. මලල ක්‍රීඩිකා පාරමීට ජනපතිගෙන් අතහිත | කෙළිමඬල
2018 ජූලි මස 22 වැනි ඉරිදා
මලල ක්‍රීඩිකා පාරමීට ජනපතිගෙන් අතහිත
2018-06-26 20:26:25 | ...

ජපානයේ ගිෆු නුවරදී පැවැති ආසියානු කනිෂ්ඨ මලල ක්‍රීඩා තරගාවලියේදී ශ්‍රී ලංකාවට රන් පදක්කමක් දිනා දුන් මලල ක්‍රීඩිකා පාරමි වසන්ති මාරිස්ටෙලාගේ ඉදිරි ක්‍රීඩා කටයුතු පවත්වාගෙන යෑම සඳහා ජනාධිපති මෛත්‍රීපාල සිරිසේන මහතා ඇයට රුපියල් ලක්ෂ 15 ක් ප්‍රධානය කළේය. ජනාධිපති කාර්යාලයේදී ඊයේ (26) පැවැති මෙම මුදල් ප්‍රධානය කිරීමේ අවස්ථාවට ක්‍රීඩා අමාත්‍ය ෆයිසර් මුස්තාෆා මහතා සහ එම ක්‍රීඩිකාවගේ දෙමව්පියෝ එක්ව සිටියහ.

පසුගිය කාලයේදී ජාත්‍යන්තර තරගවලදී පදක්කම් රැසක් දිනාගත් මෙම ක්‍රීඩිකාව කුලියාපිටිය මධ්‍ය විද්‍යාලයේ 11 වැනි ශ්‍රේණියේ ඉගෙනුම ලබන්නීය. ඇය ආර්ථීක අපහසුතා රැසක් මැද සිය ක්‍රීඩා කටයුතු කරගෙන යන අතර ධීවර කර්මාන්තයේ නිරතවන ඇයගේ පියාගේ ජීවනෝපාය මාර්ග වැඩිදියුණු කර ගැනීම වෙනුවෙන් මෙන්ම පවුලේ සුබසාධන කටයුතු වෙනුවෙන්ද ඉදිරියේදී තවදුරටත් සහාය දැක්වීමට තමා කටයුතු කරන බවත් එහිදී ජනාධිපතිවරයා ඇයට ප්‍රතිඥා දී තිබේ. 

ආසියානු කණිෂ්ඨ මලල ක්‍රීඩා තරගාවලියේ මීටර් 3000 බාධක දිවීමේ තරගයෙන් රන් පදක්කමක් දිනා ගැනීමට අමතරව වසන්ති, 2016 වසරේ රුසියාවේදී පැවැති ආසියානු ළමා ක්‍රීඩා තරගාවලියේ මීටර් 2000 බාධක දිවීමේ තරගයෙන් රිදී පදක්කමක් දිනා ගැනීම සහ 2017 වසරේ ඩුබායිහිදී පැවති වයස 18 න් පහළ රගර් තරගාවලියට සහභාගි වීම ඇතුළු ජාත්‍යන්තර ජයග්‍රහණ රැසකට හිමිකම් කියන්නීය. ඇය ජාතික මට්ටමේ මලල ක්‍රීඩා තරගවලදීද නව වාර්තා පිහිටුවමින් විශ්ෂට දක්ෂතා දක්වා තිබේ. 

-036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...
ගාල්ල ක්‍රිකට් ක්‍රීඩාංගණයට අසුබ දසාවක්...
2018-07-17 22:01:33
ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට සැලසුම් කර තිබු ශ්‍රී ලංකා  - එංගලන්ත ටෙස්ට් ක්‍රිකට් තරගය&nb...
ලෝක කුසලාන ප්‍රංශයට...
2018-07-15 22:16:21
ප්‍රංශය සහ ක්‍රොඒෂියාව අතර පැවැති පාපන්දු ලෝක කුසලාන අවසන් මහ තරගයෙන් ගෝල 4-2 කින් විශිෂ්ට ලෙස ජයගත් ප්‍රංශය දෙවැනි වරටත් ලෝක ...