. බෙකම් ජයග්‍රහණයේ සිහින දකී | කෙළිමඬල
2018 සැප්තැම්බර් මස 25 වැනි අගහරුවාදා
බෙකම් ජයග්‍රහණයේ සිහින දකී
2018-06-23 15:25:45 | .

ජර්මනියේ සත්කාරකත්වයෙන් 2006 වසරේ පැවති ලෝක කුසලාන පාපන්දු තරගාවලියේ අර්ධ අවසන් පූර්ව වටයට එංගලන්ත කණ්ඩායම ගෙන ඒමට නායකත්වය දුන් ඬේවිඞ් බෙකම්, මෙවර තරගාවලියේදීත් ලෝක කුසලානය ගැන සිහින මවමින් සිටී. මෙවර ලෝක කුසලාන තරගාවලියේදී එංගලන්තයට එරෙහිව ආජන්ටිනාව අවසන් තරගයේදී එකිනෙකා හමුවෙන බව බෙකම් ප්‍රකාශ කර තිබේ.

“අවසන් තරගයේදී එංගලන්තයට එරෙහිව ආජන්ටිනාව ක්‍රීඩා කරනු ඇතැයි මම විශ්වාස කරනවා. මගේ තේරීමට අනුව මම හිතන්නනේ එංගලන්තය මෙවර ජයග්‍රහණය කරාවි”

චීනයේදී පැවති ප්‍රවර්ධන වැඩ සටහනකට එක් වෙමින් ඔහු මේ පිළිබඳව ප්‍රකාශ කර සිටියද ඒ වන විට ආර්ජන්ටිනාව සහ ක්‍රෙඒෂියාව අතර තරගය පවත්වා තිබුණේ නැත. බ්‍රහස්පතින්දා රාත්‍රියේ ක්‍රෙඒෂියාවට එරෙහි තරගයේදී ආර්ජන්ටිනාව 3-0 ක පරාජයක් අත්වින්ඳේය.

“අපි පළමු තරගයම ජයග්‍රහණය කිරීම ගැන සතුටු වෙනවා. මෙවර එංගලන්ත කණ්ඩායම ඉතා තරුණ කණ්ඩායමක්. තවමත් ඔවුන්ට ලොකු පලපුරුද්දක් නැහැ. මෙවර තරගාවලියේ දක්ෂ කණ්ඩායම් ගණනාවක් සිටින නිසා ඉදිරියට පැමිණීම දැඩි අසීරු වේවි” යයිද බෙකම් මහතා වැඩිදුරටත් ප්‍රකාශ කළේය.

මෙවර ලෝක කුසලාන තරගාවලියේ එංගලන්තය  සහභාගී වූ පළමු තරගයම ටියුනීසියාවට එරෙහිව ගෝල 2-1 කින් ජය ගැනීම නිසා අවසාන කණ්ඩායම් 16 දෙනාගේ වටයට සුදුසුකම් ලැබීමේ වැඩි වාසියක් පවතින බවද බෙකම් මහතා ප්‍රකාශ කරයි.

ඬේවිඞ් බෙකම්ගේ නායකත්වයෙන් යුතුව 2006 වසරේ පැවති ලෝක කුසලාන තරගාවලියේදී අර්ධ අවසන් පූර්ව වටයට සුදුසුකම් ලබා ගත්තද, 2010 සහ 2014 ලෝක කුසලාන තරගාවලදී එංගලන්තයට එතරම් දක්ෂතා අතරට පැමිණීමට අවස්ථාවක් හිමි නොවීය. ලෝක කුසලාන තරගාවලි 15 කට සහභාගී වී ඇති එංගලන්තය අවසන් වරට පාපන්දු ලෝක කුසලාන දිනාගත්තේ 1966 වසරේදීය.

මෙවර තරගාවලිය ආරම්භයේදීම ප්‍රබලයන් රැසක්ම පසුබෑමට ලක්ව ඇති බවද ඔහු පවසා සිටියේය. ගියවර ශූරයන් මෙක්සිකෝව හමුවේ පරාජයට පත් වීමත් මෙසී ප්‍රමුඛ ආජන්ටිනාව අයිස්ලන්තයට එරෙහිව පැවති  තරගය ගෝල 1-1 ලෙස සමවීම නිසාත්  තරගාවලිය ආරම්භයේදීම ප්‍රබල කණ්ඩායම් වලට අභියෝගයක් එල්ල කර ඇත.


- 024

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...