. අපේක්‍ෂා ආරක්‍ෂාකළ බ්‍රසීලය දෙවැනි වටයට | කෙළිමඬල
2019 අපේ‍්‍රල් මස 23 වැනි අගහරුවාදා
අපේක්‍ෂා ආරක්‍ෂාකළ බ්‍රසීලය දෙවැනි වටයට
2018-06-28 11:29:01 | ...

ලෝක කුසලාන තරගාවලියේ දෙවැනි වටයට යාමේ අරමුණ ඇතිව සර්බියාව සමග ඉතා පරිස්සමින් කළ තරගය ගෝල 2-0 කින් ජයගත් බ්‍රසීලය පිට පිට 13 වැනි වතාවටත් ලෝක කුසලාන පාපන්දු තරගාවලියේ අවසන් 16 දෙනා අතරට එක්විය. ඊයේ පැවැති තවත් තරගයකදී වත්මන් ලෝක ශූරයන් වන ජර්මනිය දකුණු කොරියාව හමුවේ ලැබූ අදහාගත නොහැකි පරාජයෙන් පසු ගෙදර ගිය බැවින් මෙවර ලෝක කුසලානය හඹා යන කණ්ඩායම් අතර බහුතර තේරීම බවට බ්‍රසීලය බවට පත්ව සිටී. 

අවසන් වරට පැවැති පාපන්දු ලෝක කුසලාන තරගමාලා 13 දීම පිළිමළුන් පිටුදැකීමේ දෙවැනි වටයට පිවිසීමට බ්‍රසීලය සමත්වූයේ වසර 1970 සිටය. දශක පහක කාලයක් පුරා අඛණ්ඩව මේ කීර්තිය රැකගැනීමට බ්‍රසීලයට මං විවර වූයේ 36 වැනි මිනිත්තුවේදී පොලිනෝ ලබාගත් ගෝලයත් සමගිනි.  

සර්බියානු ගෝල් රකින වැල්ඩිමීර් ස්ටොජ්කොවික්ගේ හිසට ඉහළින් අතිවිශිෂ්ට අයුරින් පන්දුව දැල තුළට යැවූ පොලිනෝ සිය කණ්ඩායමට සැනසිල්ලක් ගෙන දුන්නේය.

මොස්කව් නුවර ඔක්රිටියා ක්‍රීඩාංගණයේ පැවැති මේ තරගයේ පළමු භාගය ගෝල 1-0 කින් පෙරමුණ ගත් බ්‍රසීලය දෙවැනි භාගයේ ආරම්භයේ සිට මිනිත්තු 15 ක් පුරා දෙගිඩියාවට පත් කිරිමට සර්බියානු ක්‍රීඩකයෝ සමත්වූහ. සර්බියාවේ ප්‍රබල ක්‍රීඩක ඇලෙක්සැන්ඩර් මිට්රෝවික් දෙවතාවක්ම ගෝලයක් ලබාගැනීමට ගත් උත්සාහය අපතේ ගියේය. බ්‍රසීල ආරක්ෂක ක්‍රීඩක මිරැන්ඩා අභිබවා පන්දුව ගෙන යමින් ගැසූ වේගවත් පහරත්, ඊට සුළු වේලාවකට පසුව බ්‍රසීල ගෝල රකින ඇලිසන් අන්ද මන්ද කරමින් හිසින් ගැසූ පහරත් ගෝල බවට පත්වූවා නම් කතාව වෙනස් වීමට ඉඩ තිබිණි.

බ්‍රසීලය සහනයක් ලැබුවේ 68 වැනි මිනිත්තුවේදී තියාගෝ සිල්වා ලබාගත් ගෝලයෙනි. ඔහුගේ ගෝලයෙන් පසුව සර්බියාවට හිස එසැවීමට බ්‍රසීලය ඉඩ දුන්නේම නැත. 

එම ජයග්‍රහණයත් සමග ‘ඊ‘ කාණ්ඩයේ පෙරමුණ ගැනීමට බ්‍රසීලය සමත්වූයේ ප්‍රසාද ලකුණු 7 කුත් සමගය. බ්‍රසීලය අද සමාරා නුවර බලා යන්නේ ලබන සඳුදා පැවැත්වෙන ඔවුන්ගේ දෙවැනි වටයේ තීරණාත්මක තරගයට සූදානම් වීමේ අරමුණ ඇතිවය 

- 077

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...