් බවට ප්‍රවර්තනය කිරීමට ලියනපතිරණට හැකිවිය.  ඒ සමගින් ලකුණු 7-0ක් ලෙස පෙරමුණ ලබාගත් ශාන්ත පීතරයන්ට එය තරගයට හොඳ ආරම්භයක් විය.

නැවතත් 20වැනි මිනිත්තුවේ ක්‍රියාත්මක වූ ශාන්ත පීතර විද්‍යාලයේ ලියනපතිරණ උත්සාහක දිනුමක් වාර්තා කරමින් තරගයේ වැඩි වාසිය ඔවුන් වෙත හරවා දුන්නේය. ප්‍රවර්තන අවස්ථාව මග හැරීයාම නිසා ලකුණු ප්‍රමාණය වැඩිකර ගැනීමට තිබූ අවස්ථාව ලියනපතිරණට මගහැරිණි.

පළමු භාගය අවසානයේ  අන්තෝනි විදුහලේ ආරක්ෂක වළල්ලේ හිඩැසෙන් ප්‍රයෝජන ලබාගත් එස්. එන්. ප්‍රනාන්දු වේගවත් ධාවනයකින් පසු උත්සාහක දිනුමක් ලබා ලකුණු 19-0ක් ලෙස පෙරමුණෙහි තැබීය.

දෙවන භාගය ඇරඹී මිනිත්තු 8ක් යාමට මත්තෙන් පළමු උත්සාහක දිනුම වාර්තා කිරීමට අන්තෝනි විද්‍යාලයේ ටී.එස්. වසීම්ට හැකියාව ලැබිණි. නැවතත් 55 වැනි මිනිත්තුවේ ශාන්ත පීතර විද්‍යාලයට ලබාදුන් දඬුවම් පහර ලකුණු 3ක් බවට පෙරලූ පීතර විද්‍යාලයේ ලියනපතිරණ,  අන්තෝනි විද්‍යාලය තවත් අසරණ කළේය. එවිට ලකුණු පුවරුවේ ලකුණු 22-5 ක් ලෙස සටහන් වීමෙන් පීතරයන් පෙරමුණ ලැබීය.

අන්තෝනි විද්‍යාලයට 60 වැනි මිනිත්තුවේදී උත්සාහක දිනුමක් ලබා ගත්තද, පන්දුව ඉදිරියට පිරි නැමුවා යැයි විනිසුරුවන් චෝදනා නැගීම නිසා එම ලකුණු 5 නොදී සිටීමට තරග විනිසුරුවරු තීරණය කළහ.
නැවතත් 63 වැනි මිනිත්තුවේ උත්සාහක දිනුමක් ලබාගත් පීතර විද්‍යාලයේ එස්.එන්. ප්‍රනාන්දු තරගයේ සිය දෙවන උත්සාහක දිනුමද වාර්තා කළේය.

නිවංග රණවීරගේ උත්සාහක දිනුමත් සමග ශාන්ත ඇන්තනි විද්‍යාලය තරමක හිස ඔසවා ගත්තද, එවිටත් තරගයේ වැඩි වාසිය පීතරයන් වෙත හැරී තිබුණි. ලකුණු 34-12 ක් ලෙස පෙරමුණේ පසුවූ පීතර විද්‍යාලය තරගයේ ජයග්‍රහණය පෙනිපෙනීත් තවත් උත්සාහක දිනුමක් වාර්තා කළේය. කෙනෙත් විමලදාස තරගයේ අවසන් උත්සාහක දිනුම ලබාගත් අතර තරගය පුරාවටම ප්‍රවර්තනයන් සාර්ථක කරගත් ලියනපතිරණට එවර ප්‍රවර්තනය දියත් කිරිමට නොහැකි විය.

ඇන්තනි විද්‍යාලයට එරෙහිව පීතර විද්‍යාලය ජයග්‍රහණය කිරීමත් සමග මෙවර මයිලෝ ජනාධිපති කුසලානයේ අවසන් කණ්ඩායම් 4 සඳහා ඇතුළත් විමට පීතර විද්‍යාලයට හැකියාව ලැබිණ. කුරුණෑගල මලියදේව විද්‍යාලය පරාජයට පත්කළ ශාන්ත ජෝශප් විද්‍යාලයත්, මහනුවර ත්‍රිත්ව විද්‍යාලය පරාජයට පත්කළ මහනුවර කිංග්ස්වුඞ් විද්‍යාලය සහ ඉසිපතන විද්‍යාලය පරාජයට පත්කළ වෙස්ලි විද්‍යාලය මෙවර ජනාධිපති කුසලානයේ අවසන් පූර්ව වටයට සුදුසුකම් ලැබීය.

ශා. පීතර - ශා. අන්තෝනි රග්බි තරගයේ විශේෂ අවස්ථා...

ඡායාරූප - ළහිරු හර්ෂණ

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...