. ශා. ජෝශප් විද්‍යාලය අවසන් මහ තරගයට | කෙළිමඬල
2019 අපේ‍්‍රල් මස 23 වැනි අගහරුවාදා
ශා. ජෝශප් විද්‍යාලය අවසන් මහ තරගයට
2018-06-23 21:29:28 | සමීර ගොඩපිටිය

ජනාධිපති කුසලාන පිළිමළුන් පිටු දැකීමේ රග්බි තරගාවලියේ කොළඹ ශාන්ත ජෝශප් හා මහනුවර කිංග්ස්වුඞ් විදුහල් අතර අද(23 වැනිදා) පැවැති පළමු අවසන් පූර්ව වටයේ තරගයෙන් ලකුණු 23-10 ක ජයක් ලැබූ කොළඹ ශාන්ත ජෝශප් විද්‍යාලය අවසන් මහ තරගය සඳහා සුදුසුකම් ලබා ගත්තේය. මෙම තරගය සුගතදාස ක්‍රීඩාංගණයේදී පැවැත්විණ.

පසුගිය වසරේ ශූරයන් බවට පත්වූ ශාන්ත ජෝශප් කණ්ඩායම උත්සාහක දිනුම් 2කුත්, ප්‍රවර්තන 2ක් සහ දඬුවම් පහර 3ක් සමගින් මෙම තරගය පහසුවෙන්ම ජය ගනිද්දී, මහනුවර කිංග්ස්වුඞ්  විද්‍යාලයට ලබාගත හැකි වූයේ උත්සාහක දිනුම් 2ක් පමණි.

තරගය ආරම්භ වී විනාඩි 8ක් යාමට මත්තෙන් ජෝශප් විද්‍යාලයට ලබාදුන් දඬුවම් පහර සාර්ථක කර ගැනීමට සන්තුෂ් අල්ගමට හැකියාව ලැබිණ. තරගය ආරම්භයේදී කිංග්ස්වුඞ් විද්‍යාලය සාර්ථක ආරම්භයක් ලබා ගත්තද, දිගින් දිගටම සිදුවූ අතපසුවීම් කිංග්ස්වුඞ් විද්‍යාලයේ පරාජයට පාර කැපීය. පළමු භාගය අවසානයේ කිංග්ස්වුඞ් විද්‍යාලයේ හිරූෂ සම්පත් සහ තුමුල වැලිගම්පල කිංග්ස්වුඞ් විද්‍යාලය පෙරමුණේ තැබුවත්, දෙවන භාගයේ සම්පූර්ණයෙන්ම තරගය අතට ගත් ජෝශප් විද්‍යාලය කිංග්ස්වුඞ් විද්‍යාලයට දෙවන භාගයේ කිසිදු ලකුණක් ලබා  නොදීමට වගබලාගත්තේය.

20 වැනි මිනිත්තුවේදී, තුමුල වැලිගම්පල ලබාගත් උත්සාහක දිනුම ගෝලයක් බවට පත් කිරීමට තිබූ අවස්ථාව හිරූෂ සම්පත්ට මගහැරී ගියේය. ලකුණු පුවරුවේ ලකුණු 5-3 ක් ලෙස සටහන්ව තිබියදී, නැවතත් වේගවත් ධාවනයකින් යුතුව ලබාගත් උත්සාහක දිනුම හේතුවෙන් තරගය ආරම්භයේදී කිංග්ස්වුඩ් විද්‍යාලය ජෝශප්වරුන්ට විශාල අභියෝගයක් එල්ලවිය.

පළමු භාගය අවසානයේ ලකුණු 10-9 ක් ලෙස පෙරමුණ ලබාගැනීමට කිංග්ස්වුඞ් විද්‍යාලයට හැකි වුවත්, තරගය පුරාවටම ප්‍රතිවාදීන්ට දඬුවම් පහර ත්‍රිත්වයක්ම ලබාදීම නිසා නිකරුණේ ලකුණු 9ක් පූජා කිරීමට සිදුවීමෙන් සම්පූර්ණයෙන්ම තරගය ජෝශප්වරුන් වෙත නතුවිය.  

දෙවන භාගය ආරම්භ වී විනාඩි කිහිපයක් යාමට මත්තෙන් ජෝශප් විද්‍යාලයේ තීරක සන්තුෂ් ලබාගත් උත්සාහක දිනුම ගෝලයක් බවට පෙරලීමට අංක 5 දරන ක්‍රීඩක සන්තුස් අල්ගමට හැකියාව ලැබිණ. ඒ අනුව ලකුණු 16-10 ක් ලෙස පෙරමුණ ලබාගත් ජෝශප් විද්‍යාලය දෙවන භාගයේ කිංග්ස්වුඞ් විද්‍යාලයේ ක්‍රීඩකයන් මෙල්ල කරමින් තරගයට අවතීර්ණ  විය.

නැවතත් කවිඳු කේෂාන් ලබාගත් උත්සාහක දිනුම ගෝලයක් බවට පෙරලූ සන්තුසු අල්ගම ලකුණු 23-10 ක් ලෙස තරගය අවසන් කරමින් මෙවර ජනාධිපති කුසලාන අවසන් මහා තරගයට සුදුසුකම් ලබා ගනිද්දී කිංග්ස්වුඞ් විද්‍යාලයට කුසලානයේ සිහිනය අතහැර දැමීමට සිදුවිය. තරගය පුරාවටම සිදු වූ අතපසු වීම් පරාජයට පාර කැපීම නිසා සිව්වතාවක් ශූරයන් බවට පත්වූ කිංග්ස්වුඞ් විද්‍යාලයට මෙවර තරගාවලියෙන් ඉවත් වෙද්දී තවත් කණ්ඩායම් ද්විත්වයක් හෙට තරග බිමට පිවිසීමට නියමිතය.
 
දෙවන අවසන් පූර්ව තරගය ශාන්ත පිතර විද්‍යාලය හා වෙස්ලි විද්‍යාලය අතර හෙට (24) සුගතදාස ක්‍රීඩාංගණයේදී ප.ව 4.15 ට පැවැත්වීමට නියමිතය. එයින් ජය ගන්නා කණ්ඩායම සමග ජෝශප් විද්‍යාලය මේ මස 30 වැනිදා කොළඹ තුරඟ තරග පිටියේදී අවසන් තරගයට සහභාගී වනු ඇත.

 

ඡායාරූප - ගයාන් අමරසේකර

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...