. ජපන් හපන්කම් කොළොම්බියාව සසල කරයි | කෙළිමඬල
2019 අපේ‍්‍රල් මස 23 වැනි අගහරුවාදා
ජපන් හපන්කම් කොළොම්බියාව සසල කරයි
2018-06-19 21:49:04 | ...

ලෝක කුසලාන පාපන්දු තරගාවලියේ කොළොම්බියාව සහ ජපානය අතර පැවති තරගයෙන් ගෝල 2-1 ක ජයක් ලැබීමට ජපානය අද (19 වැනිදා) සමත් විය. ‘එච්’ කාණ්ඩයේ තරගයක් වූ මෙය රුසියාවේ මොර්ඩෝවියා ඇරෙනා සැරන්ස්ක් ක්‍රීඩාංගණයේදී පැවැත්විණ. 

ලෝක කුසලාන පාපන්දු තරගාවලියක් තුළ ජපානය සහ කොළොම්බියාව එකිනෙකා මෙවර හමුවූයේ දෙවැනි වරට වීම විශේෂත්වයකි. 2014 වසරේ පැවති ලෝක කුසලාන තරගාවලියේද ජපානය සහ කොළොම්බියාව එකම කාණ්ඩයෙන් තරගාවලියට එක්වූ අතර එවර ජපානයට පළමු වටයෙන්ම තරගාවලියෙන් ඉවත් වීමට සිදුවිය.
 
බ්‍රසීලයේ පැවති 2014 ලෝක කුසලානයේදී, කොළොම්බියාව සහ ජපානය අතර තරගය ගෝල 4-1 ක් ලෙස ජයගත් කොළොම්බියාව එවර අවසන් කණ්ඩායම් 16 දෙනා අතරටද එක්විය. එකී පරාජයේ තිගැස්මෙන් මෙවර තරගාවලිය ඇරඹූ ජපානය අද තරගයෙන් ගෝල 2-1 ක් ලෙස කොළොම්බියාව පරාජයට පත් කිරීම සුවිශේෂ සිදු වීමකි. 

තරගය ආරම්භ වී විනාඩි 3කට පසු කොළොම්බියාවේ කාලෝස් සැන්චස් ගෝල සීමාව ආසන්නයේදීම පන්දුව අතින් ඇල්ලීමේ වරදට රතු කාඞ්පත නිකුත් කරමින් ජපානයට දඬුවම් පහරක් ලබා දීමට තරග විනිසුරු තීරණය කළේය. ලබාදුන් දඬුවම් පහරෙන් උපරිම ප්‍රයෝජන ලබාගත් ජපාන් ක්‍රීඩක ශින්ජි කගාවා තරගයේ 6 වැනි මිනිත්තුවේදීම තරගය ඔවුන් වෙත හරවා ගනිමින් පළමු ගෝලය වාර්තා කළේය. 

නැවතත් පළමු භාගය අවසන් වීමට විනාඩි 6ක් තිබියදී 39 වැනි මිනිත්තුවේදී කොළොම්බියානු ක්‍රීඩක  ක්වින්ටෙරෝ  ලබාගත් නිදහස් පහර කෙළින්ම දැල වෙත යොමු කරමින් තරගයේ පළමු භාගය ගෝල 1-1 ලෙස අවසන් කරමින් කොළොම්බියාව නැවතත් තරගයට අවතීර්ණ විය. 
 
දෙවන භාගය ආරම්භ වී විනාඩි කිහිපයක් යාමට මත්තෙන් ජපානයේ යුයා ඔසාකෝ දියත් කළ පා පහර කොළොම්බියාවේ දැල රකින ක්‍රීඩක ඬේවිඞ් ඔස්පිනා පන්දුව ගෝල සීමාවෙන් එපිටතට විසිකිරීම නිසා කොළොම්බියාවට එවර යම් සහනයක් ලැබිණ. නමුත් දිගින් දිගටම කොළොම්බියා ආරක්ෂක වළල්ලේ හිඬසෙන් ප්‍රයෝජන ලබා ගැනීමට උත්සාහ දැරූ යුයා ඔසාකෝ 73 වැනි විනාඩියේදී සිය හිසෙන් දැල තුළට පන්දුව යොමු කරමින් ජපානයේ තීරණාත්මක ජයග්‍රාහී දෙවන ගෝලය වාර්තා කළේය. 

ගියවර ලෝක කුසලාන තරගාවලියේදී කොළොම්බියාව හමුවේ ජපානය දුක්විදි පරාජයේ වේදනාව මෙවර එලෙසින්ම කොළොම්බියාවට ඉගැන්වූ ජපානය ‘එච්’ කාණ්ඩයේ පෙරමුණ ලබා ගැනීමට ඒ අනුව සමත් විය. තරගයේ දෙවැනි ගෝලය වාර්තා කළ ජපානයේ යුයා ඔසාකෝ තරගයේ වීරයා ලෙස නම් කෙරිණ. 

මෙම 24 වැනිදා සෙනගල් කණ්ඩායමට එරෙහිව දෙවැනි තරගයට සහභාගී වන ජපානය 28 වැනිදා පෝලන්තය එරෙහිව පළමු වටයේ අවසන් තරගයට සහභාගී වීහට නියමිතය. 

024

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...