. කොළඹ සුපර්ක්‍රොස් තරගාවලිය ඉරිදා වැලිසරදී | කෙළිමඬල
2019 මාර්තු මස 24 වැනි ඉරිදා
කොළඹ සුපර්ක්‍රොස් තරගාවලිය ඉරිදා වැලිසරදී
2018-06-21 12:41:03 | ශානුක අරවින්ද

ශ්‍රී ලංකා මෝටර් රථ රියැදුරන්ගේ හා යතුරුපැදිකරුවන්ගේ සංගමයේ සහ ආසියානු මෝටර් රථ ක්‍රීඩා සමාජයේ සහයෝගය ඇතිව ශ්‍රී ලංකා නාවික හමුදාව දෙවැනි වරටත් සංවිධානය කරන ‘කොළඹ සුපර්ක්‍රොස්’ මෝටර් රථ සහ යතුරුපැදි තරගාවලිය මේ මස 24 වැනිදා පෙරවරු 9.00 සිට වැලිසර නාවික හමුදා ධාවන පථයේදී පැවැත්වේ. 

‘හච් සුපර් සීරීස්’තරගමාලාවේ දෙවැනි තරගාවලිය ලෙස පැවැත්වෙන මෙම තරගාවලිය ඉසව් 24 කින් සමන්විත වන අතර ඊට මෝටර් රථ ඉසව් 14 ක් සහ යතුරුපැදි ඉසව් 11 ක් ඇතුළත් වේ. එහිදී මෝටර් රථ රියැදුරන් 122 ක් සහ යතුරුපැදිකරුවන් 135 ක් තරග වැදීමට නියමිතය. 

ඉකුත් වසරේ පැවැති සමාරම්භක ‘කොළඹ සුපර්ක්‍රොස්’ තරගාවලියේදී දක්ෂතම මෝටර් රථ රියැදුරා ලෙස අශාන් සිල්වාද, දක්ෂතම යතුරුපැදිකරුවා ලෙස ශානුක සඳරුවන්ද සම්මාන දිනාගත්හ. 

තරගමාලාවේ පළමු අදියර ලෙස පැවැති ෆොක්ස්හීල් සුපර්ක්‍රොස් තරගාවලියේදී මෝටර් රථ ශූරයා බවට පත්වූ අශාන් සිල්වා සහ යතුරුපැදි ශූරයා බවට පත්වූ ඉෂාන් දසනායක ‘කොළඹ සුපර්ක්‍රොස්’ තරගාවලිය ආරම්භවන විට ප්‍රසාද ලකුණු සටහනේ පෙරමුණ ගෙන සිටිති. 

කටුකුරුන්ද මාණ්ඩලික තරගාවලිය, කැවල්රි සුපර්ක්‍රොස් තරගාවලිය, කමාන්ඩෝ අභියෝග තරගාවලිය සහ පන්නල දිවා-රාත්‍රී තරගාවලිය මෙම තරගමාලාව යටතේ ඉදිරියේදී පැවැත්විමට නියමිත තරගාවලි වේ. තරගමාලාව අවසානයේ වැඩිම ලකුණු ලබාගන්නා මෝටර් රථ රියැදුරාට සහ යතුරුපැදිකරුවාට නවීන මෝටර් රථ දෙකක් පිරිනැමේ. 

 

 

ඡායාරූප - ශානුක අරවින්ද  

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...