. ශා. පීතරයෝ අවසන් මහ තරගයට එති | කෙළිමඬල
2019 අපේ‍්‍රල් මස 23 වැනි අගහරුවාදා
ශා. පීතරයෝ අවසන් මහ තරගයට එති
2018-06-24 20:54:12 | සමීර ගොඩපිටිය

වෙස්ලි විද්‍යාලය ලකුණු 23-13 කින් පරාජයට පත්කළ ශාන්ත පීතර විද්‍යාලය ‘මයිලෝ ජනාධිපති කුසලාන’ පිළිමළුන් පිටුදැකීමේ තරගාවලියේ අවසන් මහ තරගයට සුදුසකම් ලබා ගැනීමට අද (24) සමත් විය.

මහනුවර කිංග්ස්වුඞ් විද්‍යාලය පරාජයට පත් කරමින් ශාන්ත ජෝශප් විද්‍යාලය ඊයේ (23) අවසන් මහ තරගයට සුදුසුකම් ලබාගත් අතර මේ මස 30 වැනිදා කණ්ඩායම් 2ම කොළඹ තුරග තරග පිටියේදී අවසන් මහ තරගයට මුහුණ දීමට නියමිතය.

සුගතදාස ක්‍රීඩාංගණයේදී තරගය ආරම්භ වී මිනිත්තු 2ක් යාමට මත්තෙන් පීතර විද්‍යාලයට දඬුවම් පහරක් ලබාදුන් අතර එයින් උපරිම ප්‍රයෝජන ලබාගත් පීතර විද්‍යාලයේ කේ.පී. විමලදාස ලකුණු එක් කරමින් සාර්ථක ආරම්භයක් ලබා ගත්තේය. කණ්ඩායම් දෙකම තරගය ආරම්භයේ සිටම කරටකර සටනක නිරත වුවත්, එයින් වැඩි ප්‍රයෝජන ලබා ගැනීමට ශාන්ත පීතර විද්‍යාලයට හැකිවිය. තරගයේ 8වැනි මිනිත්තුවේදී වෙස්ලි විද්‍යාලයට බලාපොරොත්තුවක් ගෙනදුන් අංක 15 දරන ක්‍රීඩක එම්.එම්. සුබයිර් ලබාගත් උත්සාහක දිනුම ගෝලයක් බවට පෙරලමින් ලකුණු 7-3 ක් ලෙස වෙස්ලි විද්‍යාලය පෙරමුනේ තැබීය.

19 වැනි මිනිත්තුවේදී නැවතත් තරගයට අවතීර්ණ වූ පීතර විද්‍යාලයේ ඊ.එස්.එන් සිල්වා ලබාගත් උත්සාහක දිනුම ගෝලයක් බවට පෙරලීමට කේ.පී. විමලදාසට හැකියාව ලැබිණ. එකී ලකුණු සංඛ්‍යාවත් සමගින් පළමු භාගය අවසානයේ ලකුණු 10-7 ක් ලෙස පෙරමුණ ගැනීමට පීතර විද්‍යාලය සමත් විය.

තරගයේ දෙවන භාගය ආරම්භ වී විනාඩි කිහිපයක් යාමට මත්තෙන් වර්ෂාවෙන් බාධා පැමිණියත් වර්ෂාව මැද්දේ ජයග්‍රහණය සොයාගිය ශාන්ත පීතර විද්‍යාලයේ එෆ්.එෆ් අබ්දුල්ලා ලබාගත් උත්සාහක දිනුම ගෝලයක් බවට පෙරලීමට කේ.පී. විමලදාස සමත් විය. ලකුණු පුවරුවේ ලකුණු 17-7 ක් ලෙස පෙරමුණ ලබාසිටියදී, වෙස්ලි විද්‍යාලයට ලබාදුන් දඬුවම් පහරත් සමගින් වෙස්ලි විද්‍යාලයේ ලකුණු පුවරුව 10 දක්වා ඉහළ ගියේය.  

තරගයේ අවසන් විනාඩි කිහිපය තුළදී, නැවතත් දඬුවම් පහර ද්විත්වයක් පීතර විද්‍යාලයට හිමිවීමත් සමඟ එය සාර්ථකව ගෝල කණු මැදින් පතිත කළ පීතර විද්‍යාලයේ කේ.පී. විමලදාස ලකුණු 23 දක්වා කණ්ඩායම ඔසවා තබමින් ජනාධිපති කුසලාන අවසන් මහ තරගයට සුදුසකම් ලබා ගැනීමට අඩිතාලම කැපීය.

ශාන්ත පීතර විද්‍යාලය මේ වන විට ජනාධිපති කුසලාන 4කදී, ශූරයන් බවට පත්වී ඇති අතර ඔවුන් සමග අවසන් තරගයේදී, මුණගැසෙන ශාන්ත ජෝශප් විද්‍යාලය ශූරතාවය දිනාගැනීමට හැකි වී ඇත්තේ එක් වතාවක් පමණි.

ඡායාරූප - ශාන්ත රත්නායක

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...